ភ្នំពេញៈ រាជ​រដ្ឋា​ភិបាល​កម្ពុជា​បាន ចំណាយ​​ថវិកា​ជាតិ​ប្រមាណ ១​ លាន​ដុល្លារ​លើ​ការ​ទិញ​សម្ភារៈ​ និង​ឧបត្ថម្ភ​ដល់​កងពល​តូច​អន្តរាគមន៍​លេខ ​១២៨​ ដែល​កំពុង​ឈរ​ជើង​ការពារ​ព្រំដែន​ កម្ពុជា​-ឡាវ​ បន្ទាប់​ពី​អង្គភាព​នេះ​ត្រូវ​បាន​បង្កើត​ឡើង​ដោយ​រាជ​រដ្ឋាភិបាល​ដើម្បី​ការពារ​ជាតិ ការពារ​ប្រជាជន ​និង​ទំនាក់​ទំនង​ល្អ​ជាមួយ​ប្រទេស​ជិត​ខាង និងមាន​ចូលរួម​សកម្មភាព​ទប់ស្កាត់​បទល្មើស​ផ្សេងៗ​នៅ​តាម​ព្រំដែន​ផង​ដែរ។ នេះ​បើតាម​អនុក្រឹត្យ​ដែល​ចុះ​ផ្សាយ​ក្នុង​សៀវភៅ​រាជកិច្ច​ ដែល​ទទួល​បាន​នៅ​សប្តាហ៍នេះ។