ក្រុមសកម្មជនលើកសញ្ញាម្រាមដៃ ៣ នៅពេលធ្វើសន្និសីទកាសែត។ BKP
.jpg)
ក្រុងបាងកក: ក្រុមសកម្មជនគាំទ្រការបោះឆ្នោត កំពុងនាំគ្នាបង្កើនសម្ពាធលើរបបយោធា បន្ទាប់ពីបានកំណត់កាលវិភាគដ៏ច្បាស់លាស់មួយសម្រាប់ការប្រមូលផ្តុំ ដើម្បីបន្តទាមទារប្រឆាំងតវ៉ាយ៉ាងហោច រហូតដល់ខែឧសភា និងដាក់កំណត់ឲ្យក្រុមអ្នកនយោបាយធ្វើការជ្រើសរើសរវាងប្រជាពលរដ្ឋ និងរបបយោធា។
ក្រុមថ្នាក់ដឹកនាំមកពីក្រុមផ្សេងៗដែលទាមទារសុំឲ្យធ្វើការបោះឆ្នោតទូទៅនាឆ្នាំនេះបានធ្វើការប្រឆាំងការតវ៉ារបស់ពួកគេនៅឯពិធីជួបជុំមួយនៅទីធ្លាបរិវេណសាកលវិទ្យាល័យធម្មសាស្ត្រកាលពីម្សិលមិញ។
លោក Sirawith "Ja New" Seritiwat មកពីក្រុមប្រជាធិបតេយ្យថ្មី បានចាប់ផ្តើមបើកកិច្ចប្រជុំនោះ ដោយធ្វើការ រំឭកចំពោះក្រុមអ្នកចូលរួមទាំងអស់អំពីគោលបំណងរបស់ពួកគេ។
លោកបានថ្លែងថា៖ «អ្វីដែលយើងចង់បាន គឺគ្មានអ្វីថ្មីឡើយ» «វាគឺជាសិទ្ធិជាមូលដ្ឋាន របស់យើងដែលត្រូវបានបំផ្លាញ ដោយក្រុមអ្នកធ្វើរដ្ឋប្រហារពេលជាច្រើនឆ្នាំមកហើយនោះ»។ «យើងចង់ឲ្យមានការបោះឆ្នោតមួយ ដើម្បីយើងអាចមានសិទ្ធិក្នុងការសម្រេចជោគវាសនាអនាគតប្រទេសរបស់ពួកយើងទាំងអស់គ្នា»។ «វាដល់ពេលសម្រាប់គ្រប់ពលរដ្ឋទាំងអស់ប្រើប្រាស់សិទ្ធិរបស់ពួកគេ ដើម្បីសម្រេចជោគវាសនា និងអនាគតរបស់ពួកគេផ្ទាល់ ដែលផ្ទុយពីការអនុវត្តតាមទិសដៅនានា ដែលត្រូវបានកំណត់ដោយគោលការណ៍ «ទន្លេទាំង ៥» ដែលត្រឹមផ្តល់ប្រយោជន៍ឲ្យក្រុមសាច់ញាតិជិតដិតរបស់ពួកគេតែប៉ុណ្ណោះ។
ពួកគេត្រូវតែបញ្ឈប់ការពន្យារពេលការបោះឆ្នោតនិងការផ្ទេរអំណាច។ ការបោះឆ្នោតត្រូវតែប្រារព្ធធ្វើឡើងនៅក្នុងឆ្នាំនេះ»៕
