ភ្នំពេញ: យុវជន​ដែល​និយម​ជិះ​ម៉ូតូ​ជា​ក្រុម ខណៈ​ម៉ូតូ​សមាជិក​មួយ​ចំនួន​ត្រូវ​បាន​កែច្នៃ​ទាំង​ដៃ​ចង្កូត កង់​ក្រោយ​និង​ស៊ីម៉ាំង​មិន​ចាញ់​ម៉ូតូ​ចម្បាំង អាច​ស្ថិត​ក្នុង​ក្រសែ​ភ្នែក​មិន​ល្អ​របស់​មនុស្ស​មួយ​ចំនួន។ ប៉ុន្ដែ​ដោយសារ​តែ​ចំណូល​ចិត្ដ​ចំពោះ​ម៉ូតូ ក្រុម​ម៉ូតូ​សប្បុរសធម៌ Khmer Mini Rider (KMR) បាន​កកើត​ឡើង​នៅ​ថ្ងៃ​ទី ១ ខែ​មករា ឆ្នាំ ២០១៧ ជាមួយ​សមាជិក​មក​ពី ៣ ខេត្ដ រួម​មាន សៀមរាប បាត់ដំបង និង​ឧត្ដរមានជ័យ ចំនួន​ប្រមាណ ២០០ នាក់។