ក្រុមប្រេស៊ីលលត់ក្រុមហុងឌូរ៉ាស ៧-០ ក្នុងការប្រកួតកម្ដៅសាច់ដុំពីថ្ងៃអាទិត្យមុនការប្រកួត Copa America។
Jesus រកបាន ២ គ្រាប់ក្នុងនាទីទី ៦ និងនាទីទី ៤៧ បន្ទាប់មក Silva រកបាន ១ ទៀតនៅនាទីទី ១៣ ហើយគ្រាប់ទី ៤ ដោយការស៊ុតបាល់ពិន័យ ១១ ម៉ែត្ររបស់ Coutinho ក្នុងនាទីទី ៣៧ លុះដល់នាទីទី ៥៦ Neres រកបានគ្រាប់ទី ៥ ហើយគ្រាប់ទី ៦ នៅនាទីទី ៦៥ ដោយ Firmino ខណៈ ១ គ្រាប់ចុងក្រោយគឺនៅនាទីទី ៧០ ដោយ Richarlison។
Jesus និង Richarlison បានសហការគ្នាល្អជាមួយ Coutinho ដែលជួយឲ្យប្រេស៊ីលឈ្នះក្នុងពេលថ្មីៗនេះដោយគ្មានវត្តមាន Neymar។
ឥឡូវនេះបញ្ហាប្រឈមថ្មីសម្រាប់ប្រេស៊ីលគឺត្រូវរក្សាជើងឲ្យបានរឹងមាំដូចពេលនេះនៅពេលប៉ះជាមួយកាតាក្នុងវគ្គជម្រុះព្រឹត្តិការណ៍ World Cup 2022។
ប្រេស៊ីលនឹងធ្វើជាម្ចាស់ផ្ទះព្រឹត្តិការណ៍ Copa America ដែលនឹងចាប់ផ្ដើមនៅថ្ងៃសុក្រ ទី ១៤ ខែ មិថុនា នេះ៕ SN