ក្រុងប៉ារីស: ក្រុម​ម្ចាស់​ជើងឯក Paris Saint Germain បាន​បង្កើត​កំណត់ត្រា​ថ្មី​នៃ​ការ​រក​ពិន្ទុ​ក្នុង​ក្របខ័ណ្ឌ Ligue 1 កាលពី​ថ្ងៃ​សៅរ៍​ជាមួយ​ជ័យជម្នះ​ក្នុង​លទ្ធផល ៣-១ លើ​ក្រុម Lille ដើម្បី​ធានា​ថា ការ​ប្រជែង​ដណ្តើម​កៅអី​នៅ​អឺរ៉ុប​ក្នុង​លីក​របស់​បារាំង នឹង​ឈាន​ដល់​ការ​ប្រកួត​សប្តាហ៍​ចុងក្រោយ​។ បច្ចុប្បន្ន ក្រុម​របស់​លោក Laurent Blanc មាន​៨៦​ពិន្ទុ​ដើម្បី​បំបែក​កំណត់ត្រា​នៃ​ការ​រក​បាន​៨៤​ពិន្ទុ​របស់ ក្រុម Lyon កាលពី​ឆ្នាំ​២០០៦ ក្នុង​ការ​ប្រកួត​មួយ​ដែល PSG បាន​រង​នូវ​ការ​ខក​ចិត្ត​ដោយសារ​តែ​ខ្សែបម្រើ​អន្តរជាតិ​បារាំង Yohan Cabaye បាន​រងរបួស​កជើង​ស្តាំ​។