បក្សីអូស្ត្រាលីដែលអ្នកវិទ្យាសាស្ត្របានពិសោធតាមដាន។ រូបថត AFP
.jpg)
ក្រុងវ៉ាស៊ីនតោន : បក្សីឈ្មោលតែងតែជាសត្វមានរូបឆោមលោមពណ៌ស្រស់ស្អាត ឬពូកែច្រៀងបំផុត តែក្រុមអ្នកស្រាវជ្រាវបាននិយាយកាលពីថ្ងៃព្រហស្បតិ៍ថាអ្វីដែលបក្សីញីគួរឲ្យស្ញប់ស្ញែងនោះគឺជាប្រាជ្ញាដល់ឆ្លាតវៃរបស់សត្វឈ្មោលទៅវិញទេ។
ការសិក្សារបស់ក្រុមអ្នកស្រាវជ្រាវនៅវិទ្យាស្ថានវិទ្យាសាស្ដ្រចិនក្នុងប៉េកាំង និងនៅសាកលវិទ្យាល័យឡៃដេន នៅហូឡង់ បានបង្ហាញថា៖ «ការសិក្សារបស់យើងបានបង្ហាញថា ការអង្កេតពីជំនាញចំណេះដឹងដោយផ្ទាល់អាចជះឥទ្ធិពលលើជម្រើសបង្កាត់ពូជ»។
ក្រុមអ្នកស្រាវជ្រាវបានប្រើសេកអូស្ដ្រាលីតូចៗ ៣៤ ក្បាលធ្វើតេស្ដញាណថា ភាពវៃឆ្លាតរបស់បក្សីឈ្មោលខាងលេងស្ទីល និងច្រៀងពូកែ។
បក្សីញីត្រូវបានដាក់ក្នុងទ្រុងជាមួយគ្រាប់ធញ្ញជាតិមួយប្រអប់បិទជិត និងត្រូវបានអនុញ្ញាតឲ្យមើលសមត្ថភាពដ៏ឆ្លាតវៃរបស់សត្វឈ្មោលត្រូវបានបង្វឹកក្នុងការបើកប្រអប់គ្រាប់ធញ្ញជាតិនោះ។
សត្វសេកញី ៨ ក្បាលក្នុងចំណោម ៩ ក្បាលបានផ្លាស់ប្ដូរគំនិត និងប្ដូរមករួមរស់ជាមួយសត្វឈ្មោលដ៏ឆ្លាតវៃដែលចេះបើកប្រអប់ចំណីឲ្យខ្លួនជាជាងអាឈ្មោលដែលស្អាតបានតែរូបឆោម។
ការសិក្សាបានបញ្ជាក់ថា៖ «វាគាំទ្រដល់ទ្រឹស្ដីរបស់លោក Darwin ផងដែរ ដែលជម្រើសផ្លូវភេទអាចរងឥទ្ធិពលពីសមត្ថភាពបញ្ហាចំពោះអម្បូរសត្វទាំងអស់»៕ HR
