បណ្ណាល័យសង់ពីដបប្លាស្ទិក ខកខានដាក់សៀវភៅឱ្យកុមារកំព្រាមីយ៉ាន់ម៉ាបានអាន
ក្រុងយ៉ាំងហ្គូន៖ បណ្ណាល័យតូចមួយសម្រាប់ក្មេងកំព្រានៅប្រទេសយ៉ាំងហ្គូន ដែលកសាងពីឥដ្ឋប្លាស្ទិកកែច្នៃឡើងវិញ នៅទទេស្អាតដោយគ្មានសៀវភៅ ឬបណ្ណាសារ។
គម្រោងបណ្ណាល័យ នៅសង្កាត់ Taikkyi ភាគខាងជើងទីក្រុងធំរបស់មីយ៉ាន់ម៉ាចាប់ផ្ដើមតាំងពីខែធ្នូ ឆ្នាំ ២០២០ ក្នុងនាមជាទីតាំងអង្គការក្រៅរដ្ឋាភិបាល Clean Yangon និងបានទាក់ទាញអ្នកបរិច្ចាគប្លាស្ទិកពីសហគមក្នុងស្រុក។
វាហាក់ដូចជាផ្ទះតុក្កតាជាមួយដំបូលរាងអក្សរ «A» និងជញ្ជាំងចម្រុះពណ៌សង់ឡើងពីដបប្លាស្ទិកដើរតួជាឥដ្ឋបរិស្ថានជាមួយគ្រោងដែក។
ក្រុមការងារស្ម័គ្រចិត្ដបានផលិតឥដ្ឋបរិស្ថានដោយកាត់សំណល់ប្លាស្ទិក ដូចជា កញ្ចប់នំស្រួយ ដែលអាចចំណាយពេលរាប់រយឆ្នាំក្នុងទុកឱ្យរលាយ ទៅជាបំណែកតូចៗ និងញាត់សម្បកដបភេសជ្ជៈទន់ៗចូល។
អ្នកស្ម័គ្រចិត្ដ ZayYarTun បានប្រាប់ AFP ថា៖ «វាត្រូវចំណាយពេលយ៉ាងតិចមួយម៉ោងក្នុងការផលិតឥដ្ឋអេកូមួយលីត្រ។ យើងប្រើឥដ្ឋអេកូ ៥ ពាន់ដុំ ដើម្បីសម្រេចអគារនេះមួយ»។
បណ្ណាល័យត្រូវបានរំពឹងថា បើកដំណើរការឆ្នាំនេះ តែវាអាចត្រូវការពេលបន្ដិចទៀត មុនពេលបណ្ណាល័យនេះមានសៀវភៅ ដោយសារប្រទេសកំពុងជួបបញ្ហាចលាចល។
ប៉ុន្ដែនីតិវិធីកសាងបណ្ណាល័យបង្កើតជាបទពិសោធសិក្សាដ៏មានតម្លៃសម្រាប់កុមារនៅមណ្ឌលកុមារកំព្រា។
អេរីច បាននិយាយថា៖ «កុមារនៅទីនេះនឹងមិនត្រូវបានអនុញ្ញាតឱ្យបោះចោលសំរាមឡើយ។ យើងកសាងបណ្ណាល័យនេះនៅចំពោះមុខពួកគេ។ ដូច្នេះ ពួកគេអាចរៀនពីវិធីនៃការសង្គ្រោះបរិស្ថាន»។
នៅមីយ៉ាន់ម៉ា ថង់ និងដបប្លាស្ទិកឈប់ប្រើតែងតែត្រូវបានបោះចោលនៅតាមដដងផ្លូវ និងលូបង្ហូរទឹកស្អុយ។ យោងតាមការស្ទង់មតិរបស់អង្គការអភិរក្សបរិស្ថាន បានបង្ហាញថា សំណល់ប្លាស្ទិក ១១៩តោន បានធ្លាក់ចូលទន្លេអាយេយ៉ាវ៉ាឌី រៀងរាល់ថ្ងៃ ដែលធ្វើឱ្យវាក្លាយជាផ្លូវទឹកដ៏កខ្វក់បំផុតមួយក្នុងលោក។
កញ្ញា ZanZanThae Ooអាយុ ២៧ ឆ្នាំ ដែលបានរួមចំណែកឥដ្ឋអេកូចម្រុះពណ៌ ១៥០ ដុំ ដល់គម្រោងបណ្ណាល័យមានមោទនភាពចំពោះផលិតផលសម្រេចនេះ។
កញ្ញាបានប្រាប់ AFP ថា៖ «ខ្ញុំបានដឹងច្បាស់អំពីបង្កើតតម្លៃពីសម្ភារសំរាមទាំងនេះ»។
ទំនោរប្រើប្រាស់ឥដ្ឋអេកូចាប់ផ្ដើមពីប្រទេសក្វាតេម៉ាឡា ក្នុងឆ្នាំ ២០០៥ ដោយភូមិឋាននៅទីនោះជោរជន់សំរាម និងគ្មានគំនរសំរាម ឬប្រព័ន្ធប្រមូលសំរាមផ្លូវការឡើយ។ គំនិតផ្ដួចផ្ដើមនេះទទួលបានពេញនិយម។
៦ ឆ្នាំមុន អង្គការមូលនិធិជំនួយបាដាណា របស់មីយ៉ាន់ម៉ា ចាប់ផ្ដើមកសាងថ្នាក់រៀនពីឥដ្ឋអេកូ ជាសាលារៀបនដំបូងនៅទីក្រុងបុរាណបាហ្គាន បន្ទាប់មកសាលារៀនមួយទៀតក្បែរបឹង អ៊ីឡេ ក្នុងឆ្នាំ២០១៨។
អង្គការសប្បុរសធម៌ពេលនេះកំពុងតែកសាងសាលាឥដ្ឋអេកូទី ៣ នៅតំបន់ប្រជុំជន HlaingTharYarនៃទីក្រុងយ៉ាំងហ្គូន។ គេរំពឹងថាវានឹងបញ្ចប់ក្នុងខែកក្កដាហើយនឹងអគារមានថ្នាក់រៀនចំនួន ៣ សម្រាប់សិស្ស ៩០នាក់។
ជាម្ចាស់ឧបត្ថម្ភ និងជាមេការសំណង់ Win Thu Yaបានប្រាប់ AFP ថា៖ «គម្រោងឥដ្ឋអេកូបានផ្លាស់ប្ដូរអត្ដចរឹកសហគមអំពីបញ្ហាសំរាម»៕ AFP/HR
