ភ្នំពេញៈ តារាចម្រៀងស្រីដែលហាក់បានស្ងាត់ទីផ្សារចម្រៀង តែមកលេចធ្លោកាក់កបនឹងការសម្តែងភាពយន្តមិនសូវដាច់ដែលក្រោយពីថតកុនរឿង «សសរកន្លោង» ចប់ក៏បន្តរឿងភាគ ២ ទៀតផងនោះ ក៏ស្រាប់តែបង្ហើរវែងមួយប្រកាសផ្អាកពីការងារសិល្បៈគួរឲ្យងឿងឆ្ងល់យ៉ាងខ្លាំង។
តារាចម្រៀងស្រីទម្លាប់តែងខ្លួនបែបសិចស៊ី ដែលកំពុងវិវត្តខ្លួនមួយជំហានទៀតក្លាយជាតារាសម្តែងមានស្វាមីជាតារាសម្តែងក្មេងជាងខ្លួនអ្នកនាង ឆ័យលី ដាឡែន ក៏បង្ហោះសារវែងអន្លាយស្តែងចេញអារម្មណ៍ បៀមទុក្ខសោក បង្កការភ្ញាក់ផ្អើលពីមហាជនយ៉ាងខ្លាំង ដោយនាងបានសរសេរថា៖ «ខ្ញុំហត់ ហើយ ខ្ញុំពិតជាហត់ណាស់ ខ្ញុំទៅមុខលែងរួចហើយ ពេលខ្ញុំចប់ការងារអស់ ខ្ញុំសុំសំរាកហើយ គឺបាត់មុខខ្ញុំមួយរយៈ តែទទួលកុម្ម៉ង់អីវ៉ាន់ធម្មតា ដោយអាខោននេះខ្ញុំឲ្យក្មួយខ្ញុំជាអ្នកកាន់ អាចឆាតសួរព័ត៌មានផ្សេងៗបាន។ សុំទោសផងណាអ្នកទាំងអស់គ្នា គឺខ្ញុំចង់សំរាក ព្រោះខ្ញុំហត់ជាមួយអ្វីៗគ្រប់យ៉ាងពេកហើយ បើយើង មិនគិតខ្លួនយើងទេគ្មានអ្នកណាគេគិតយើងនោះទេ ។ តាំងពីតូចរហូតដល់ធំយើងអាយុប៉ុណ្ណឹងហើយយើងពិតជាមិន ដែលចង់បានអីទេ គឺចង់បានតែពាក្យថាស្មោះត្រង់ ពាក្យនេះមិនថាចំពោះស្នេហា ឬមិត្តភាពនោះទេ តែហេតុអីពាក្យនេះមានតែខ្ញុំទេដែលឲ្យទៅគេតែគេមិនដែលឲ្យពាក្យ នេះមកខ្ញុំវិញអញ្ចឹង? ខ្ញុំសុំបានទេ បើស្រលាញ់ខ្ញុំ ខ្ញុំសុំពាក្យស្មោះត្រង់ជាមួយខ្ញុំបានទេ? បើ មិនបានឲ្យអ្វីមកខ្ញុំ ខ្ញុំពិតជាឈឺ បើដឹងថាមនុស្ស ដែលស្រលាញ់ខ្ញុំបែរជាក្បត់ខ្ញុំ មិនថាស្នេហាឬមិត្តភាពនោះទេ ។ អ្នកធ្លាប់តែឃើញខ្ញុំសើច ញញឹម នោះគ្រាន់តែជាសំបកក្រៅទេ តែខាងក្នុងខ្ញុំគឺរូបភាពបែបនេះ។ នៅពេលមានរឿងបែបនេះខ្ញុំនឹកអែងណាស់សំលាញ់ មានតែឯងទេដែលឲ្យពាក្យស្មោះត្រង់មកខ្ញុំ ក្រៅពីហ្នឹងគេមិនដែលឲ្យខ្ញុំទេ មានតែឯងទេដែលលួងយើង មានតែឯងទេ ដែលចាំផ្តល់កំលាំងចិត្តឲ្យខ្ញុំ មានតែឯងទេដែលឲ្យស្មាគ្នាកើយបង្ហូរទឹកភ្នែក»។
កន្លងមកតារាចម្រៀងស្រីរូបនេះ ក៏ធ្លាប់បានប្រាប់ពីអត្ថន័យសារដែលនាងតែងតែបានបង្ហោះផងដែរថា គ្រាន់តែផូស្ត៍លេងនាពេលនាងមានអារម្មណ៍នឿយហត់ពីការងារតែប៉ុណ្ណោះ៕