ពិធីការិនីទូរទស្សន៍ និងតារាសម្តែងស្រីរូបស្រស់កញ្ញា ហ៊ិន ច័ន្ទនីរ័ត្ន។ រូបថត ហុង មិនា, សុខៗ ស្រីស្រស់ ហ៊ិន ច័ន្ទនីរ័ត្ន មកបង្ហើបលេងរឿងលើកថ្ងៃចូលរោងការទៅឆ្នាំក្រោយ។ រូបថត ហ្វេសប៊ុក
.jpg)
ភ្នំពេញ៖ ថ្មីៗនេះពិធីការិនីទូរទស្សន៍ និងតារាសម្តែងស្រីដែលរយាលពីការថតកុនសម្រស់កាន់តែផូរផង់ខ្លាំងកញ្ញា ហ៊ិន ច័ន្ទនីរ័ត្ន បង្កើតភាពភ្ញាក់ផ្អើលដល់មហាជនជាមួយនឹងការបង្ហោះសារតាមហ្វេសប៊ុក បង្ហើបរឿងលើកពេលចូលរោងជ័យទៅឆ្នាំក្រោយវិញ ព្រោះតែឧបសគ្គបង្កឡើងដោយសារជំងឺកូវីដ ១៩ នោះ។
បើតាមកត់សម្គាល់នោះ មួយរយៈពេលចុងក្រោយនេះ តារាសម្តែង និងពិធីការិនីទូរទស្សន៍ សម្រស់មិនចាស់តាមវ័យកញ្ញា ហ៊ិន ច័ន្ទនីរ័ត្ន ហាក់ដូចជាមានភាពរយាលនឹងការសម្តែងសិល្បៈបន្តិច ដោយសារគេសង្កេតឃើញថា មានការមមាញឹកនឹងការបើកអាជីវកម្មលក់គ្រឿងសម្អាងកាយម៉ាក U.Me និង ELMA ដែលជាផលិតផលកំពុងល្បីនៅកម្ពុជា ដែលជាដើមចមមួយនៃអាថ៌កំបាំងសម្រស់ស្រស់ស្អាត នៅក្មេងជានិច្ចរបស់កញ្ញាទៀតផង។
អមនឹងរូបថតស្លៀកពាក់បែបប្រពៃណីមួយសន្លឹកមានទឹកមុខញញឹមស្រស់ពព្រាយ សាច់សខ្ចីនោះ កញ្ញា ហ៊ិន ច័ន្ទនីរ័ត្ន ក៏បង្ហោះសារ ១ ឃ្លាថា៖ «ឆ្នាំនឹងអត់ទាន់ការ ព្រោះកូវីដចាំឆ្នាំក្រោយ (kidding)»។
ខណៈមួយរំពេចក្រោយមកក៏មានអ្នកគាំទ្រជាច្រើនបង្ហាញការអបអរសាទរដោយប្រើជាសញ្ញារូបបេះដូងបង្ហាញការស្រឡាញ់ និងចុច Like ហើយក៏មានអ្នកខំមិនយ៉ាងច្រើនជាហូរហែ។ គេឃើញមានអ្នកខ្លះសរសេរថា៖ «ចឹងហ្វែនជិតបានញ៉ាំការបងភិមានហើយ។ សុំធ្វើកូនព្នាយផងបង។ ចង់ឃើញកូនកំលោះអាយដល់ សុំប្រាប់ការផង!»។ ឯអ្នកខ្លះនិយាយថា៖ «Idol ចេះលេងសើចទៀត។ កំប្លែងស្ងួតណាស់អាយដល់ខ្ញុំ។ ឆ្នាំក្រោយក៏បាន Ok! គឺលើកទៅឆ្នាំក្រោយ ហើយបងប្អូនយើង!»។
ទោះបីជាមានការបញ្ជាក់នៅក្នុងសាររបស់ពិធីការិនីស្រស់វ័យច្រើនតែសម្រស់នៅតែក្មេង ហ៊ិន ច័ន្ទនីរ័ត្ន ដែលសរសេរថា «គ្រាន់តែនិយាយលេង» មែនក្តី ក៏មិនស្ងប់ចិត្តនឹងសេចក្តីចង់ដឹងចង់ឮការពិតពីមហាជនដដែល ខណៈភ្នំពេញប៉ុស្តិ៍ក៏មិនអាចទទួលការបញ្ជាក់ពីតារាស្រីរូបនេះបានទេ ដោយប្រព័ន្ធទូរស័ព្ទដែលធ្លាប់ទាក់ទងពីមុន នាពេលនេះមិនអាចទំនាក់ទំនងបានឡើយ។
គួររំឭកដែរថា អាជីវកម្មក្រៅសិល្បៈលក់គ្រឿងសម្អាងកាយ U.Me និង ELMA នោះ គេឃើញកញ្ញា ហ៊ិន ច័ន្ទនីរ័ត្ន មានតួនាទីជា CEO ក្រុមហ៊ុន ហើយក៏ធ្លាប់ផ្សព្វផ្សាយពីផលិតផលនោះដែរថា៖ «ម្ចាស់ក្រុមហ៊ុនក៏ប្រើ តារាផ្សព្វផ្សាយក៏ប្រើ អ្នកលក់ក៏ប្រើ អ្នកទិញក៏ពេញចិត្ត។ ក្នុងនាមនាងខ្ញុំជាតំណាងក្រុមហ៊ុន មានការជឿជាក់ជាមួយផលិតផលធម្មជាតិ 100% បានទាំងស្អាត បានទាំងសុខភាពស្បែក ជាពិសេស អ្នកចែកចាយបានទាំងលុយ ស្រួលលក់ ស្រួលចំណេញ ផ្សព្វផ្សាយទូលំទូលាយជាមួយនឹងផលិតផលគុណភាពលំដាប់ខ្ពស់ប្រចាំក្នុងឆ្នាំ ២០២០ ដែលជាផលិតផលសម្រស់បែបធម្មជាតិ មន្តស្នេហ៍ សម្រស់បែបធម្មជាតិ ពោលគឺស្រឡាញ់ស្បែកធម្មជាតិស្រឡាញ់ U.Me និង ELMA»៕
