.jpg)
ក្រុងញូវយ៉ក: នាវា Okeanos Explorer របស់ NOAA បានចេញបេសកកម្ម ដើម្បីស៊ើបអង្កេតដែនសមុទ្រអាថ៌កំបាំងនៅភាគអាគ្នេយ៍សហរដ្ឋអាមេរិក កាលពីសប្ដាហ៍មុន ដោយបង្ហាញឲ្យឃើញច្បាស់នូវជីវិតចម្លែកៗរាប់ពាន់ប្រភេទក្នុងជម្រៅផ្ទៃទឹករាប់ពាន់ម៉ែត្រ។
ចាប់ពីសត្វសមុទ្រទឹកជ្រៅភ្នែកធំៗ រហូតដល់ត្រីតុកកែមាត់ក្រពើ ដ៏គួរឲ្យខ្លាច ក្រុមអ្នកវិទ្យាសាស្ដ្រ បានប្រើយានបញ្ជា ដើម្បីស្រាវជ្រាវរកសត្វស្រស់ស្អាតប្លែកៗក្នុងបាតសមុទ្រអំឡុងយុទ្ធនាការ «Windows to the Deep» ១៧ ដង។
បេសេកកម្មបានបញ្ចប់នៅថ្ងៃទី២ ខែកក្កដា ក្រោយពីចំណាយពេលរុករកជាងមួយខែនៅឧបទ្វីបដែនសមុទ្រភាគអាគ្នេយ៍អាមេរិក Continental Margin ដែលលាតសន្ធឹងពីរដ្ឋហ្វ្លរីដា (Florida) ទៅ ណ័រស៍ ខារ៉ូឡាញណា (North Carolina)។
យុទ្ធនាការរុករកចាប់ផ្ដើមពីថ្ងៃទី២២ ខែឧសភា ដោយបែងចែកជាពីរផ្នែកក្នុងតំបន់ទឹកជ្រៅភាគអាគ្នេយ៍ ដែលគេជឿថា មានទីតាំងអាថ៌កំបាំងមួយចំនួននៃឆ្នេរខាងកើត។
កាលពីថ្ងៃទី ១ ខែកក្កដា ជាថ្ងៃចុងក្រោយនៃការរុករក ក្រុមអ្នកស្រាវជ្រាវបានប្រទះឃើញត្រីតុកកែស្រដៀងអន្ទង់នៅជម្រៅទឹកប្រមាណ ១៧៧១ ម៉ែត្រ។
ត្រីទឹកជ្រៅដ៏គួរឲ្យខ្លាច ដែលស្ថិតក្នុងអម្បូរ បាតធីស៊ូរូស មានមុខស្លេកដូចខ្មោច កែវភ្នែកខ្មៅក្រឹប និងមាត់ធំៗពេញទៅដោយធ្មេញមុតស្រួច។ យោងតាម National Geographic ត្រីតុកកែមានសរីរាង្គទាំងញី និងឈ្មោល ដែលអនុញ្ញាតឲ្យពួកគេរួមសង្វាស់ជាមួយសមាជិកណាមួយក៏បាន។
ត្រីដ៏គួរឲ្យរអើមនេះអាចលូតដល់ប្រវែងជាង ៦ តឹក និងសម្ងំចាំចាប់ចំណីយ៉ាងស្ងាត់ស្ងៀម៕ HR
ប្រភព dailymail.co.uk
