ក្រដាសប្រាក់រូពីឥណ្ឌាក្នុងទូរម៉ាស៊ីន ATM រងការបំផ្លាញពីឧក្រិដ្ឋជនកណ្ដុរ៕ AFP
.jpg)
ក្រុងញូវដែលី: ប៉ូលិសឥណ្ឌា កាលពីថ្ងៃព្រហស្បតិ៍ បាននិយាយថា ទ័ពកណ្ដុរបានកកេរក្រដាសប្រាក់ជាង ១ លានរូពី ក្រោយពីត្បុលចូលទូរប្រាក់ ATM នៅភាគឦសាន្ដប្រទេស។
ប៉ូលិសក្នុងស្រុកទីនគុសៀ បានប្រាប់ AFP ថា ឧក្រិដ្ឋជនកណ្ដុរនៅរដ្ឋអាសសាមត្រូវបានរកឃើញដោយបុគ្គលិកធនាគារ ក្រោយពីអ្នកស្រុកឡូឡាថា ម៉ាស៊ីន ATM មានបញ្ហា និងអត់បញ្ចេញប្រាក់។
ស្នងការប៉ូលិស Mugdhajyoti Dev Mahanta បាននិយាយថា៖ «ក្រុមបុគ្គលិកធនាគារមកត្រួតពិនិត្យម៉ាស៊ីន ATM កាលពីសប្ដាហ៍មុន និងបានរកឃើញកណ្ដុរងាប់មួយក្បាល និងក្រដាសប្រាក់របែកយ៉ាងច្រើនសន្ធឹកពេលបើកទូរមក។ យើងបានទៅមើល និងមិនបានឃើញស្លាកស្នាមឧក្រិដ្ឋណាមួយទេ។ វាទំនងជាសត្វកណ្ដុរចូលក្នុងម៉ាស៊ីនតាមរន្ធខ្សែលួសតូចៗ»។
សត្វកណ្ដុរបានកកេរប្រាក់ប្រមាណ ១,២ លានរូពី (១៨ ០០០ ដុល្លារ)។ រូបភាពសន្លឹកលុយរហែកបានបង្ហាញពីក្រដាសប្រាក់ ៥០០ និង ២០០០ រូពី៕ HR
