សកម្មភាពជិះក្ដារលើរលក ជាមួយទេសភាពស្អាតដូចគំនូរ ទឹករលកដូចមរកត និងផ្ទៃមេឃខៀវស្រងាត់។ រូបថត AFP
.jpg)
ក្រុងអូស្លូ៖ ទឹកសមុទ្រចាប់ផ្ដើមពូនជារលកក្រោមបរិយាកាសក្ដៅហែង ហើយរលកបន្ដបោករលេញជះទឹកលើឈុតហែលទឹក របស់កីឡាករដែលឈរលើក្ដារបន្ទះ។ ឈ្មោះរបស់អ្នកជិះក្ដារនោះ គឺ Anker Olsen Frantzen អាយុទើបតែ ១៨ ឆ្នាំ និងអ្នកស្រុកឆក Unstad ជាទីដែលការប្រកួតជិះក្ដារលើទឹក Lofoten Masters ត្រូវបានរៀបចំឡើង។
លោក Anker ស្ថិតក្នុងចំណោមអ្នកលេងកីឡានេះ ២៩ នាក់ (ស្ដ្រី ៨ និងប្រុស ២១ នាក់) ដែលបានចូលរួមការប្រកួត Masters ឆ្នាំ ២០១៩ ជាការប្រកួតរៀបចំឡើងស្របពេលដែលប៉ូលខាងជើងនៃកម្រិតរយៈទទឹងអេក្វាទ័រ ៦៨,៩ ដឺក្រេ។
ស្ថិតក្នុងជ្រលងប្រជុំកោះឆកនៅន័រវែសនេះ ពិតជាចោលសម្រស់ស្រស់ស្អាត ដែលជាឋានសួគ៌សម្រាប់ហ្វូងបក្សី និងទីឋានស្អាតបែបស្ងប់ស្ងាត់សម្រាប់មនុស្ស។
Moskstraumen ឬទឹកកួច ដែលបង្កើតឡើងនៅតាមប្រជុំកោះ បានទាក់ទាញក្រុមអ្នកនិពន្ធ តាំងពីកវីបុរាណមកម្ល៉េះ។ សំណាងល្អ សម្រាប់ក្រុមអ្នកជិះក្ដារទឹកថ្ងៃនេះ វាមិនមានសញ្ញានៃអព្ភូតហេតុទឹកកួចនៅឆក Unstad ឡើយ។
ពន្លឺប៉ូលខាងជើងបំភ្លឺផ្ទៃមេឃ ជាបាតុភូតធម្មជាតិដ៏ទាក់ទាញ។ រូបថត AFP
រដូវក្ដៅបានធ្វើឲ្យតំបន់នោះកើនសីតុណ្ហភាពដល់ ១៧ អង្សាសេ អំឡុងពេលថ្ងៃដោយទឹកសមុទ្រមានកម្រិតសីតុណ្ហភាព ១០ អង្សាសេ។ សម្ពាធខ្លាំងនៅតែធ្វើឲ្យរលកមិនអាចពង្រីកខ្លួនធំគ្រប់គ្រាន់។
ជីតារបស់យុវជន Anker ឈ្មោះ Thor Frantzen គឺជាអធិរាជអ្នកជិះរលកក្នុងតំបន់។ កាលពីឆ្នាំ ១៩៦៣ ការប្រើប្រាស់រូបភាពក្របអាប៊ុមចម្រៀង «Surfin'' Safari» របស់ក្រុមចម្រៀង «The Beach Boys» ដែលចេញលក់កាលពី ១ ឆ្នាំមុននោះ លោក Thor បានផលិតក្ដាររលកដំបូងនៅប្រជុំកោះ Lofoten ដោយប្រើសំឡីកែវ និងក្រដាសកាសែត។
រដូវក្ដៅនៅឆ្នាំ ១៩៦៣ នោះ លោករៀនប្រើប្រាស់ឧបករណ៍ក្ដាររលកប្រភេទនេះ ហើយលោកតែងតែជិះលើវាជានិច្ចកាល។ ប៉ុន្ដែលោកត្រូវផ្ទេរងារនោះឲ្យអ្នកជំនាន់ក្រោយ។
កាលពីថ្ងៃសៅរ៍សប្ដាហ៍មុន Ine Haugen ជនជាតិន័រវែស បានដណ្ដើមពានជិះក្ដាររលកផ្នែកនារី ខណៈ Tim Latte មកពីស៊ុយអែត គ្រងតំណែងបុរសឆ្នើម។ រីឯចៅប្រុសអធិរាជក្ដាររលកក៏បានឈ្នះពានក្ដារវែងបំផុតផងដែរ ៕ AFP/HR
ក្រុមអ្នកជិះក្ដារ ពាក់អាវរងាដើរសំដៅទៅកន្លែងមានរលកធំ ។ រូបថត AFP
