កោះ​រាប់ពាន់​រាយប៉ាយ​នៅ​ព្រំដែន​អាមេរិក-កាណាដា

កោះ​រាប់​ពាន់​មាន​តូច​មាន​ធំ ស្ថិត​នៅ​រាយ​ប៉ាយ​ក្នុង​ប្រទេស​កាណាដា។
កោះ​រាប់​ពាន់​មាន​តូច​មាន​ធំ ស្ថិត​នៅ​រាយ​ប៉ាយ​ក្នុង​ប្រទេស​កាណាដា។

ក្រុងតូរ៉ុនតូ : បណ្ដុំ​កោះ​រាប់ពាន់ ឬ​សៅហ្សិន​អៃឡេនដ៍​ដែល​មាន​កោះ​តូច​ធំ​ចំនួន​១៨៦៤​កោះ​ស្ថិត​នៅ​រាយប៉ាយ​លើ ផ្ទៃ​ទឹកសាប​នៃ​ទន្លេ​សែនត៍ឡូរ៉េន នៃ​ព្រំប្រទល់​សហរដ្ឋអាមេរិក និង​ប្រទេស​កាណាដា​នោះ​មាន​ភាព​ល្បីល្បាញ​ដោយសារ​តែ​ទេសភាព​ដ៏ ស្រស់ត្រកាល ជាពិសេស​គឺ​តំបន់ «ផ្ទះ​មួយ​កោះ​មួយ»។

បណ្ដុំ​កោះ​ទាំងនោះ លាតសន្ធឹង​លើ​ផ្ទៃទឹក​ប្រវែង​៨០​គីឡូម៉ែត្រ​ដោយ​កោះ​នីមួយៗ​មាន​ផ្ទៃក្រឡា ធំ​បំផុត​រហូត​ដល់​១​ម៉ឺន​ហិកតា និង​កោះ​ខ្លះ​តូចល្មម​ត្រឹម​តែ​សង់​បាន​ផ្ទះ​មួយ​ខ្នង និង​ខ្លះ​ទៀត​តូច​ខ្លាំង​ដោយ​មាន​តែ​ដើមឈើ​ពីរ​បី​ដើម​ដុះ​សម្រាប់​ជា ជម្រក​បក្សាបក្សី តែ​ប៉ុណ្ណោះ​។

Content image - Phnom Penh Post

ក្នុង​ចំណោម​កោះ​ទាំងនោះ កោះ​ដែល​ធំជាង​គេ​ឈ្មោះ​ថា Wolfe ដែល​មាន​បណ្ដោយ​២៩​គីឡូម៉ែត្រ ទទឹង​៩​គីឡូម៉ែត្រ និង​មាន​ប្រជាជន​រស់នៅ​១៤០០​នាក់។

ផ្ទុយ​ទៅ​វិញ​កូន​កោះ​តូចៗ​ត្រូវ​បាន​គេ​ឲ្យ​ឈ្មោះ​ថា «កោះ​មួយ​បន្ទប់​» ដែល​មាន​ទំហំ​ល្មម​អាច​សង់​បាន​ផ្ទះ​តែ​មួយ​ខ្នង ឬ​ដាក់​បាន​កៅអី​មួយ​សម្រាប់​អង្គុយ​លេង​គយគន់​ទេសភាព​មាត់ទន្លេ​ប៉ុណ្ណោះ។

បច្ចុប្បន្ន គេ​បាន​ច្នៃ​ទូកចម្លង​ជាច្រើន​ដោយ​ប្រើ​ថាមពល​អេឡិចត្រូនិក​និង ប្រព័ន្ធ​ទូរស័ព្ទ​ខ្សែកាប​ក្រោម​ទឹក​សម្រាប់​ទាក់ទង​គ្នា​តាម​បណ្តា​កោះ ទាំងនោះ​ផង​ដែរ។

ចំណោម​កោះ​ចំនួន​ម្ភៃ​នៃ​ប្រជុំ​កោះ​នោះ​ត្រូវ​បាន​គេ​ចាត់​ចូល​ជា​តំបន់​ឧទ្យាន​ជាតិ​មួយ​នៅ​ប្រទេស​កាណាដា​។

ជាង នេះ​ទៅ​ទៀត​បណ្ដុំ​កោះ​រាប់​ពាន់​នៅ​ទន្លេ សែនត៍ឡូរ៉េន​នេះ​ក៏​ត្រូវ​បាន​អង្គការ​យូណេស្កូ​បញ្ចូល​ឈ្មោះ​ជា​តំបន់ អភិរក្ស​ជីវចម្រុះ​ពិភព​(World Biosphere Reserve)​ក្នុង​ឆ្នាំ​២០០២​ផង​ដែរ៕ PR

ព័ត៌មានថ្មីៗ