ដុំថ្ម​មូល​ដូច​បាល់​ស្ថិត​នៅ​រាយប៉ាយ​នៅ​ទឹកដី​កូស្តារីកា​

ក្រុងសាន់ហ្សូស៊េ : កាលពី​ឆ្នាំ​១៩៣០ ខណៈ​ដែល​ប្រជាពល​រដ្ឋ​កូស្តារីកា​បាន​កាប់គាស់​ឆ្ការ​ដី​ព្រៃ​ដើម្បី ដាំ​ចេក​ស្រាប់តែ​កម្មករ​របស់​ក្រុមហ៊ុន​United Fruit Company​បាន​ប្រទះ​ឃើញ​ដុំថ្ម​រាងមូល​មួយ​ចំនួន​កប់​ក្នុង​ដី​ចម្ការ​នៅ ព្រៃ​នោះ។

មិន​យូរ​ប៉ុន្មាន​គេ​បាន​ឃើញ​ដុំថ្ម​រាង​មូល​ទាំងនោះ​ប្រែក្លាយ​ជា​វត្ថុ​តាំងលម្អ​នៅ​ខាង​មុខ​អគារ​នានា​របស់​រដ្ឋាភិបាល ក៏​ដូចជា ផ្ទះសម្បែង​របស់​អ្នក​មាន​ទ្រព្យធន​ទូទាំង​ប្រទេស​កូស្តារីកា​ទៅវិញ​។

គេ សង្កេត​ឃើញ​មាន​ដុំថ្ម​ភាគច្រើន​ត្រូវការ​វាយបំបែក​ផង​ដែរ ដោយសារ​តែ​កាលពី​សម័យ​មុន​មាន​ក្រុម​អ្នក​ស្វែងរក​រ៉ែមាស ដែល​ពួកគេ​គិត​ថា​ដុំថ្ម​នេះ​មាន​បង្កប់​មាស​ខាង​ក្នុង។

យោងតាម​អាជ្ញាធរ​បាន​ឲ្យ​ដឹង​ថា ​ប្រហែល​ជា​មាន​ដុំថ្ម​ចំនួន​រាប់រយ​ឯណោះ ត្រូវ​បាន​គេ​វាយ​បំផ្លាញ​ចោល។

ថ្ម​រាង​មូល​នេះ​ត្រូវ​បាន​គេ​ប្រមូល​យក​ទៅ​ធ្វើ​វត្ថុ​តាំង​លម្អ​តាម​សួន​ច្បារ។
ថ្ម​រាង​មូល​នេះ​ត្រូវ​បាន​គេ​ប្រមូល​យក​ទៅ​ធ្វើ​វត្ថុ​តាំង​លម្អ​តាម​សួន​ច្បារ។

រយៈពេល​ប៉ុន្មាន​ទសវត្សរ៍​មក​នេះ​គេ​បាន​ប្រទះ​ឃើញ​ដុំថ្ម​រាងមូល​ដូច​បាល់​ប្រហែល​ជា​៣០០០​ដុំ​នៅឯ​តំបន់​ដែនដី​សណ្តឌីស្គីស ដែលតា ប្រទេស​កូស្តារីកា។ គេ​សង្កេត​ឃើញ​ដុំថ្ម​មូល​ទាំងនោះ​មាន​បន្ទាត់​ផ្ចិត​ទំហំ​ពីរ ឬ​បី​សង់ទីម៉ែត្រ រហូត​ដល់​២​ម៉ែត្រ​ឯណោះ ខណៈ​វា​អាច​មាន​ទម្ងន់​ដល់​ទៅ​ ១៥​តោន​ទៀត​ផង។

ដុំថ្ម​រាងមូល​ទាំងនោះ​ខ្លះ​បាន​រក្សា​រូបរាង​ដើម​របស់​វា តែ​ភាគច្រើន​ត្រូវ​រង​នូវ​បាត់បង់​ទម្រង់​ដើម​ដោយសារ​សំណឹក ភ្លើង​និង​ការ​បំផ្លាញ​ជាដើម។

ដុំថ្ម​រាង​មូល​ទាំងនោះ​ត្រូវ​បាន​គេ ជឿ​ថា មាន​វ័យ​កាល​៦០០​ឆ្នាំ​នៃ​គ្រិស្តសករាជ និង​ភាគច្រើន​មាន​កាលបរិច្ឆេទ​១០០០​ឆ្នាំ​នៃ​គ្រិស្តសករាជ ពោល​គឺ​មុន​សម័យកាល​ដែល​ប្រទេស​អេស្ប៉ាញ​ត្រួតត្រា​ទឹកដី​ប្រទេស កូស្តារីកា។

បច្ចុប្បន្ន​ដុំថ្ម​មូល​ទាំងឡាយ​ដែល​ត្រូវ​បាន​មនុស្ស ជំនាន់​ដើម​ជា​អ្នក​ដុសខាត់​កែច្នៃ​ឲ្យ​មាន​រូបរាង​ដូច​បាល់​នា​សព្វ ថ្ងៃ​នេះ ស្ថិត​ក្រោម​ការ​អភិរក្ស​ពី​អង្គការ​យូណេស្កូ​។ វា​ត្រូវ​បាន​គេ​បញ្ចូល​ជា​វត្ថុ​បេតិកភណ្ឌ​ពិភពលោក​ផ្នែក​វប្បធម៌ មនុស្ស​ជាតិ​ថែម​ទៀត​ផង៕ PR

ព័ត៌មានថ្មីៗ