តំបន់​អន្លង់​ទន្លេ​រាងក្រចក​សេះ​នៅ​រដ្ឋ​អារីហ្សូណា

ទេសភាព​អន្លង់​ទន្លេ​ក្រចក​សេះ​ក្នុង​រដ្ឋអារីហ្សូណា សហរដ្ឋ​អាមេរិក។
ទេសភាព​អន្លង់​ទន្លេ​ក្រចក​សេះ​ក្នុង​រដ្ឋអារីហ្សូណា សហរដ្ឋ​អាមេរិក។

ក្រុងហ្វូនិក : ធ្វើ​ដំណើរ​ទៅ​ដល់​តំបន់​មួយ​ដែល​ស្ថិត​នៅ​ភាគ​ខាង​ជើង​នៃ​រដ្ឋ​អារីហ្សូណា និង​ភាគ​ខាង​ត្បូង​រដ្ឋ​យូតា​នៃ​សហរដ្ឋ​អាមេរិក​យើង​នឹង​បាន​ប្រទះ​ឃើញ​នូវ ទន្លេ​មួយ​ដែល​មាន​រូបរាង​ចម្លែក​ខុសប្លែក​ពី​ទន្លេ​ដទៃ​ជា​មិន​ខាន។

នោះ​ជា​ទន្លេ​ខូឡូរ៉ាដូ មាន​រូបរាង​ដូច​ក្រចក​សត្វ​សេះ ដែល​កកើត​ឡើង​ដោយសារ​តែ​បាតុភូត​ខ្យល់​បោកបក់ និង​ទឹក​ហូរ​កួច​ខ្លាំង​បង្ក​ឲ្យ​សណ្ឋាន​នៃ​ទន្លេ​នេះ​ប្រែ​ជា​មាន​រូបរាង ដូច្នេះ។

ទន្លេ​ខូឡូរ៉ាដូ ឬ​ទន្លេ​ក្រចក​សេះ​មាន​ទីតាំង​ស្ថិត​នៅ​ក្បែរ​ក្រុង​ផេកហ្គេ។ ដោយសារ​មាន​សំណង់​ទំនប់​វារីអគ្គិសនី​គ្លេនខេនយ៉ុនដេម​នៅ​ទី​នោះ ផ្ទៃទឹក​របស់​ទន្លេ​ក្រចកសេះ​មាន​ពណ៌​បៃតង​ដូច​ត្បូង​មរកត​អ៊ីចឹង​ខណៈ ទន្លេ​នេះ​មាន​ផ្នត់​បត់បែន​ជា​រង្វង់​ច្រើន​អន្លើ​ដោយ​បត់​ចេញ​ពី​ទិស​ខាង កើត​មុន នឹង​ចុង​បញ្ចប់​មក​ប្រសព្វ​នៅ​ទិស​ខាង​លិច​វិញ​ដោយ​បង្កើត​បាន​ជា​អន្លង់​មាន​ប្រវែង​រាប់​ពាន់​ម៉ែត្រ​ឯណោះ។

Content image - Phnom Penh Post

ត្រង់​ចំណុច​មួយ​ដែល​មាន​ចម្ងាយ​ពី ទំនប់​វារីអគ្គិសនី​គ្លេនខេនយ៉ុនដេម និង​បឹង​ឡេកប៉ូវែល​ចម្ងាយ​៨,៧​គីឡូម៉ែត្រ​គេ​ឃើញ​មាន​អន្លង់​ទឹក​យ៉ាង ជ្រៅ​មួយ​ឈ្មោះ​ថា​អន្លង់​ឃីង បេនដ៍ ស្ថិត​នៅក្នុង​ឧទ្យាន​ជាតិ​គ្លេនខេនយ៉ុន ចម្ងាយ​៦​គីឡូម៉ែត្រ​ពី​ក្រុង​ផេកហ្គេ។

តំបន់​ទន្លេ​ក្រចក​សេះ​នេះ​មាន​សកម្មភាព​អ្នក​ទេសចរ ជាច្រើន​ប្រភេទ​ដូចជា ការ​ដើរ​ឡើង​ភ្នំ និង​ការ​ជិះទូក​ពណ៌​ខៀវ​លេង​កម្សាន្ត​ជាដើម។

ទន្លេ​ក្រចក​សេះ​គឺជា​ទីតាំង​ភូមិសាស្ត្រ​ដ៏​ពេញនិយម​បំផុត​ក្នុង​ការ ប្រមាញ់​រូបថត​ធម្មជាតិ​ក្នុង​ពិភពលោក​។ ជុំវិញ​តំបន់​នោះ​ក៏​មាន​រមណីយដ្ឋាន និង​កន្លែង​ស្នាក់អាស្រ័យ​ជាច្រើន​បើក​ទ្វារ​ស្វាគមន៍​អ្នក​ទេសចរ និយម​ការ​ផ្សងព្រេង​ផង​ដែរ ៕ PR

ព័ត៌មានថ្មីៗ