ប្រាសាទ​បាក់បែក​លើ​ភ្នំ​ផុស​ចេញ​ពី​សមុទ្រ​ពពក​ជប៉ុន​

ក្រុងតូក្យូ : ប្រាសាទ​បុរាណ​បែកបាក់​តាកេដា (Takeda) ក្នុង​ប្រទេស​ជប៉ុន​ជា​ទី​មនោរម្យ​សម្រាប់​ស្រូប​យក​ខ្យល់​បរិសុទ្ធ និង​គយគន់​ពពក​វិល​ដែល​ហ៊ុមព័ទ្ធ​តំបន់​ភ្នំ​នោះ។

តាកេដា​គឺជា​តំបន់ ប្រាសាទ​បុរាណ​មួយ​ស្ថិត​នៅលើ​កំពូល​ភ្នំ ដែល​ហាក់​អណ្តែត​ត្រសែត​នៅលើ​អាកាស​វេហាស៍​ដោយសារ​តែ​វា​ហ៊ុមព័ទ្ធ​ដោយ ពពក​សក្បុស​។

ប្រាសាទ​បុរាណ​នេះ​ស្ថិត​នៅក្នុង​ប្រជុំ​កោះ​ហ៊ីយូកូ​នៃ​តំបន់ វ៉ាដាយ៉ាម៉ាឆូ ក្រុង​អាសាហ្គោ​ប្រទេស​ជប៉ុន។ វា​ត្រូវ​បាន​គេ​សាងសង់​ឡើង​មាន​អាយុកាល​ច្រើន​សតវត្សរ៍​មក​ហើយ​នៅលើ កំពូល​ភ្នំ​មួយ​មាន​កម្ពស់​ ១​ពាន់​ម៉ែត្រ។

ប្រាសាទ​បាក់​បែក​ផុស​កណ្ដាល​សមុទ្រ​ពពក​នៅ​ប្រទេស​ជប៉ុន។
ប្រាសាទ​បាក់​បែក​ផុស​កណ្ដាល​សមុទ្រ​ពពក​នៅ​ប្រទេស​ជប៉ុន។

ស្ថាបនា​នៅ​សម័យកាល​ដាយមីយ៉ូ ដែល​ក្នុង​រជ្ជកាល​ស្តេច​យ៉ាម៉ាណាសាមួរ៉ៃ​ឆ្នាំ​១៤៤៣ លើ​ផ្ទៃដី​បណ្តោយ​១,៦​គីឡូម៉ែត្រ និង​ទទឹង​៩១,៤​ម៉ែត្រ សព្វថ្ងៃ​ប្រាសាទ​នេះ រង​ការ​ខូចខាត​ច្រើន​។

រមណីយដ្ឋាន​មួយ​ដែល បាន​ផ្តល់​ទេសភាព​ធម្មជាតិ​ដ៏​ស្រស់​ថ្លា និង​អាច​ស្រូប​យក​ខ្យល់​បរិសុទ្ធ​យ៉ាង​រីករាយ​នា​រដូវ​ស្លឹកឈើ​ជ្រុះ ជាពិសេស​នៅពេល​ព្រលឹម ព្រះអាទិត្យ​ចាប់ផ្តើម​រះ​រហូត​ដល់​ម៉ោង​៨​ព្រឹក​តែ​ម្តង។

បន្ទាប់ពី​ចំណាយ​ថ្លៃ​សំបុត្រ​៣​ដុល្លារ ភ្ញៀវទេសចរ​ត្រូវ​ចំណាយ ពេល​ប្រមាណ​៤០​នាទី​ក្នុង​ការ​ដើរ​ថ្មើរជើង​ឡើង​ពី​ជើង​ភ្នំ​ទៅ​ដល់ កំពូល​ភ្នំ។ នា​រដូវ​ស្លឹកឈើ​ជ្រុះ​អំឡុង​ខែ​កញ្ញា​ដល់​ខែ​វិច្ឆិកា​នោះ គឺជា​ឱកាស​ដ៏​វិសេសវិសាល​បំផុត​សម្រាប់​ក្រុម​ភ្ញៀវទេសចរ​ឬ​អ្នក ទស្សនា​នានា​នាំ​គ្នា​មក​កាន់​ទី​នេះ​ដើម្បី​គយគន់​ផ្កា​សាគូរ៉ា​រីក ស្គុសស្គាយ ដែល​លម្អ​រមណីយដ្ឋាន​។

រៀងរាល់​ឆ្នាំ​ប្រាសាទ​បុរាណ តាកេដា​របស់​ជប៉ុន​មួយ​នេះ​ស្រូប​យក​ទេសចរ​មក​ទស្សនា​រាប់​រយ​ពាន់ នាក់​ដោយ​មាន​កំណើន​ជាប់​ជានិច្ច​៕ PR

ព័ត៌មានថ្មីៗ