ភូមិ​ប្រវត្តិសាស្ត្រ​ល្បី​ខាង​សង់​ផ្ទះ​ប្រក់ស្បូវ​នៅ​ជប៉ុន

ផ្ទះ​ប្រក់​ស្បូវ​ព័ទ្ធ​ដោយ​វាល​ស្រែ​ពណ៌​បៃតង​នៅ​រដូវក្ដៅ ប្រទេស​ជប៉ុន។
ផ្ទះ​ប្រក់​ស្បូវ​ព័ទ្ធ​ដោយ​វាល​ស្រែ​ពណ៌​បៃតង​នៅ​រដូវក្ដៅ ប្រទេស​ជប៉ុន។

ក្រុងតូក្យូ : ស៊ីការ៉ាវ៉ា និង​ហ្គូកាយ៉ាម៉ា គឺជា​តំបន់​ព្រំដែន​នៃ​ភូមិឋាន​ចំនួន​ពីរ​មាន​ទីតាំង​ស្ថិត​នៅ​ប្រជុំ កោះ​ហ្គីហ្វូ និង​តូយ៉ាម៉ា ខណៈ​ទី​នោះ​គេ​បាន​ស្គាល់​ថា​ជា​តំបន់​កសិដ្ឋាន​បែប​ប្រពៃណី​ជប៉ុន​មាន ប្រវត្តិ​ជាង​២៥០​ឆ្នាំ​មក​ហើយ។

ភូមិ​ស៊ីការ៉ាវ៉ា​និង​ហ្គូកាយ៉ាម៉ា​គឺជា​តំបន់​ដែល​មាន​ព្រឹល​ធ្លាក់​ច្រើន​ជាង​គេ​នៅលើ​ពិភពលោក ខណៈ​ផ្ទះ​នៅ​ទី​នោះ​គេ​សាងសង់​ឡើង​ស្រប​តាម​លក្ខខណ្ឌ​នៃ​អាកាសធាតុ​បែប នេះ​តែ​ម្តង។ ផ្ទះ​នៅ​ទី​នោះ​ជា​សំណង់​ទាបៗ​ដូច​ខ្ទម ខណៈ​ដំបូល​ប្រក់ស្បូវ​តែ​មាន​ភាព​រឹងមាំ និង​គួរ​ឲ្យ​ស្រឡាញ់​មិន​ចាញ់​ផ្ទះ​វីឡា​ក្នុង​រូប​គំនូរ​នោះ​ឡើយ។

Content image - Phnom Penh Post

សំណង់ ផ្ទះ​បែប​ប្រពៃណី​របស់​ជប៉ុន​នេះ​មាន​អាយុកាល​រាប់​រយ​ឆ្នាំ​មក​ហើយ ដោយ​ផ្នែក​ខាងលើ​នៃ​ភូមិឋាន​ទាំង​ពីរ​មាន​ព្រំដែន​ជាប់​ទៅ​នឹង​ទន្លេ ស៊ូហ្គាវ៉ា ខណៈ​វា​ជា​តំបន់​ដែល​មាន​ទេសភាព​សែន​ទាក់ទាញ​ចំណាប់ អារម្មណ៍​អ្នក​ទស្សនា​ចាប់​តាំងពី​សតវត្សរ៍​ទី​១២​មក​ម្ល៉េះ។

បែបបទ​ជីវិត​រស់នៅ​និង​វប្បធម៌​របស់​អ្នកភូមិ​ស៊ីការ៉ាវ៉ា​និង ហ្គូកាយ៉ាម៉ា​មិន​មាន​ការ​ផ្លាស់ប្តូរ​តាំងពី​យូរយារ​មក​ហើយ ទោះ​បី​មជ្ឈដ្ឋាន​ខាង​ក្រៅ​មួយ​ភាគ​ធំ​នៅ​ជប៉ុន​មាន​ការ​ផ្លាស់ប្តូរ តាម​សម័យ​ទំនើប​ក្ដី​។

ផ្ទះ​ដែល​មាន​អាយុកាល​ពី​៣០០​ទៅ​៤០០​ឆ្នាំ​ទាំង​នោះ មាន​៣​ទៅ​៣​ជាន់​។ ជាន់​ខាង​លើ​នៃ​ផ្ទះ​ជា​កន្លែង​សម្រាប់​ចិញ្ចឹម​សត្វ​ដង្កូវ​នាង រីឯ​ជាន់​ផ្ទាល់ដី​ជា​កន្លែង​ផលិត​គ្រាប់​រំសេវ​។ ជាន់​ទី​មួយ​នៃ​ផ្ទះ​ជា​កន្លែង​ស្នាក់​អាស្រ័យ​រស់នៅ​ប្រចាំ​ថ្ងៃ​របស់ អ្នកភូមិ។

ភូមិ​ស៊ីការ៉ាវ៉ា និង​ហ្គូកាយ៉ាម៉ា​ទទួល​បាន​នូវ​ចំណាប់​អារម្មណ៍​ពី​សំណាក់​ក្រុម​ភ្ញៀវទេសចរ​គ្រប់​តំបន់​នៅ​ពាសពេញ​ពិភព​ហើយ​វា​ត្រូវ​បាន​គេ​បញ្ចូល​ទៅក្នុង​បញ្ជី បេតិកភណ្ឌ​វប្បធម៌​ពិភពលោក​ចាប់​តាំងពី​ខែ​ធ្នូ​ឆ្នាំ​១៩៩៥ មក​ម្ល៉េះ៕ PR

ព័ត៌មានថ្មីៗ