សកម្មភាពរបស់សិស្សានុសិស្សនៃសាលាអន្តរជាតិ AISPP ក្នុងថ្នាក់ Design។ រូបថត Supplied
.jpg)
សាលារៀន អូស្ត្រាលីអន្តរជាតិ ភ្នំពេញបានដាក់ដំណើរការនូវកម្មវិធីសិក្សាដែលប្រកបដោយភាពច្នៃប្រឌិត ដោយមានការសហការជាមួយដៃគូសាកលវិទ្យាល័យឈានមុខជាច្រើននៅជុំវិញពិភពលោក។
ក្នុងអំឡុងពេលប៉ុន្មានទសវត្សរ៍ចុងក្រោយនេះមានការជជែកពិភាក្សាជាច្រើនពីសំណាក់មាតាបិតា និងអ្នកអាណាព្យាបាលសិស្សអំពីការសិក្សា និងការរៀបចំអនាគតជូនបុត្រធីតារបស់ពួកគាត់នាថ្ងៃអនាគត។ ការលើកឡើងនេះ សំដៅដល់ការទទួលស្គាល់ថា កុមារម្នាក់ៗមានបុគ្គលិកលក្ខណៈពិសេសផ្សេងពីគ្នា ហើយកម្មវិធីសិក្សាតែមួយប្រភេទពុំអាចស័ក្តិសមសម្រាប់សិស្សានុសិស្សទាំងអស់បាននោះទេ ហើយនេះក៏ជាទស្សនៈដែលសាលារៀន អូស្ត្រាលី អន្តរជាតិភ្នំពេញមានផងដែរ។
ស្របពេលដែលសិស្សានុសិស្សមានការអភិវឌ្ឍតាមរយៈការអប់រំនៅក្នុងសាលារៀនពីថ្នាក់បឋមសិក្សាដល់ថ្នាក់វិទ្យាល័យ ការត្រៀមខ្លួនសម្រាប់ជម្រើសមុខជំនាញនៅថ្នាក់សាកលវិទ្យាល័យអាចនឹងមានការរួមតូច។ ជាទូទៅ សាលារៀនមួយចំនួនធំផ្តល់ជូននូវមាគ៌ាសិក្សា ១ ឬ ២ តែប៉ុណ្ណោះសម្រាប់ឱ្យសិស្សានុសិស្សឆ្ពោះទៅរកការបញ្ចប់ថ្នាក់វិទ្យាល័យ ហើយបន្តទៅកាន់កម្រិតសាកលវិទ្យាល័យ។ ប៉ុន្ដែមាគ៌ាសិក្សាទាំងនេះតម្រូវឱ្យសិស្សានុសិស្សមានសមត្ថភាព និងជំនាញសិក្សាខ្ពស់។ បើទោះជាមាគ៌ាសិក្សានេះស័ក្តិសមសម្រាប់សិស្សានុសិស្សមួយចំនួន ប៉ុន្តែវាក៏មិនមែនជាមាគ៌ាដ៏មានប្រសិទ្ធភាពសម្រាប់សិស្សានុសិស្សគ្រប់គ្នានោះឡើយ។
តាមរយៈការយល់ដឹងអំពីតម្រូវការសិក្សាផ្ទាល់ខ្លួនរបស់សិស្សនីមួយៗពីថ្នាក់វិទ្យាល័យដល់សាកលវិទ្យាល័យ សាលារៀន អូស្ត្រាលីអន្តរជាតិភ្នំពេញ បាននិងកំពុងសហការជាមួយនឹងសាកលវិទ្យាល័យល្បីកម្រិតពិភពលោកជាច្រើនក្នុងការសហការជាដៃគូដើម្បីផ្តល់ជម្រើសសិក្សាដ៏សម្បូរបែបជូនដល់សិស្សានុសិស្សរបស់យើង។ វាជាលើកដំបូងនៅក្នុងព្រះរាជាណាចក្រកម្ពុជាដែលសិស្សានុសិស្សមានជម្រើសក្នុងការចុះឈ្មោះចូលរៀន ២ កម្មវិធីសិក្សា ដែលអនុញ្ញាតឱ្យសិស្សានុសិស្សរបស់យើងចាប់ផ្តើមសិក្សាមុខវិជ្ជាស្នូលនៅថ្នាក់មហាវិទ្យាល័យ ស្របពេលដែលពួកគេកំពុងបញ្ចប់ថ្នាក់វិទ្យាល័យនៅ AISPP។ មាគ៌ាសិក្សាមួយនេះគឺជាមាគ៌ាសិក្សាមួយដែលអាចឱ្យសិស្សានុសិស្សរបស់យើងទទួលបាននូវបទពិសោធសិក្សាប្រកបដោយជំនាញខ្ពស់។
សិស្សសាលាអន្តរជាតិ AISPP ថ្នាក់ Art។ រូបថត Supplied
សាលារៀន អូស្ត្រាលីអន្តរជាតិ- ភ្នំពេញ បានចុះកិច្ចព្រមព្រៀងជាមួយនឹងមហាវិទ្យាល័យ Savannah Collage of Art & Design (SCAD) ដែលជាមហាវិទ្យាល័យឈានមុខគេក្នុងជំនាញសិល្បៈ និងរចនាលើសកលលោក និងសាកលវិទ្យាល័យ Embry Riddle Aeronautical University(ERAU) ដែលជាសាកលវិទ្យាល័យធំជាងគេបំផុតលើសកលលោកក្នុងជំនាញអាកាសចរណ៍ និងអវកាស។ កិច្ចព្រមព្រៀងជាមួយនឹងសាកលវិទ្យាល័យទាំង ២ នេះនឹងអនុញ្ញាតឱ្យសិស្សានុសិស្សរបស់យើងចាប់ផ្តើមសិក្សានៅថ្នាក់សាកលវិទ្យាល័យស្របពេលដែលពួកគេកំពុងសិក្សាថ្នាក់វិទ្យាល័យនៅឡើយ។
សិស្សានុសិស្សនៅសាលារៀន អូស្ត្រាលីអន្តរជាតិភ្នំពេញនឹងមានឱកាសចូលរួមសិក្សាជាមួយនឹងនិស្សិតឆ្នាំទី ១ នៃសាកលវិទ្យាល័យដៃគូតាមប្រព័ន្ធអេឡិចត្រូនិក ហើយពួកគាត់នឹងចំណាយពេលប្រមាណ ៥០% នៃកាលវិភាគរបស់ពួកគាត់សិក្សាជាមួយសាស្ត្រាចារ្យល្បីៗជាច្រើនលើពិភពលោក។
តាមរយៈការជ្រើសរើសមុខវិជ្ជាសិក្សាដ៏ត្រឹមត្រូវ និងរក្សានូវពិន្ទុមធ្យមភាគល្អ (GPA) សិស្សានុសិស្សរបស់យើងនឹងអាចបញ្ចប់ការសិក្សាឆ្នាំទី ១ នៅក្នុងសាកលវិទ្យាល័យ ខណៈដែលពួកគេកំពុងសិក្សាក្នុងថ្នាក់ទី ១១ និងទី ១២។ ហើយកម្មវិធីសិក្សា ២ ក្នុងពេលតែ ១ នេះនឹងជួយឱ្យសិស្សានុសិស្សចំណេញពេលវេលាសិក្សានៅសាកលវិទ្យាល័យមួយឆ្នាំពេញ និងជួយសន្សំសំចៃការចំណាយរបស់មាតាបិតាទៅលើថ្លៃសិក្សា និងការស្នាក់នៅរបស់ពួកគាត់ក្នុងចំនួនប្រមាណ ៥០ ០០០ ដុល្លារអាមេរិកទៀតផង។
ចំពោះសិស្សានុសិស្សដែលមានគោលដៅអាជីពការងារក្នុងឧស្សាហកម្មសិល្បៈ និងការរចនា (មានដូចជា៖ រចនាក្រាហ្វិក (Graphic Design) រចនាលើបទពិសោធអ្នកប្រើប្រាស់ (User Experience) រចនាក្នុងវិស័យឧស្សាហកម្ម (Industrial Design) វិចិត្រសិល្បៈ ( Fine Arts) រចនាម៉ូដ ( Fashion Design) ផ្នែកផ្សព្វផ្សាយពាណិជ្ជកម្ម និងទីផ្សារ ( Advertising & Marketing) ។ល។
មហាវិទ្យាល័យ SCAD នឹងផ្តល់នូវឱកាសដ៏ល្អមួយនេះសម្រាប់ពួកគេដើម្បីសម្រេចគោលដៅអាជីពការងារទាំងនោះ។ តួយ៉ាងដូចដែលមានចុះផ្សាយនៅក្នុងទស្សនាវដ្តី Forbes ថ្មីៗនេះបានលើកឡើងថា «សិស្សានុសិស្សនៃមហាវិទ្យាល័យ SCAD គឺជាធនធានដ៏មានសមត្ថភាព និងទេពកោសល្យក្នុងការលើកតម្កើងលើវិស័យសិល្បៈ និងរចនានាពេលអនាគត»។
សម្រាប់សិស្សានុសិស្សដែលមានបំណងប្រកបការងារក្នុងឧស្សាហកម្មអាកាសចរណ៍ សាកលវិទ្យាល័យ Embry Riddle ជាជម្រើសដ៏ល្អមួយដែលមិនអាចរំលងបាន ដោយសាកលវិទ្យាល័យមួយនេះត្រូវបានចាត់ថ្នាក់ចូលជាសាកលវិទ្យាល័យកំពូលក្នុងពិភពលោកនៅក្នុងវិស័យអាកាសចរណ៍ ហើយក៏ត្រូវបានគេចាត់ថ្នាក់ជាស្ថាប័នអប់រំតាមប្រព័ន្ធអេឡិចត្រូនិកល្អបំផុតលើសកលលោក។
សាកលវិទ្យាល័យ ERAU ផ្តល់នូវកម្មវិធីជាច្រើននៅក្នុងជំនាញវិស្វកម្មអាកាសយានិក អាកាសចរណ៍ និងធុរកិច្ចអាកាសចរណ៍ផងដែរ។ ជាមួយគ្នានេះដែរ វិស័យអាកាសចរណ៍ត្រូវបានអ្នកជំនាញមើលឃើញថា ជាវិស័យដែលនឹងមានការខ្វះខាតលើធនធានមនុស្សប្រមាណជា ៣០០ ០០០ នាក់ក្នុងរយៈពេល ១០ ឆ្នាំខាងមុខ ដូច្នេះវិស័យមួយនេះជាវិស័យពោរពេញដោយសក្តានុពលសម្រាប់សិស្សានុសិស្សក្នុងពេលបច្ចុប្បន្ន។
សម្រាប់ព័ត៌មានលម្អិតអំពីកម្មវិធីសិក្សានេះសូមទាក់ទងនាយកគ្រប់គ្រងផ្នែកវិទ្យាល័យនៃសាលារៀន អូស្ត្រាលី អន្តរជាតិភ្នំពេញ លោក Jonathan Cox តាមរយៈអ៊ីមែល jonathan@aispp.edu.kh៕
សម្រាប់ព័ត៌មានកម្មវិធីសិក្សាទូទៅសូមទាក់ទងមកកាន់ការិយាល័យផ្នែកទទួលចុះឈ្មោះចូលរៀន និងផ្តល់ព័ត៌មានតាមរយៈ៖
ទូរស័ព្ទ៖ +៨៥៥ (០) ៩២ ១១១ ១៣៦/ ១៥ ៧២៩ ០០៧
អ៊ីមែល៖ admissions@aispp.edu.kh
គេហទំព័រ៖ www.aispp.edu.kh
