AirAsia បង្ហាញការរចនាតែមថ្មីលើយន្តហោះ Airbus A320 ដ៏ប្រណីតរបស់ខ្លួន រំលេចដោយពាក្យ «ទេសចរណ៍អាស៊ានប្រកបដោយចីរភាព» កាលពីថ្ងៃទី ៩ សីហា ក្នុងទីក្រុងបាងកក។
លោក Tony Fernandes អគ្គនាយកក្រុមហ៊ុនអាកាសចរណ៍ AirAsia បានផ្លាស់ប្តូរក្រុមហ៊ុនមួយនេះឲ្យក្លាយទៅជាម៉ាកយីហោលំដាប់ពិភពលោក និងធ្វើឱ្យការធ្វើដំណើរតាមផ្លូវអាកាសមានតម្លៃសមរម្យសម្រាប់មនុស្សរាប់លាននាក់នៅក្នុងតំបន់លើសពីនេះទៀតបានយកចិត្តទុកដាក់ខ្ពស់ក្នុងការការពារបរិស្ថានដ៏មានតម្លៃដែលកំពុងប្រឈមនឹងការគំរាមកំហែង។
.jpg)
ក្រុមហ៊ុនអាកាសចរណ៍ AirAsia គិតគូរយ៉ាងខ្លាំងលើអាទិភាពសំខាន់ៗ ជាពិសេសនៅពេលដែលពិភពលោកកំពុងប្រឈមនឹងការបំភាយឧស្ម័នកាបូន ការប្រែប្រួលអាកាសធាតុ ការគំរាមកំហែងដល់សន្តិសុខស្បៀង និងការកើនឡើងកម្ពស់ទឹកសមុទ្រដែលបញ្ហាទាំងអស់នេះបង្កការគំរាមកំហែងយ៉ាងធ្ងន់ធ្ងរដល់ជីវភាពរស់នៅរបស់មនុស្សរាប់លាននាក់ ជាពិសេសប្រជាជននៅក្នុងប្រទេសកំពុងអភិវឌ្ឍន៍។
លោក Fernandes មានប្រសាសន៍ថា៖ «និរន្តរភាពសម្រាប់ខ្ញុំ ប្រាកដណាស់គឺបរិស្ថានហើយបច្ចុប្បន្នក្រុមហ៊ុនអាកាសចរណ៍ AirAsia កំពុងព្យាយាមធ្វើរឿង ៣ យ៉ាង»។
លោក Fernandes: និរន្តរភាពសម្រាប់ខ្ញុំ ប្រាកដណាស់គឺបរិស្ថាន។
លោក Fernandes ថ្លែងនៅក្នុងពិធីបង្ហាញយន្តហោះ AirAsia ជាមួយនឹងតែមថ្មីប្រកបដោយភាពទាក់ទាញនៅក្រោមប្រធានបទ «ទេសចរណ៍អាស៊ានប្រកបដោយចីរភាព» (Sustainable Asean Tourism) ក្នុងទីក្រុងបាងកកកាលពីថ្ងៃទី ៩ ខែសីហាថា៖ «ចំណុចទី ១ គឺមុនពេលយើងចាប់ផ្តើមការហោះហើរផ្លូវថ្មី យើងនឹងជួបសហគមន៍មូលដ្ឋាន ហើយសួរពួកគេថាតើចង់ឲ្យយើងធ្វើអ្វី តើតំបន់ណាដែលពួកគេមិនចង់ឲ្យយើងប៉ះពាល់ និងការងារអ្វីដែលពួកគេចង់បាន។ យើងធ្វើការយ៉ាងជិតស្និទ្ធជាមួយសហគមន៍មូលដ្ឋាន។ ដូច្នេះយើងមិនបានធ្វើឲ្យខូចខាត ឬប៉ះពាល់អ្វីទាំងអស់ដល់វិស័យទេសចរណ៍»។
ខណៈពេលដែលវិស័យទេសចរណ៍បានចូលរួមចំណែកយ៉ាងច្រើនដល់ការអភិវឌ្ឍសេដ្ឋកិច្ចសង្គមនៅជុំវិញពិភពលោកនោះ អ្នកជំនាញក៏បានអះអាងថាការធ្វើដំណើរទេសចរណ៍ច្រើនកកកុញ ទេសចរណ៍ដែលគ្រប់គ្រងមិនបានល្អ កំពុងនាំទៅរកការប៉ះពាល់បរិស្ថាន បង្កើតបានការកកស្ទះខ្លាំងនៅក្នុងទីក្រុងដែលបង្កើតបានជាសម្ពាធខ្លាំងទៅលើហេដ្ឋារចនាសម្ព័ន្ធ និងធនធានធម្មជាតិ។
លោកបានបន្តថា៖ «ចំណុចទី ២ ខ្ញុំគិតថាវាសំខាន់ណាស់ដោយយើងប្រើប្រាស់ម៉ាកយីហោដ៏មានឥទ្ធិពលបំផុតរបស់យើង ដើម្បីឱ្យពួកគេយល់ដឹងអំពីការថែរក្សាទីក្រុង រមណីយដ្ឋាន ឬឆ្នេរសមុទ្រ កុំឲ្យបំផ្លិចបំផ្លាញទីកន្លែងដ៏ស្រស់ស្អាតទាំងនោះ ហើយចំណុចទី ៣ គឺព្យាយាមធ្វើឱ្យអ្នកដំណើរ និងភ្ញៀវរបស់យើងចេះចូលរួមសម្អាតកន្លែងដែលពួកគេបានទៅទស្សនា និងចង់ធានាថាក្រុមហ៊ុនអាកាសចរណ៍ AirAsia គឺជាដៃគូទេសចរណ៍ប្រកបដោយការទទួលខុសត្រូវ»។
AirAsia បង្ហាញការរចនាតែមថ្មីលើយន្តហោះ Airbus A320 ដ៏ប្រណីតរបស់ខ្លួន រំលេចដោយពាក្យ «ទេសចរណ៍អាស៊ានប្រកបដោយចីរភាព» កាលពីថ្ងៃទី ៩ សីហា ក្នុងទីក្រុងបាងកក។
ថ្លែងនៅក្នុងពិធីនោះដែរលោក Vijavat Isarabhakdi ទីប្រឹក្សាក្រសួងការបរទេសថៃមានប្រសាសន៍ថា៖« អស់រយៈពេលប៉ុន្មានឆ្នាំមកនេះអាស៊ានបានធ្វើសមាហរណកម្ម និងភ្ជាប់ទំនាក់ទំនងគ្នាកាន់តែច្រើនជាងពេលណាៗទាំងអស់។ មិនអាចបដិសេធបានទេគឺថាអាស៊ានជាតំបន់មួយដែលមានភាពទាក់ទាញខ្លាំង»។
«មនុស្សមកពីជុំវិញពិភពលោកបានធ្វើដំណើរមកកាន់តំបន់នេះ ដោយសាភាពទាក់ទាញលើផ្នែកវប្បធម៌ ប្រជាជន ទេសភាព ម្ហូបអាហារ ធម្មជាតិ សិប្បកម្ម ការដើរទិញទំនិញ និងការកម្សាន្តផ្សេងៗជាច្រើនទៀត។
ក្រុមហ៊ុនអាកាសចរណ៍ AirAsia កំពុងស្ថិតនៅក្នុងចំណោមអ្នកដែលបានដើរតួយ៉ាងសំខាន់ក្នុងការលើកកម្ពស់វិស័យទេសចរណ៍អាស៊ាន មិនត្រឹមតែមានទំនូលខុសត្រូវខ្ពស់ប៉ុណ្ណោះទេ ថែមទាំងជួយលើកកម្ពស់វិស័យទេសចរណ៍ប្រកបដោយចីរភាពផងដែរ»។
AirAsia បង្ហាញការរចនាតែមថ្មីលើយន្តហោះ Airbus A320 ដ៏ប្រណីតរបស់ខ្លួន រំលេចដោយពាក្យ «ទេសចរណ៍អាស៊ានប្រកបដោយចីរភាព» កាលពីថ្ងៃទី ៩ សីហា ក្នុងទីក្រុងបាងកក។
លោក Vijavat បន្តថា៖ « ដើម្បីឱ្យអាស៊ានទទួលបានជោគជ័យក្នុងការលើកកម្ពស់និរន្តរភាពវិស័យទេសចរណ៍ប្រទេសថៃបានផ្តោតយកចិត្តទុកដាក់ខ្ពស់ទៅលើការលើកកម្ពស់ភាពជាដៃគូ និងកិច្ចសហប្រតិបត្តិការក្នុងចំណោមវិស័យទាំងអស់មិនថាជាវិស័យសាធារណៈ វិស័យឯកជន សង្គមស៊ីវិល ឬនៅថ្នាក់មូលដ្ឋាននោះទេ»។
ក្រុមហ៊ុនអាកាសចរណ៍ AirAsia បានខិតខំប្រឹងប្រែងយ៉ាងខ្លាំងដើម្បីលើកកម្ពស់វិស័យនេះតាមរយៈការអប់រំដល់អ្នកដំណើរ កាត់បន្ថយការបំភាយឧស្ម័នកាបូន គ្រប់គ្រងកាកសំណល់ ប្រមូល និងបែងចែកសំរាមនៅលើយន្តហោះដែលអាចកែច្នៃឡើងវិញបាន និងកម្មវិធីទេសចរណ៍តាមសហគមន៍ដូចជាកម្មវិធី ''Journey D'' និងការជំរុញគំនិតផ្តួចផ្តើមសហគ្រាសសង្គមនៅទូទាំងតំបន់អាស៊ានតាមរយៈមូលនិធិ AirAsia Foundation របស់ក្រុមហ៊ុន។
ក្នុងពិធីដ៏អធិកអធមដែលប្រព្រឹត្តទៅនៅទីក្រុងបាងកកនោះដែរ ក៏មានការចូលរួមពីមន្ត្រី និងប្រព័ន្ធផ្សព្វផ្សាយអន្តរជាតិជាច្រើន ខណៈក្រុមហ៊ុនអាកាសចរណ៍ដ៏លេចធ្លោមួយនេះបានបង្ហាញនូវការរចនាតែមយន្តហោះថ្មីដ៏ប្រណីត និងស្រស់ស្អាតអមដោយពាក្យ «ទេសចរណ៍អាស៊ានប្រកបដោយចីរភាព» នៅលើយន្តហោះ Airbus A320 ដ៏ថ្មីសន្លាងរបស់ខ្លួនស្របជាមួយនឹងឱកាសនៃការប្រារព្ធទិវាអាស៊ាន។
AirAsia បង្ហាញការរចនាតែមថ្មីលើយន្តហោះ Airbus A320 ដ៏ប្រណីតរបស់ខ្លួន រំលេចដោយពាក្យ «ទេសចរណ៍អាស៊ានប្រកបដោយចីរភាព» កាលពីថ្ងៃទី ៩ សីហា ក្នុងទីក្រុងបាងកក។
«វាជាស្នាដៃសិល្បៈដ៏ស្រស់ស្អាត និងរស់រវើក ហើយយើងសង្ឃឹមថាវានឹងទាក់ទាញក្រសែភ្នែកអ្នកដំណើរក៏ដូចជាផ្តល់អត្ថប្រយោជន៍ និងការធ្វើដំណើរប្រកបដោយនិរន្តរភាព សម្រាប់ប្រជាជនអាស៊ានប្រមាណ ៦៥០ លាននាក់។
ក្រុមហ៊ុនអាកាសចរណ៍ AirAsia កំពុងស្ថិតក្នុងទីតាំងមួយដ៏ល្អបំផុតក្នុងការអនុវត្តគម្រោងទេសចរណ៍ប្រកបដោយនិរន្តរភាពរបស់ខ្លួន ខណៈក្រុមហ៊ុនមួយនេះបានភ្ជាប់ទៅគោលដៅចំនួន ១៥០ នៅទូទាំងតំបន់អាស៊ីប៉ាស៊ីហ្វិក។
ចាប់តាំងពីបានចាប់ផ្តើមប្រតិបត្តិការក្នុងឆ្នាំ ២០០១ មកក្រុមហ៊ុនអាកាសចរណ៍ AirAsia ដឹកអ្នកដំណើរបានជាង ៥០០ លាននាក់ និងបានបង្កើនចំនួនយន្តហោះរបស់ខ្លួនពីចំនួន ២ គ្រឿងរហូតដល់ជាង ២០០ គ្រឿង៕
