ភ្នំពេញ៖ ក្រសួង​ការ​បរទេស​និង​សហប្រតិបត្តិ​ការ​អន្តរជាតិ​កម្ពុជា កាល​ពី​ថ្ងៃ​ច័ន្ទ បាន​ចេញ​សេចក្ដី​បំភ្លឺ​មួយ​ឆ្លើយតប​ទៅ​នឹង​ការ​ចុះ​ផ្សាយ​អត្ថបទ​ព័ត៌មាន​របស់​កាសែត The Washington Post ដែល​មាន​ចំណង​ជើង​ថា “A North Korean ship was seized off Egypt with a huge cache of weapons destined for a surprising buyer” និង​ដែល​បាន​ព័ណ៌នា​អំពី​​នាវា​ដឹក​ទំនិញ​ឈ្មោះ Jie Shun ដែល​មាន​បំពាក់​ទង់​ជាតិ​កម្ពុជា ចេញ​ពី​កូរ៉េ​ខាងជើង ឆ្ពោះ​សំដៅ​ទៅ​កាន់​ព្រែក​ជីក SUez ហើយ​ត្រូវ​បាន​គយ​របស់​ប្រទេស​អេហ្ស៊ីប ឆែក​ឆេរ​រក​ឃើញ​កាំភ្លើង​បាញ់​រ៉ុកកែត​ជាង ៣០,០០០ ដើម​ លាក់​ទុក​នៅ​ក្នុង​​នាវា​នោះ។