ឈូក បណ្ឌិត នៅ​តែ​អាច​បន្ត​រស់​នៅ​ក្រៅ​សំណាញ់​ច្បាប់


20140501_09a
លោកឈូក បណ្ឌិត ពេលបង្ហាញខ្លួននៅសាលាឧទ្ធរណ៍កាលពីខែកុម្ភៈឆ្នាំ២០១៣ ហេង ជីវ័ន

ស្វាយរៀងៈ នៅ​ខាង​ក្រៅ​ផ្ទះ​អតីត​អភិបាល ក្រុង​បាវិត ដែល​អាប់​ឱន​កិត្តិយស​នៅ​មិន​ឆ្ងាយ​ពី ក្រុង​បាវិត តាម​ផ្លូវ​ជាតិ​លេខ ១ អ្នក​ជិត​ខាង​បាន​និយាយ​ថា ពួក​គេ​ឃើញ​មាន​សកម្មភាព​ខ្លះៗ​នៅ​ក្នុង​ផ្ទះ​នោះ ប៉ុន្តែ​មិន​មាន​សញ្ញា​ពី​បរុស​ដែល​សមត្ថកិច្ច​មិន​ដែល​បាន​ចាប់​ខ្លួន​ចាប់​តាំង​ពី​ថ្ងៃ​ដក​កាំភ្លើង​បាញ់​កម្មករ​បី​នាក់​ឲ្យ​រង​របួស​ធ្ងន់​នោះ​ទេ។

អ្នក​ជិត​ខាង​ម្នាក់​ដែល​សុំ​មិន​បញ្ចេញ​ឈ្មោះ បាន​និយាយ​ថា គាត់​បាន​ឃើញ​ក្មួយ​ប្រុស​របស់​លោក ឈូក បណ្ឌិត ចេញ​ចូល​ផ្ទះ​នោះ ប៉ុន្តែ​មិន​មែន​លោក ឈូក បណ្ឌិត ទេ។ បុរស​ដដែល​បាន​បញ្ជាក់​កាល​ពី​ថ្ងៃ​អង្គារ​ថា៖ «ខ្ញុំ​មិន​បាន​ឃើញ គាត់​ជា​យូរ​មក​ហើយ ហើយ​ខ្ញុំ ក៏​មិន​ដឹង​ថា គាត់​នៅ​ទី​ណា​ទេ​នៅ​ពេល​នេះ។ មិន​មាន​នរណា​ម្នាក់​ចាប់​អារម្មណ៍​នឹង​គាត់​ទៀត​ទេ ព្រោះ​គេ​រវល់​រក​ស៊ី​ធ្វើ​ការងារ​របស់​ពួក​គេ»។

ផ្ទះ​ពីរ​ជាន់​ធំ ល្វឹង​ល្វើយ របស់​លោក ឈូក បណ្ឌិត ត្រូវ​ឡោម​ព័ទ្ធ​ដោយ​របង​ដ៏​ធំ។ ប៉ុន្តែ​អ្នក​ដែល​ធ្វើ​ការ ហើយ​រស់​នៅ​ក្បែរ​នោះ​បាន​និយាយ​ថា អតីត​អភិបាល ក្រុង​បាវិត រូប​នេះ មិន​បាន​បង្ហាញ​មុខ​ចាប់​តាំង​ពី​ការ​បាញ់​ប្រហារ​ទៅ​លើ​កម្មករ ៣ នាក់​ឲ្យ​រង​របួស​ធ្ងន់​កាល​ពី ឆ្នាំ​២០១២ នៅ​តំបន់​សេដ្ឋកិច្ច​ពិសេស មេនហាតធេន មក​ម៉្លេះ។

Content image - Phnom Penh Post

ផ្ទះ​នេះ​នៅ​ជិត បើ​បើក​ពី​តំបន់​សេដ្ឋកិច្ច​ពិសេស មេនហាតធេន តាម​ផ្លូវ​ជាតិ​លេខ ១ ជា​ទី​ដែល​កម្មករ​នៅ​ពេល​ថ្មីៗ​នេះ បាន​តវ៉ា ដែល​បាន​ឆ្លុះ​បញ្ចាំង​ពី​បាតុកម្ម​កាល​ពី ខែ​កុម្ភៈ ឆ្នាំ​២០១២ ដែល​សាលា​ដំបូង ខេត្ត​ស្វាយរៀង កាល​ពី ខែ​មិថុនា ឆ្នាំ​២០១៣ បាន​សម្រេច​ផ្តន្ទាទោស លោក ឈូក បណ្ឌិត ឲ្យ​ជាប់​ពន្ធនាគារ ១៨ ខែ​ពី​បទ​បាញ់​កម្មការិនី​រោងចក្រ​បី​នាក់​ឲ្យ​រង​របួស ខណៈ​ដែល​ពួក​គេ​កំពុង​តវ៉ា​នៅ​មុខ​រោងចក្រ កៅវេ។

ចាប់​តាំង​ពី​ត្រូវ​បាន​តុលាការ​ផ្តន្ទាទោស​លោក ឈូក បណ្ឌិត មិន​ដែល​ត្រូវ​បាន​ចាប់​ខ្លួន​ទេ។ ក្រុម​អ្នក​រិះគន់ បាន​និយាយ​ថា ប៉ូលិស មិន​បាន​ខិតខំ​រក​ចាប់​ខ្លួន​អតីត​មន្ត្រី​រដ្ឋាភិបាល​មាន​អំណាច​រូប​នេះ​ឡើយ។

ប្រធាន​ក្រុម​ប្រឹក្សា​ភិបាល​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ កាល​ពី​ថ្ងៃ​ម្សិលមិញ បាន​និយាយ​ថា បើ​គិត​ពី​ការ​មិន​អនុវត្ត​ច្បាប់​ភ្លាមៗ ដើម្បី​ចាប់​ខ្លួន ឈូក បណ្ឌិត លោក មិន​មាន​ការ​ភ្ញាក់​ផ្អើល​ទេ​ប្រសិន​បើ​អតីត​អភិបាល ក្រុង​បាវិត រូប​នេះ​ចេញ​ចូល​ផ្ទះ​របស់​គាត់​ចាប់​តាំង​ពី​តុលាការ​ផ្តន្ទាទោស។

លោក​បាន​បញ្ជាក់​ថា៖ «ពិត​ណាស់ ខ្ញុំ គិត​ថា ពួក​គេ​ឲ្យ​គាត់​រួច​ខ្លួន ដោយ​ធ្វើ​ដំណើរ​ចេញ​ចូល​ផ្ទះ​របស់​គាត់។ ពួក​គេ​មិន​បាន​ខិតខំ​ពិត​ប្រាកដ ដើម្បី​ចាប់​ខ្លួន​គាត់​ទេ ដូច្នេះ​តើ​នរណា​នឹង​តាម​ដាន​គាត់ ប្រសិន​បើ​រដ្ឋាភិបាល​មិន​ធ្វើ?»។

គេ​មិន​ឃើញ​មាន​របាំង​ប៉ូលិស ឬ​សញ្ញា​ឃ្លាំ​មើល​ណា​មួយ​នៅ​ឯ​ផ្ទះ​របស់​លោក បណ្ឌិត ឬ​អគារ​ជាច្រើន​នៅ​ជុំវិញ​ផ្ទះ​របស់​គាត់​នោះ​ទេ​កាល​ពី​ថ្ងៃ​អង្គារ៕ NR

ព័ត៌មានថ្មីៗ