ភ្នំពេញៈ លោក ប៉ា សុជាតិវង្ស អភិបាល​រាជធានី​ភ្នំពេញ​ពី​ម្សិលមិញ បាន​ប្រកាស​ផ្អាក​ជា​បណ្តោះ​អាសន្ន​នូវ​រាល់​ការ​ប្រើ​ប្រាស់​ទីលាន​ប្រជាធិបតេយ្យ​ដើម្បី​ប្រមូល​ផ្តុំ​ធ្វើ​បាតុកម្ម រហូត​ទាល់​តែ​អាជ្ញាធរ បញ្ចប់​ការ​ស៊ើប​អង្កេត​ការ​ផ្ទុះ​អំពើ​ហិង្សា​នៅ​ផ្លូវ វេងស្រេង និង កន្លែង​ផ្សេង​ទៀត។ នេះ​បើ​តាម​លោក​លោក ពេជ្រ សារឿន ចៅ​សង្កាត់ ជ្រោយចង្វារ ដែល​បាន​អះអាង​ថា លោក ប៉ា សុជាតិវង្ស បាន​ថ្លែង​បែប​នេះ​នៅ​ក្នុង​អំឡុង​ពេល​សម្ពោធ​ផ្លូវ​នៅ​ក្នុង​សង្កាត់​របស់​លោក។