ការ​ផ្ទុះនៅក្នុង​ក្រុង​អ៊ូរ៉ាំ​គី នៃខេត្ត​ស៊ីន​ជាំង​ដ៏ ចលាចល​ស្លាប់​៣១នាក់ និង​របួស​ជា​ង៩០​នាក់​


ក្រុង​ប៉េកាំងៈ ទីភ្នាក់​ងារ​សារ​ព័ត៌មាន​ស៊ីនហួ បានរាយ​ការណ៍ថា ការ​ផ្ទុះ​មួយ​កាលពី​ថ្ងៃ​ព្រ​ហស្បតិ៍ បាន​វាយ​ប្រ​ហារ​រដ្ឋធានី​អ៊ូ​រ៉ាំ​គី នៃ​តំបន់​ស៊ីន​ជាំង​របស់​ចិន​ដ៏ចលាចល ដែល​ជាលំ​នៅ​ឋាន​របស់​អម្បូរ​មូស្លីម​អ៊ុយ​ហ្គ័រ​ភាគច្រើន​បំ​ផុត ដោយ​មនុស្ស​យ៉ាង​តិច​៣១នាក់​​ បានស្លាប់ និងជាង​៩០​នាក់​ បាន​​រង​របួស​នៅក្នុង​ការ​ផ្ទុះ​ ដែល​បាន​កើត​ឡើងនៅឯ​ផ្សារ​កណ្តាល​វាល​មួយ​នៃក្រុង​នោះ។

ដោយ​យោង​សម្តីសាក្សី ស៊ីន​ហួ បាន​និ​យាយថា រថយន្ត​នៅក្បែរ​ថ្នល់ពីរគ្រឿង​បាន​បើក​បុក​រះ​​ទៅលើ​ហ្វូង​មនុស្ស​​នៅឯ​ផ្សារ​នោះ ហើយ ​គ្រឿង​ផ្ទុះ​​ជាច្រើន​ត្រូវ​បាន​គប់​​ចេញ​ពីក្នុង​រថយន្ត​តូច​ទាំងនោះដែល​ក្នុង​នោះមួយ​គ្រាប់​ បាន​ផ្ទុះឡើង។

រូបភាព​ដែល​បាន​បង្ហោះ​លើ​គេហ​ទំព័រ Weibo បាន​បង្ហាញពី​​អណ្តាត​ភ្លើង​នៅលើ​ផ្លូវ​ថ្នល់​ដែល​មាន​៣​ប្រ​ឡោះ​មួយ និង​ផ្សែង​​កំពុង​រសាត់​ពី​លើ​ស្តង់​លក់​របស់​ផ្សារនៅ​ពី​ក្រោយ​​ការ​បិទ​ផ្លូវ​របស់​ប៉ូលិស​។

អ្នក​បង្ហោះ​រូបនោះ​ដែល​និ​យាយថា​ លោក​ស្ថិត​ក្នុង​ចម្ងាយ​១០០ម៉ែត្រ​ពី​កន្លែង​កើត​ហេតុ បាន​សរសេរថា៖ «មាន​ការ​ផ្ទុះ​ខ្លាំងៗជាច្រើន​នៅក្នុង​ផ្សារ​ពេល​ព្រឹក​នៅឯ​វិ​មាន​វប្ប​ធម៌​នៅ​ក្រុងអ៊ូរ៉ាំ​គី។ ខ្ញុំ​បាន​ឃើញ​អណ្តាត​ភ្លើង​ និង​ផ្សែង​ខ្មួល​ខ្មាញ់​ ខណៈ​រថ​យន្ត​ និងទំនិញ​នៅក្នុង​ភ្នក់​ភ្លើង​ពេលដែលក្រុម​អ្នក​លក់​បាន​រត់​គេចខ្លួន​​ចោល​ទំនិញ​របស់​ពួក​គេ»៕AFP​​/​​IN

ព័ត៌មានថ្មីៗ