ស្ទា​ក់​ចាប់​​ឈ្មួញនាំ​ពស់​ថ្លាន់​​ទៅ​លក់​នៅ​ប្រទេស​វៀត​ណាម​


Python-Farm
កសិដ្ឋានចិញ្ចឹមពស់ថ្លាន់ នៅប្រទេសវៀតណាម សហការី

ភ្នំពេញៈ ​ពស់​ថ្លា​ន់​ជាង ​​៨០គីឡូ​ក្រាម​ដែ​​លសមត្ថកិច្ច​ស្រុកកោះធំ​ស្ទា​ក់ចាប់ពីឈ្មួញ ដែល​ប​ម្រុងដឹក​​យកទៅ​ល​​ក់​នៅ​វៀតណាម ​តា​ម​​ច្រកជ្រៃ​ធំ​ ​​ត្រូ​វ​អង្គកា​រ​បង្ក្រាបប​ទល្មើស​ស​ត្វ​ព្រៃ​យក​ទៅ​ព្រ​លែងនៅស្រុ​ក​​កែវសីម៉ា ក្នុង​ខេ​ត្ត​មណ្ឌល​​គីរី​​នៅថ្ងៃ​នេះ​។

ម​ន្រ្តី​អ​ង្គ​កា​រ​សម្ព័ន្ធភាពសត្វព្រៃមិ​ន​ឲ្យ​​បញ្ចេ​ញ​ឈ្មោះ​​បាន​ឲ្យដឹង​ថា​ សត្វ​ព​​ស់ដែ​ល​​សមត្ថកិ​​ច្ច​ចាប់បា​ន​ពី​ឈ្មួញហើ​យ​ខាងដ្ឋ​បាលព្រៃ​​ឈើ​ ក្រុ​ង​តា​ខ្មៅ ប្រគ​​ល់​ឲ្យមកអ​​ង្គការ​នេះ​​ពី​ថ្ងៃ​សុ​ក្រ ​នឹ​ង​​ត្រូ​វ​យកទៅ​​ព្រ​លែ​ងនៅ​ស្រុកកែ​វ​សីម៉ា​ ​នៅ​ថ្ងៃច​ន្ទ​នេះ ។

មន្រ្តី​​ប្រាប់ថា៖«ពស់ដែល​គេ​ប្រគល់​ឲ្យ​ខ្ញុំ​នោះ​វាមានទ​​ម្ងន់ស​រុប៨០គី​ឡូ​ក្រាម​​។ ចំណែ​ក​ជន​ល្មើ​សខាង​ស​ង្កាត់រដ្ឋបា​ល​ព្រៃ​​ឈើ​​​តាខ្មៅប​ញ្ជូ​នទៅតុ​លា​កា​​រ​ហើយ​» ។

លោក អ៊ាវ​ ចំរើន​ ស្នងការ​នគរបាលខេ​ត្តកណ្តាល​ប្រាប់ពី​ម្សិលមិញ​ថា ​សត្វព​ស់ថ្លាន់ទ​ម្ងន់ប្រមាណ​៨០គីឡូក្រាម​ត្រូវ​ខាងរដ្ឋ​បាល​ព្រៃឈើ ​ក្រុងតា​ខ្មៅប្រគល់​ឲ្យខាង​អង្គការសម្ព័ន្ធ​ភាព​សត្វព្រៃ​ហើយ ឯ​ជនសង្ស័យ​​ត្រូវ​កសាង​​​សំ​ណុំរឿង​បញ្ជូនទៅ​តុលាកា​រ ។

​​អ​ធិការស្រុ​ក​កោះ​ធំ លោ​ក ​មុយ ចា​​ន់ពេជ្រ ឲ្យដឹ​​ងថា ​​សត្វព​​ស់​ថ្លាន់​នេះ​ស​​មត្ថកិច្ច​ស្ទាក់ចា​ប់​បាននៅ​លើកំ​ណា​ត់ផ្លូវជា​តិ​​លេខ ២​១ B ក្នុង​ភូមិកោះចាស់​ ​ឃុំព្រែក​ស្តី​ ស្រុក​កោះ​ធំ ខណៈ ​ឈ្មោះ​ សឿ​ង វី ​ភេទប្រុស ​អាយុ២៤ឆ្នាំ​ ​ ​ដាក់​បង្កប់​នៅ​បាតរឺម៉ក​​បម្រុង​ដឹក​ឆ្លងដែន​ទៅ​វៀតណាម​​។

នៅ​ខេត្ត​បាត់​ដំបង​ អង្គ​ការ​សម្ព័ន្ធ​ភាព​សត្វ​ព្រៃ​​ក៏​បានចុះ​​បង្រ្កាប​បទ​ល្មើស​សត្វ​ព្រៃ​បី​ថ្ងៃ​ជាប់​គ្នា​ ​ហើយ​​រឹប​អូស​បា​ន​សត្វ​ស្លាប​ជាង​៩០០​ក្បាល​ និង​ឃាត់​ខ្លួន​ជន​ល្មើស​ជាង​១០នាក់ផង​ដែរ​នា​ពេល​ថ្មីៗ​នេះ​។

អង្គ​ការ​សម្ព័ន្ធ​ភាព​សត្វ​ព្រៃ ​(Wildlife Alliance) ​​ចេញ​ផ្សាយ​លើ​គេ​ហ​ទំព័រ​​ខ្លួន​កាល​ពី​ថ្ងៃ​សុក្រ​ថា ​ក្រុម​បង្រ្កាប​ប​ទ​​ល្មើ​ស​សត្វ​ព្រៃ​ចល័ត​របស់​អង្គ​ការ​សម្ព័​ន្ធភា​ពស​ត្វព្រៃ​បា​ន​ធ្វើ​ប្រ​តិ​​បត្តិ​ការ​​បី​ថ្ងៃ​ នៅក្នុ​ងខេ​ត្ត​បាត់​ដំប​ ចុះ​បង្ក្រាប​បទ​ល្មើស​សត្វ​នៅ​ ៨​ទី​តាំង​ ​​រួម​មាន​​ នៅ​​ភោជនីយ​ដ្ឋាន ​នៅ​តាម​​ផ្សា​រ ​និង​​នៅតាម​ស្ពាន​។

អង្គ​ការ​នេះ​​បញ្ជាក់​ថា​៖«ទីតាំង​​​នេះ​ត្រូវ​​បា​នឆ្មក់​ចូល​ចាប់​ជាច្រើ​នដ​ង ក្នុ​ង​រ​យៈពេ​លបី​ថ្ងៃនោះ​ ហើ​យជា​លទ្ធ​ផល​​​ចា​ប់​​បាន​សត្វ​ស្លាប​ចំនួន​ ៩៥០ ​ក្បាល ​ដូច​ជា​ សត្វ​ក្រៀល​ ក្រ​សារ​ ប្រ​វឹក ​គ្រួច ​និង​ប្រ​ភេទ​បក្សី​ផ្សេងទៀត​»។ លើសពី​​នោះជ​​នល្មើ​ស​១​៧នា​ក់​​ត្រូវ​ឃាត់​ខ្លួន​យក​ទៅ​ធ្វើ​ការ​អ​ប់រំ​ អំពី​​បទ​ល្មើ​សជួ​ញដូ​រ​សត្វ​ព្រៃ​ខុស​ច្បាប់ ​និង​ឲ្យ​ចុះ​កិច្ច​សន្យា​ឈប់​ប្រ​ព្រឹត្ត​ល្មើស​តទៅ​ទៀត។​

អង្គ​ការ​សម្ព័ន្ធ​ភាព​សត្វ​ព្រៃ​លើក​ឡើង​ថា ​សក​ម្មភា​ព​ក្រុម​បង្រ្កាប​បទ​ល្មើ​សស​ត្វ​ព្រៃ​ចល័ត​របស់​អង្គ​ការ​បាន​នឹង​កំពុង​បង្រ្កាប​បទ​ល្មើស​សត្វ​ព្រៃ​ បានជាង​៧​៥​ភាគ​រយ នៃ​បទ​ល្មើស​សរុ​ប​នៅ​ទូ​ទាំង​ប្រ​ទេស ហើយ​សកម្ម​ភាព​ទាំង​​នោះ ​គឺ​ធ្វើ​ទៅតា​មច្បា​ប់ និង​ពង្រឹងកា​រអនុវ​ត្តច្បា​ប់រ​នៅ​ក​ម្ពុជា។

ព័ត៌មានថ្មីៗ