លោក Allen Dodgson Tan ។
ខណៈសហគមន៍អាមេរិកប្រារព្ធទិវាឯករាជ្យរបស់យើងនៅក្នុងរាជធានីភ្នំពេញ យើងនឹងបង្ហាញថា តើការរស់នៅរបស់ជនជាតិអាមេរិកាំងនៅក្នុងព្រះរាជាណាចក្រកម្ពុជាមានលក្ខណៈយ៉ាងណា?
.jpg)
ពួកយើងដែលបានជ្រើសរើសការរស់នៅក្នុងប្រទេសកម្ពុជា ក្នុងអំឡុងវិបត្តិជំងឺកូវីដ១៩ បានបង្ហាញនូវការប្តេជ្ញាចិត្តយ៉ាងជ្រាលជ្រៅចំពោះប្រជាជាតិ និងប្រជាជនកម្ពុជា។ យើងបានសម្រេចចិត្តដើម្បីប្រឈមនឹងបញ្ហាប្រឈមនៃជំងឺកូវីដ១៩ដែលមិនធ្លាប់មានពីមុនមកនេះ រួមគ្នាជាមួយបងប្អូនប្រុសស្រីកម្ពុជារបស់យើង ទោះបីប្រឈមនឹងបញ្ហាសុខភាពផ្ទាល់ខ្លួន អាជីវកម្ម និងនៅឆ្ងាយពីសមាជិកគ្រួសារក៏ដោយ។
ការប្តេជ្ញាចិត្ត និងស្មារតីនៅចំពោះមុខបញ្ហាប្រឈមនេះ គឺចំពេលដែលជនជាតិអាមេរិក ប្រារព្ធទិវាឯករាជ្យជាតិថ្ងៃទី ៤ ខែកក្កដា។ ខ្ញុំជឿជាក់ថាយើងមានស្មារតីរួមគ្នា ជាមួយប្រជាជនកម្ពុជា ដែលពួកគេបានជម្នះនូវការលំបាកដ៏ធំធេងនេះ។ នេះជាហេតុផលមួយដែលខ្ញុំគិតថា ប្រជាជនអាមេរិក និងប្រជាជនកម្ពុជាមានភាពស្និទ្ធស្នាលជាពិសេស។
ខ្ញុំឆ្លុះបញ្ចាំងពីចំណងមិត្តភាពនេះផ្ទាល់ខ្លួន តាមរយៈការមានឈាមជ័រពីឪពុកម្តាយរបស់ខ្ញុំដែលមានកំណើតនៅសហរដ្ឋអាមេរិក និងស្រុកខ្មែរ។ សហរដ្ឋអាមេរិកបានផ្តល់ឲ្យក្រុមគ្រួសាររបស់យើងគេចចេញពីសង្គ្រាម និងផ្តល់ឱកាសឲ្យយើងកសាងជីវិតថ្មីក្នុងនាមជាក្រុមគ្រួសារមួយ យើងមានអ្វីៗជាច្រើនដើម្បីអបអរក្នុងនាមជាជនជាតិអាមេរិក។
ក្នុងនាមជាអតីតកងទ័ពអាមេរិកម្នាក់ ទិវាឯករាជ្យរបស់យើងក៏មានសារៈសំខាន់ពិសេសមួយទៀតផងដែរ។ ខ្ញុំបានប្រយុទ្ធដើម្បីប្រទេសរបស់ខ្ញុំទាំងនៅក្នុងប្រទេសអ៊ីរ៉ាក់ និងអាហ្វហ្គានីស្ថានដោយបានរៀនសូត្រពីការលះបង់ និងបន្ទុកដ៏ធ្ងន់ធ្ងរនៃសង្គ្រាម។ អ្វីដែលខ្ញុំបានមើលឃើញគួរឲ្យកត់សម្គាល់បំផុតអំពីសង្គ្រាមគឺសមត្ថភាពរបស់មនុស្សក្នុងការអត់ឱន និងការផ្សះផ្សា។
ទោះបីជាសហរដ្ឋអាមេរិកធ្លាប់បានធ្វើសង្គ្រាមជូរចត់ដើម្បីឯករាជភាពពីអង់គ្លេសក្តីក៏បច្ចុប្បន្នយើងគឺជាប្រទេសដែលមានចំណងមិត្តភាពជិតស្និទ្ធបំផុត។ ដូចគ្នានេះដែរប្រជាជនកម្ពុជា និងសហរដ្ឋអាមេរិកមានចំណងមិត្តភាព វប្បធម៌ និង ពាណិជ្ជកម្មជិតស្និទ្ធដែលផ្តល់អត្ថប្រយោជន៍ដល់ប្រទេសទាំង ២ យ៉ាងច្រើន ទោះបីទំនាក់ទំនងជាប្រវត្តិសាស្ត្រមានភាពគស្មាញក៏ដោយ។ អារម្មណ៍នៃការបើកកិច្ចសហការក្នុងការកសាងអនាគតរួមគ្នានេះផ្តល់ឱ្យខ្ញុំនូវសុទិដ្ឋិនិយមយ៉ាងខ្លាំងអំពីទំនាក់ទំនងរវាងសហរដ្ឋអាមេរិក និងកម្ពុជា។
អ្វីដែលគួរឲ្យកត់សម្គាល់ទៀតនោះប្រមាណ ៣២ ភាគរយនៃការនាំចេញទាំងអស់ពីកម្ពុជាគឺនាំចេញទៅកាន់សហរដ្ឋអាមេរិក។ យើងគឺជាដៃគូពាណិជ្ជកម្មធំជាងគេបំផុតរបស់កម្ពុជា។ ពាណិជ្ជកម្មនេះតំណាងឱ្យការងារផលិតកម្មរាប់ពាន់ និងការគាំទ្រជាបន្តបន្ទាប់ពីក្រុមគ្រួសារទាំងនេះ។ ខ្ញុំមានមោទនភាពចំពោះរឿងនេះក្នុងនាមជាជនជាតិអាមេរិកាំង និងជាជនជាតិខ្មែរ។
ជាមួយគ្នាដែរ នៅពេលវិបត្តិជំងឺកូវីដកន្លងផុតទៅយើងនឹងស្គាល់គ្នាកាន់តែច្បាស់តាមរយៈសកម្មភាពរបស់យើងដែលចំណាយជាមួយគ្នានៅក្នុងពេលវេលាដ៏លំបាក។ អាជីវកម្មអាមេរិករបស់យើងបានធ្វើការដើម្បីគាំទ្រដល់ភាគីកម្ពុជាតាមរយៈពេលវេលាទាំងនេះគឺជាអ្វីដែលខ្ញុំផ្ទាល់មានមោទនភាព។ នៅពេលគំរូអាជីវកម្មថ្មី និងខ្សែចង្វាក់តម្លៃលេចឡើង សភាពាណិជ្ជកម្មសហរដ្ឋអាមេរិក (AmCham) នៅកម្ពុជានឹងបន្តខិតខំពង្រឹងចំណងមិត្តភាពដែលធ្វើឱ្យយើងទាំងអស់គ្នាកាន់តែជោគជ័យជាមួយគ្នា។
ក្នុងឱកាសប្រារព្ធទិវាបុណ្យឯករាជ្យជាតិនេះ ខ្ញុំសូមជូនពរសហរដ្ឋអាមេរិកឲ្យកាន់តែរុងរឿង និងមិត្តភក្តិក៏ដូចជាក្រុមគ្រួសារដែលរស់នៅស្រុកខ្មែរ។ ចំពោះជនជាតិអាមេរិកទាំងអស់ដែលអបអរទិវាឯករាជ្យនេះជាមួយយើងនៅក្នុងទីក្រុងភ្នំពេញក្នុងនាមជាប្រធាន AmCham ខ្ញុំសូមជូនពរបងប្អូនទាំងអស់គ្នាជួបតែសេចក្តីសុខ និងជោគជ័យ៕
