សព​អ្នក​នេសាទ​សមុទ្រ​ម្នាក់​ទើប​តែ​រក​ឃើញ​នៅ​ម្តុំ​ថ្ម​ស


ព្រះ​សីហនុៈ សព​ជា​អ្នក​នេសាទ​សមុទ្រ​ម្នាក់​ដែល​បាត់​ខ្លួន​ពី​សប្តាហ៍​មុន​ត្រូវ​អ្នក​នេសាទ​ប្រទះ​ឃើញ​អណ្តែត​ក្នុង ឃុំ​ថ្ម​ស ស្រុក​បទុម​សាគរ ខេត្ត​កោះកុង ហើយ​ត្រូវ​សមត្ថកិច្ច​ស្រង់​​មក សង្កាត់ ១ ក្រុង​ព្រះ​សីហនុ កាល​ពី​ម្សិលមិញ។

លោក កុល ផល្លី ស្នងការ​រង ខេត្ត​ព្រះសីហនុ ឲ្យ​ដឹង​ថា សព​អ្នក​នេសាទ​ឈ្មោះ ចាន់ ផាត អាយុ ៣៦​ឆ្នាំ ស្នាក់​នៅ​បន្ទប់​ជួល​ក្នុង ក្រុង​ព្រះសីហនុ មាន​ស្រុក​កំណើត​នៅ ភូមិ​ក្រាំង​ដូង ឃុំ​សំរោង​ក្រោម ស្រុក​បន្ទាយ​មាស ខេត្ត​កំពត ដែល​បាត់​ខ្លួន​ពី​ថ្ងៃ​ព្រហស្បតិ៍​មុន​ហើយ​អ្នក​នេសាទ​ក៏​ប្រទះ​ឃើញ​អណ្តែត​ទឹក​នៅ ឃុំ​ថ្ម​ស ខេត្ត​កោះកុង កាល​ពី​ព្រឹក​ម្សិលមិញ។

តាម​មន្ត្រី​នគរបាល​ជំនាញ​ខេត្ត​ថា ក្បាល​សព​មាន​ស្នាម​ជាំ​ប្រេះ​សៀត​ផ្កា​ខាង​ឆ្វេង។

ប្រពន្ធ​ជន​រងគ្រោះ​ថា គាត់​សង្ស័យ​កូន​ដៃ​ទូក​ម្នាក់​ដែល​មួយ​ថ្ងៃ​ក្រោយ​បាត់​ប្តី​គាត់​គេ​យក​ទូក​មក​ចត​ប្លុង​ចោល​ហើយ​ប្រមូល​លុយ​លក់​មឹក​បង្គា​រត់​បាត់៕

ព័ត៌មានថ្មីៗ