អាស្រ័យលើថា តើអ្នកបានរួមភេទច្រើនដង ឬតិចតួច វាផ្ដល់នូវអត្ថប្រយោជន៍ចំពោះសុខភាពច្រើន និងអាចមានសារសំខាន់ចំពោះទំនាក់ទំនងស្នេហាថែមទៀត។
.jpg)
កាមីល ឡេវីស ជាអ្នកឯកទេសខាងផ្លូវភេទ និងទំនាក់ទំនងស្នេហា បាននិយាយថា៖ «សិចអនុញ្ញាតអ្នកមានទំនាក់ទំនងល្អជាមួយដៃគូតាមបែបផែនធម្មជាតិ ដែលអ្នកទាំងពីរចេះគោរពគ្នា ហើយកាន់តែពិសេស មានអារម្មណ៍ពេញចិត្ដពេញថ្លើម និងស្រណុកស្រួល។ សម្ព័ន្ធភាពផ្លូវភេទផ្ដល់នូវទំនាក់ទំនងយ៉ាងវិសេសដែលបង្កើតបានជាភាពជឿជាក់ ហើយភាពជឿជាក់ពិតជាកម្លាំងចលករសំខាន់ចំពោះរាល់ទំនាក់ទំនងទាំងអស់»។
ស្រដៀងនឹងបរិមាណចំណង់ផ្លូវភេទតិច ឬច្រើនអាចមានការប្រែប្រួលរវាងដៃគូនីមួយៗ អត្ថន័យពីក្រោយសកម្មភាពសិចក៏មានលក្ខណៈខុសគ្នាផងដែរ។ អ្នកស្រី ឡូហ្សាណូ បាននិយាយថា៖ «សិចអាចបង្កើតនិយមន័យផ្សេងៗគ្នា ហើយសារសំខាន់នៃការខុសប្លែកនេះអាស្រ័យលើគូស្នេហ៍នីមួយៗ»។
វាមានអត្ថប្រយោជន៍មួយចំនួន ដូចជា ការផ្ដល់ឱ្យមនុស្សនូវការបង្ហាញចេញពីអារម្មណ៍ និងបទពិសោធនៃទំនាក់ទំនងស្នេហា ការបង្កើតភាពរីករាយ និងអារម្មណ៍ស្រណុកស្រួល ការពង្រឹងទំនាក់ទំនងផ្លូវចិត្ដ ការបញ្ចេញនូវអ័រម៉ូនដូផាមីនអំឡុងពេលសម្រេចកាម ដែលជួយឱ្យមានអារម្មណ៍ស្ងប់ និងបង្កើនភាពស្នីទ្ធិស្នាល ក៏ដូចជាការជួយបន្ទាបសម្ពាធឈាមផងដែរ។
ចំណុចគួរឱ្យកត់សម្គាល់
មនុស្សពេញវ័យជាមធ្យមបានរួមភេទម្ដងក្នុងមួយសប្ដាហ៍ តែនោះមិនមែនមានន័យថា អ្នកត្រូវតែបង្ខំ និងពន្យាឱ្យសមល្មមត្រឹមចំនួននេះឡើយ។ យ៉ាងណាមិញ អ្នកជ្រើសរើសភាពស្និទ្ធិស្នាលជាមួយដៃគូ មិនថា រួមភេទតិច ឬក៏ច្រើននោះទេ តែជាផ្ដោតសំខាន់លើទំនាក់ទំនង និងភាពផ្អែមល្ហែម។
ការរួមភេទញឹកញយមិនអាចធានាពីសុវត្ថិភាពនៃសម្ព័ន្ធភាពស្នេហាឡើយ។ ផ្ទុយទៅវិញ ការផ្ដោតលើគុណភាពនៃបទពិសោធស្នេហារួមគ្នាទើបជាការប្រសើរ។ ការធ្វើបែបនេះទំនងជាអាចបង្កើនការពេញចិត្ដពេញថ្លើមចំពោះសិចរបស់អ្នក និងដៃគូអ្នក ជាជាងការបង្ខំបង្កើនចំនួនសិចញឹកញយ៕
