ផ្សិតដែលអាចចម្អិនជាអាហារភាគច្រើនផ្ដល់គុណប្រយោជន៍ដល់ការចងចាំ។
ក្រុងសិង្ហបុរី: ការទទួលទានផ្សិត ២ ដងក្នុង ១ សប្ដាហ៍អាចទប់ស្កាត់ហានិភ័យការធ្លាក់ចុះនៃបញ្ហាអប្រក្រតីភាពខួរក្បាលពេលចម្រើនវ័យជរា។ ក្រុមអ្នកស្រាវជ្រាវបានរកឃើញថាអ្នកដែលញ៉ាំផ្សិតឆ្អិនចាប់ពី ៣ ខាំបានជួយកាត់បន្ថយគ្រោះថ្នាក់នៃជំងឺវង្វេងវង្វាន់កម្រិតស្រាល (MCI )។
.jpg)
ពួកគេបានអះអាងថាហើយសូម្បីតែទទួលទានក្នុងបរិមាណតិចតួចក៏អាចទទួលបានអត្ថប្រយោជន៍គ្រាន់បើដែរ។ MCI ស្ថិតនៅចន្លោះរវាងការធ្លាក់ចុះនៃសមត្ថភាពខួរក្បាលពីធម្មជាតិ និងជំងឺវង្វេង ហើយអ្នកជួបបញ្ហាបែបនេះអាចទទួលបទពិសោធការភ្លេចភ្លាំង និងកាត់បន្ថយសមត្ថភាពភាសា និងការផ្ចង់អារម្មណ៍។
ក្រុមអ្នកវិទ្យាសាស្ត្របាននិយាយថា ផ្សិតផ្ទុកនូវអាស៊ីតអាមីណូដែលរាងកាយមិនអាចផលិតសារធាតុនេះដោយខ្លួនឯងបានហើយជាអ្វីដែលត្រូវបានរកឃើញក្នុងកម្រិតទាបយ៉ាងជាពិសេសចំពោះមនុស្សជរាដែលកើតជំងឺវង្វេងវង្វាន់កម្រិតស្រាល។
ក្រុមអ្នកស្រាវជ្រាវមកពីសាកលវិទ្យាល័យជាតិសិង្ហបុរីបានធ្វើសម្ភាសជាមួយពលរដ្ឋចិនជាង ៦០០ នាក់ដែលមានអាយុ ៦០ ឆ្នាំប្លាយលើរយៈពេល ៦ ឆ្នាំស្ដីពីរបបអាហារ និងសុខភាពរបស់ពួកគេ។
អ្នកដែលទទួលទានផ្សិតឆ្អិនជាង ២ ពេលរៀងរាល់សប្ដាហ៍ជួបនូវបញ្ហាស្មារតីវង្វេងកម្រិតស្រាលនេះត្រឹម ៥០ ភាគរយ។ លោក ហ្វេង ឡៃ ជាអ្នកស្រាវជ្រាវម្នាក់បាននិយាយថា៖ «ទំនាក់ទំនងនេះពិតជាគួរឲ្យភ្ញាក់ផ្អើល និងលើកទឹកចិត្ដការទទួលទានបន្ថែមទៀត»។
ផ្សិតដែលត្រូវបានលើកយកមកជជែកក្នុងការសិក្សានេះជាប្រភេទផ្សិតមួក ផ្សិតអំបោះ ផ្សិតឈើ និង ផ្សិតម្ជុល ផ្សិតក្រៀម និងផ្សិតកំប៉ុង។ ក្រុមអ្នកវិទ្យាសាស្ដ្របានបន្ថែមថា ប្រសិទ្ធភាពវិជ្ជមានចំពោះសុខភាពទំនងជាកើតឡើងដោយផ្សិតប្រភេទផ្សេងៗទៀត៕ HR
