អាយុចន្លោះពី ១១ ទៅ ១៣ ឆ្នាំ កូនៗរបស់លោកអ្នកនឹងចាប់ផ្ដើមបង្កើនកម្រិតអ័រម៉ូន ដែលអាចបង្កឱ្យមានបម្រែបម្រួលរាងកាយពេញវ័យ ក៏ដូចជាមានអារម្មណ៍ផ្លូវភេទកើនឡើង។
.jpg)
ចិត្ដវិទូ លៀ លីស បានណែនាំឱ្យប្រាប់កូនដឹងនូវអ្វីទៅជាបម្រែបម្រួលរាងកាយ ដែលជាការអភិវឌ្ឍចម្រើនវ័យធម្មតា រួមទាំងការដុះមមីស និងរោមផ្សេងៗទៀត ការរីកធំនៃសុដន់ កើតមុន និងចាប់ផ្ដើមមានរដូវជាដើម។
ក្រោយពីឱ្យកូនបានដឹងនូវអ្វីដែលជាបញ្ហាឈាមរដូវ លោកអ្នកក៏គួរតែពន្យល់ប្រាប់អំពីជម្រើសផលិតផលអនាម័យ និងបញ្ជាក់ថា មានឈាមរដូវជាការបង្ហាញពីឱកាសអាចមានកូនក្នុងវ័យនេះ។
វាក៏ជាវេលាដ៏ល្អដែលត្រូវចាប់ផ្ដើមធ្វើការសន្ទនាអំពីតម្លៃនៃគ្រួសារ រួមទាំងបញ្ហាជុំវិញការសេពគប់ដៃគូ និងការសម្រេចកាមខ្លួនឯងផងដែរ។
បើមានអារម្មណ៍ លោកអ្នកចែករំលែករឿងរ៉ាវបទពិសោធផ្ទាល់ខ្លួនកាលគ្រានៅជំទង់។ ពេលឈានដល់វ័យជំទង់អាយុ ១៣ ឆ្នាំ អ្នកស្រី លីស បានណែនាំឱ្យអប់រំពួកគេអំពីទម្រង់នៃការពន្យាកំណើត ខណៈរំឭកឡើងវិញនូវទស្សនៈឯកភាពនឹងសំណើអ្វីមួយ។
អ្នកស្រីបានណែនាំថា ស្រោមអនាម័យអាចកាត់បន្ថយការហានិភ័យជំងឺឆ្លង ក៏ដូចជាបញ្ហាមានគភ៌ដោយឥតព្រៀងទុក ខណៈឱសថពន្យាកំណើតមិនអាចរារ៉ាំងជំងឺឆ្លងនោះទេ។
វិចិត្ដវិទូ ក្លាផូវ បានបន្ដថា៖ «ចូរនិយាយឱ្យច្បាស់ថា នេះជារឿងធម្មតា ហើយលោកអ្នកចង់ឱ្យកូនៗមកជួបប្រឹក្សា បើពួកគេមានចម្ងល់។ លោកអ្នកនឹងមិនរំលងបញ្ហាកូន ហើយក៏អាចជួយពួកគេបានថែមទៀត»។
ប្រធានបទផ្លូវភេទទាក់ទងនឹងវ័យជំទង់នេះ
រូបអាសអាភាស៖ ការសិក្សាមួយដោយសមាគមន៍ចិត្ដវិទ្យាអាមេរិក បានរកឃើញថា អាយុមធ្យមរបស់កុមារដែលចាប់ផ្ដើមចូលមើលកុនក្ដៅសាច់តាមអនឡាន គឺអាយុ ១៣ ឆ្នាំ ហើយភាគច្រើនបុរសៗ ដែលមានអាយុ ៤៣,៥ ភាគរយ។
អ្នកស្រី លីស បានណែនាំឱ្យកូនចៀសឆ្ងាយពីរូបភាពអាគ្រាមតាមរយៈការគ្រប់គ្រងការប្រើប្រាស់ឧបករណ៍បច្ចេកវិទ្យារបស់កូនៗ។
យ៉ាងណាមិញ បើលោកអ្នករកឃើញថា ពួកគេកំពុងមើលរូបភាព ឬវីដេអូអាសអាភាស អ្នកស្រីណែនាំឱ្យក្រើនរំឭកកូនថា មនុស្សទាំងនោះគ្រាន់តែជាតួសម្ដែង ហើយមិនរាល់សកម្មភាពក្នុងវីដេអូសុទ្ធតែឆ្លុះបញ្ចាំងពីតថភាពផ្លូវភេទជាមួយគូពិតនោះឡើយ។
មាតិការសិច៖ ការសិក្សាឆ្នាំ ២០១៩ មួយបានរកឃើញថា មតិការសិចមានទំនាក់ទំនងនឹងការកើនឡើងនៃហានិភ័យផ្លូវភេទ ដូចជាការមានដៃគូសិចច្រើន ការប្រើប្រាស់គ្រឿងញៀន និងគ្រឿងស្រវឹង ក៏ដូចជាមិនប្រើវិធីការពារកំណើតផងដែរ។
នោះជាមូលហេតុដែលសំខាន់ក្នុងការជជែកប្រាប់កូនអំពីផលលំបាកនៃការចែករំលែករូបភាព និងសារមិនសមរម្យ ដូចជា ការធ្លាយរូបភាពក្នុងថ្នាក់រៀន ឬអាចទទួលការចោទប្រកាន់ពីបទចែករំលែករូបភាពអាកាសអាភាស។
ចូរឱ្យពួកគេដឹងថា ពួកគេមិនគួរចែករំលែករូបភាពណាដែលឱ្យខ្លួនឯងមិនស្រណុកចិត្ដឡើយ។
ការរើសអើង៖ ចូរពន្យល់ដោយលើកឧទាហរណ៍ប្រាប់កូនជំទង់របស់លោកអ្នកនូវអត្ដពលិក និងអ្នកសរសេរកូដជាស្ដ្រី ឬឪពុកធ្វើកិច្ចការផ្ទះ និងអ្នករបាំជាបុរស ឬរឿងរ៉ាវដែលមិនប្រកាន់យេនឌ័រ ដើម្បីជួយទប់ទល់នឹងផ្នត់គំនិតរើសអើសយេនឌ័រ។
ចូរឱ្យប្រាកដថា លើកទឹកចិត្ដកូនៗកុំឱ្យចូលរួមក្នុងការនិយាយចំអេសចំអាស និងពន្យល់ពីមូលហេតុការនិយាយបែបនោះមិនគួរឱ្យយកខ្លួនបៀត ខណៈបង្ហាត់បង្ហាញកូនៗអំពីផលប៉ះពាល់ និងវិធីឆ្លើយតបចំពោះការរើសអើង៕
