ទីក្រុងហ្វ្រេងហ្វឺតៈ សហគ្រាសឧស្សាហកម្មអាល្លឺម៉ង់ Thyssenkrupp កាលថ្ងៃពុធបានប្រកាសថា ខ្លួននឹងរំសាយការងារចំនួន ៣ ០០០ កន្លែងក្នុងផ្នែកផលិតកម្មដែកថែបដែលទទួលរងផលប៉ះពាល់យ៉ាងខ្លាំង និងជាផ្នែក ១ នៃកញ្ចប់វិបត្តិវីរុសកូរ៉ូណា។
ក្រុមហ៊ុនដែកថែបដែលដំឡើងជណ្តើរយន្តរហូតដល់កប៉ាល់មុជទឹកបាននិយាយថា ខ្លួនបានសម្រេចកិច្ចសន្យាជាមួយសហជីព IG Metall ដ៏មានឥទ្ធិពលរបស់អាល្លឺម៉ង់ក្នុងការកាត់បន្ថយការងារចំនួន ២០០០ កន្លែងនៅរយៈពេល ៣ ឆ្នាំខាងមុខ និងចំនួន ១ ០០០ កន្លែងផ្សេងទៀតត្រឹមឆ្នាំ ២០២៦។
ក្រុមហ៊ុនបាននិយាយថា ការកាត់បន្ថយការងារក្នុងប្រទេសអាល្លឺម៉ង់ចាំបាច់ដើម្បីឆ្លើយតបចំពោះបញ្ហាប្រឈមក្នុងផលិតកម្មដែកថែបពេលការរីករាលដាលវីរុសកូរ៉ូណាបណ្តាលឲ្យសេដ្ឋកិច្ចពិភពលោកប្រឈមបញ្ហាយ៉ាងច្រើន។
តួលេខចុងក្រោយបង្ហាញថាការកាត់បន្ថយការងារជាច្រើនក្នុងផ្នែកផលិតដែកនៃក្រុមហ៊ុន Thyssenkrupp ត្រឹម ១០០០ កន្លែងបន្ទាប់ពីក្រុមហ៊ុននេះបាននិយាយកាលពីលើកមុនថា ចំនួន ២០០០ កន្លែងនៃចំនួន ៦០០០ ដែលគ្រោងទុកនឹងប៉ះពាល់កម្មករផលិតដែក។
ក្រុមហ៊ុន Thyssenkrupp ក៏និយាយដែរថា ខ្លួនបានយល់ព្រមភ្លាមៗជាមួយកញ្ចប់វិបត្តិកូរ៉ូណាជាមួយសហជីព IG Metall ដែលមានកម្មករជនជាតិអាល្លឺម៉ង់ជាច្រើននៅផ្នែករោងចក្រផលិតដែកក្នុងតំបន់អឺរ៉ុបត្រូវបានរាប់បញ្ចូលទៅក្នុងការកាត់បន្ថយម៉ោងក្នុងសប្តាហ៍ខាងមុខ ដោយទទួលបាន ៨០ ភាគយនៃប្រាក់ខែធម្មតារបស់ពួកគេ។
លោក Oliver Burkhard ប្រធានផ្នែកបុគ្គលិកនិយាយថា៖ «សូម្បីនៅពេលយើងអស់ការងារ យើងនៅព្យាយាមរក្សាទុកពួកគេក្នុងប្រព័ន្ធការងារ។ ដូច្នេះយើងអាចត្រឡប់ទៅកាន់ការងារវិញ បន្ទាប់ពីវិបត្តិនេះបញ្ចប់»។ RR