ក្រុងប៉េកាំងៈ ប្រទេស ចិន នឹងកាត់បន្ថយពន្ធ និងកម្រៃក្នុងទ្រង់ទ្រាយកាន់តែច្រើន ដើម្បីសម្រាលបន្ទុកលើក្រុមហ៊ុនមានដើមទុនតិច និងក្រុមហ៊ុនខ្នាតតូច។ នេះបើតាមសន្និសីទមួយនៅទីក្រុងប៉េកាំងកាលពីថ្ងៃអង្គារ។
ជំនួយការរដ្ឋមន្ដ្រីក្រសួងហិរញ្ញវត្ថុបានឲ្យដឹងក្នុងសន្និសីទនេះថា ក្នុងឆ្នាំ ២០១៩ នេះ ចិននឹងកាត់បន្ថយពន្ធសម្រាប់ក្រុមហ៊ុនមានដើមទុនតិច និងក្រុមហ៊ុនខ្នាតតូចដោយផ្អែកលើការកាត់បន្ថយពន្ធ និងកម្រៃក្នុងទឹកប្រាក់ចំនួន ១,៣ ពាន់ពាន់លានយន់នៅឆ្នាំ ២០១៨។
កម្រិតកំណត់សម្រាប់អ្នកជាប់ពន្ធទ្រង់ទ្រាយតូចសម្រាប់ពន្ធបន្ថែមតម្លៃ នឹងត្រូវបានបង្កើនពី ៣ ម៉ឺនយន់ ដល់ ១ សែនយន់នៃទឹកប្រាក់បានពីការលក់ប្រចាំខែ។
លក្ខណវិនិច្ឆ័យសម្រាប់ SME ដែលមានប្រាក់ចំណេញទាបនឹងត្រូវបានបន្ធូរបន្ថយ ហើយវិធានការពិសេសកាន់តែច្រើននឹងត្រូវដាក់ចេញ។ សហគ្រាសមានទ្រព្យសកម្មសរុបតិចជាង ៥០ លានយន់ មានបុគ្គលិកតិចជាង ៣០០ នាក់ និងពន្ធលើប្រាក់ចំណូលតិចជាង ៣ លានយន់នឹងត្រូវបានចាត់ថ្នាក់ជាងសហគ្រាសមានដើមទុនតិច និងប្រាក់ចំណេញទាប៕ People''s Daily/LA