នាយករដ្ឋមន្ត្រី វៀតណាម Nguyen Xuan Phuc (ទី៣ រាប់ពីឆ្វេង)។
ទីក្រុងហាណូយៈ នៅក្នុងកិច្ចប្រជុំការងារជាមួយក្រុមប្រឹក្សាផ្តល់យោបល់ថ្នាក់ជាតិ ស្តីពីគោលនយោបាយហិរញ្ញវត្ថុនិងរូបិយប័ណ្ណ និងក្រុមប្រឹក្សាសេដ្ឋកិច្ចកាលពីថ្ងៃព្រហស្បតិ៍ លោកនាយករដ្ឋមន្ត្រីវៀតណាម Nguyen Xuan Phuc បានស្នើរឲ្យអ្នកជំនាញរិះរកកម្លាំងជំរុញថ្មីសម្រាប់ការអភិវឌ្ឍ។
.jpg)
លោកនិយាយថា «យើងបានរៀបចំមូលដ្ឋានគ្រឹះសំខាន់សម្រាប់ ២០២១ និង សមត្ថភាពផលិតកម្ម ៥ ឆ្នាំបន្ទាប់នេះ និងប្រព័ន្ធម៉ាក្រូសេដ្ឋកិច្ច» ដោយកត់សម្គាល់ថា ប្រសិនបើការអភិវឌ្ឍស្មគស្មាញទាំងក្នុងតំបន់និងពិភពលោក វៀតណាមគួរទទួលយកការផ្តាស់ប្តូរ រួមទាំងការផ្តាស់ប្តូរទម្លាប់ និងសូម្បីស្ថាប័នច្បាប់ទាក់ទិនការអភិវឌ្ឍសេដ្ឋកិច្ច។
លោកបានស្នើឲ្យក្រុមអ្នកជំនាញតាមដានស្ថានភាពសេដ្ឋកិច្ចឲ្យបានដិតដល់ទាំងនៅក្នុងប្រទេសនិងក្រៅប្រទេស និងកំណត់បញ្ហាកើតឡើងថ្មីៗឲ្យទាន់ពេលវេលា ដើម្បីផ្តល់អនុសាសន៍ទាន់ពេលវេលា ដល់នាយករដ្ឋមន្ត្រី លើយន្តការ គោលនយោបាយ និង ស្ថានភាពសមរម្យ ដើម្បីដោះស្រាយ។
អ្នកដឹកនាំរដ្ឋាភិបាលបានអំពាវនាវឲ្យយកចិត្តទុកដាក់ចំពោះមេរៀនទាំងឡាយ ដើម្បីទប់ស្កាត់អតិផរណា និងកម្ចីអាក្រក់ព្រមទាំងមានយន្តការ ដើម្បីប្រែក្លាយបច្ចេកវិទ្យាវិទ្យាសាស្ត្រ និងនវានុវត្តន៍ទៅជាកម្លាំងជំរុញ ដើម្បីធ្វើឲ្យផលិតភាពការងារ និងការប្រកួតប្រជែងប្រសើរឡើង។ ផ្សារភ្ជាប់ក្រុមហ៊ុនវិនិយោគដោយបរទេសនិងក្រុមហ៊ុនក្នុងស្រុក នៅតែមានចន្លោះប្រហោង ខណៈអត្រាផលិតផលផលិតរថយន្តនិងអេឡិចត្រូនិចផលិតនៅក្នុងប្រទេសនៅទាប។
ក្នុងពេលដ៏ខ្លីខាងមុខ លោកនាយករដ្ឋមន្ត្រីបាននិយាយថា រដ្ឋាភិបាលធ្វើកិច្ចការបានច្រើន ជាពិសេសធ្វើកំណែទម្រង់សេដ្ឋកិច្ច និងរៀបចំរចនាសម្ព័ន្ធ ពិនិត្យឡើងវិញនូវគម្រូកំណើន អភិវឌ្ឍអាជីវកម្ម ធ្វើឲ្យប្រសើរឡើងបរិយាកាសធុរកិច្ច បង្កើនប្រែក្លាយឌីជីថលថ្នាក់ជាតិ និងទាក់ទាញធនធានសម្រាប់ការអភិវឌ្ឍប្រកបដោយចិរភាព។ លោកនិយាយថា ការប្រែក្លាយឌីជីថលថ្នាក់ជាតិ គឺជៀសមិនផុតនោះទេ៕ VNS-ANN/RR
