ទិន្នន័យផ្លូវការបានបង្ហាញកាលពីថ្ងៃពុធថា អតិរេកពាណិជ្ជកម្មរបស់ប្រទេស ជប៉ុន បានធ្លាក់ចុះប្រហែល ៩០ ភាគរយ កាលពីខែមេសា ដោយសារការនាំចេញរងផលប៉ះពាល់ពីការថមថយកំណើនសេដ្ឋកិច្ចចិន។ AFP
ក្រុងតូក្យូៈ ទិន្នន័យផ្លូវការបានបង្ហាញកាលពីថ្ងៃពុធថា អតិរេកពាណិជ្ជកម្មរបស់ប្រទេស ជប៉ុន បានធ្លាក់ចុះប្រហែល ៩០ ភាគរយ កាលពីខែមេសា ដោយសារការនាំចេញរងផលប៉ះពាល់ពីការថមថយកំណើនសេដ្ឋកិច្ចចិន ខណៈប្រទេសនេះធ្វើសង្គ្រាមពាណិជ្ជកម្មជាមួយអាមេរិក។ នេះបើយោងតាមទិន្នន័យផ្លូវការកាលពីថ្ងៃពុធ។
ទន្ទឹមនឹងនេះ ទិន្នន័យនេះបានបង្ហាញថា អតិរេកពាណិជ្ជកម្មដែលមានភាពរសើបផ្នែកនយោបាយរបស់ជប៉ុនជាមួយអាមេរិកបានកើនឡើង ១៧,៧ ភាគរយកាលពីខែមេសា ធៀបនឹងរយៈពេលដូចគ្នានៅឆ្នាំ ២០១៧ ដែលទិន្នន័យនេះបានបង្ហាញរយៈពេលប៉ុន្មានថ្ងៃមុនពេលការទៅដល់ប្រទេស ជប៉ុន របស់លោកប្រធានាធិបតីអាមេរិក ដូណាល់ ត្រាំ លើដំណើរទស្សនកិច្ចផ្លូវរដ្ឋមួយ។
អតិរេកពាណិជ្ជកម្មជារួមរបស់ប្រទេស ជប៉ុន បានធ្លាក់ចុះ ៩០,៣ ភាគរយ មកនៅត្រឹម ៦០,៤ ពាន់លានយ៉េន (៥៥០ លានដុល្លារ)។
ទិន្នន័យរបស់ក្រសួងហិរញ្ញវត្ថុបានបង្ហាញថា ការធ្លាក់ចុះនេះ ដែលខ្លាំងជាងការរំពឹងទុករបស់ទីផ្សារ គឺភាគច្រើនដោយសារធ្លាក់ចុះការនាំចេញផលិតផលជាប់ទាក់ទងនឹងបន្ទះឈីបទៅកាន់ប្រទេស ចិន។
ប៉ុន្តែអតិរេកពាណិជ្ជកម្មជាមួយអាមេរិក បានកើនឡើងក្នុងរយៈពេល ២ ខែជាប់គ្នា ដែលបាននាំមុខដោយការនាំចេញរថយន្ត ឧបករណ៍ផលិតបន្ទះឈីប និងយន្តហោះ។
កំណើនអតិរេកជាមួយអាមេរិកដល់ ៧២៣,២ ពាន់លានយ៉េន (៦,៥ ពាន់លានដុល្លារ) នេះ បានកើនឡើងមានបន្ទាប់ពីកំណើនជិត ១០ ភាគរយកាលពីខែមីនា និងការធ្លាក់ចុះ ១,៦ ភាគរយ កាលពីខែកុម្ភៈ។
តួលេខចុងក្រោយបំផុតនេះ ធ្វើឡើងមុនពេលដំណើរទស្សនកិច្ចរបស់លោក ត្រាំ ទៅកាន់ប្រទេស ជប៉ុន នៅចុងសប្ដាហ៍នេះ សម្រាប់កិច្ចប្រជុំជាមួយលោក ស៊ីនហ្សូ អាបេ។ មេដឹកនាំទាំង ២ ត្រូវបានរំពឹងថា នឹងផ្ដោតលើបញ្ហានានា រួមទាំងពាណិជ្ជកម្មផងដែរ៕ AFP/LA
