ប្រទេស អេមីរ៉ាត អារ៉ាប់រួម (UAE) រិះគន់ការសម្រេចចិត្តរបស់សហភាពអឺរ៉ុប (EU) ក្នុងការដាក់ប្រទេសខ្លួនក្នុងបញ្ជីខ្មៅនៃប្រទេសដែលយកពន្ធទាប។ AFP
អាប៊ុយដាបីៈ ប្រទេស អេមីរ៉ាត អារ៉ាប់រួម (UAE) រិះគន់ការសម្រេចចិត្តរបស់សហភាពអឺរ៉ុប (EU) ក្នុងការដាក់ប្រទេសខ្លួនក្នុងបញ្ជីខ្មៅនៃប្រទេសដែលយកពន្ធទាប ទោះបីជាកិច្ចខិតខំប្រឹងប្រែងរបស់ប្រទេសឈូងសមុទ្រពែរ្ស៍មួយនេះ ដើម្បីសម្រេចបានតាមលក្ខខណ្ឌតម្រូវរបស់ EU ក៏ដោយ។
.jpg)
UAE ជាប្រទេសមួយក្នុងចំណោមប្រទេសទាំង ១០ ដែល EU កាលពីថ្ងៃអង្គារ ដាក់ក្នុងបញ្ជីនេះ ជាផ្នែកមួយនៃកិច្ចខិតខំប្រឹងប្រែងដើម្បីប្រយុទ្ធប្រឆាំងនឹងការគេចពន្ធដោយប្រទេសសម្បូរទ្រព្យមួយនេះ ។
សេចក្ដីប្រកាសព័ត៌មានផ្លូវការមួយ ដែលបានដកស្រង់ដោយទីភ្នាក់ងារព័ត៌មានរដ្ឋ WAM បានឲ្យដឹងកាលពីល្ងាចថ្ងៃអង្គារថា៖ «ការដាក់បញ្ចូលនេះត្រូវបានធ្វើឡើង ទោះបីជាកិច្ចសហប្រតិបត្តិការយ៉ាងជិតស្និទ្ធរបស់ UAE ជាមួយ EU លើបញ្ហានេះ និងកិច្ចខិតខំប្រឹងប្រែងដែលធ្វើឡើងដើម្បីបំពេញលក្ខខណ្ឌតម្រូវទាំងអស់របស់ EU ក៏ដោយ»។
សេចក្តីប្រកាសនេះឲ្យដឹងថា៖ «UAE នៅតែប្ដេជ្ញាចិត្តយ៉ាងរឹងមាំ ចំពោះគោលនយោបាយយូរអង្វែង នៃការឆ្លើយតបតាមស្ដង់ដារអន្តរជាតិខ្ពស់បំផុត លើការយកពន្ធ»។ UAE បញ្ជាក់ថា ខ្លួននឹងបន្តធ្វើបច្ចុប្បន្នភាពក្របខ័ណ្ឌច្បាប់ក្នុងបញ្ហានេះ៕AFP/LA
