Santi Sirait (កណ្តាល) កូនប្រុសគាត់ត្រូវក្រុមឧទ្ទាមបំបែកខ្លួនសម្លាប់។ AFP
.jpg)
ក្រុងហ្សាការតាៈ ការសម្លាប់កម្មករស៊ីវិលយ៉ាងរង្គាលដោយក្រុមឧទ្ទាមបំបែកខ្លួននៅក្នុងខេត្តប៉ាពួនៃប្រទេសឥណ្ឌូនេស៊ីបានបង្ហាញពីការបះបោរមួយនៃការបះបោរយូរជាងគេបំផុតនៅក្នុងពិភពលោក ដោយមិនបានបញ្ចប់ជម្លោះបង្ហូរឈាមនោះឡើយ។
ការសម្លាប់រង្គាលនោះ គឺកើតចេញពីការប៉ះទង្គិចជាច្រើនទសវត្សរ៍រវាងទ័ពព្រៃប្រដាប់ដោយអាវុធ និងគ្មានរចនាសម្ព័ន្ធត្រឹមត្រូវនិងយោធាឥណ្ឌូនេស៊ីដ៏មានឥទ្ធិពលត្រូវបានចោទប្រកាន់ពីបទរំលោភសិទ្ធិមនុស្សប្រឆាំងនឹងក្រុមជនស៊ីវិល។
និយោជិត១៦នៃក្រុមហ៊ុនម៉ៅការគ្រប់គ្រងដោយរដ្ឋ ត្រូវបានគេសម្លាប់នៅជំរំការងារក្នុងព្រៃដាច់ស្រយាលកាលពីថ្ងៃអាទិត្យសប្តាហ៍មុន ដោយមានកម្មករយ៉ាងតិច ៣ នាក់នៅបាត់ខ្លួន។
ពួកគេកំពុងសាងសង់ស្ពាននិងផ្លូវជាហេដ្ឋារចនាសម្ព័ន្ធសំខាន់បំផុតសម្រាប់តំបន់ក្រីក្របំផុតនៅឥណ្ឌូនេស៊ី ប៉ុន្តែក្រុមឧទ្ទាម បានអះអាងថាពួកគេ គឺជាគោលដៅស្របច្បាប់ដោយបានបង្ហាញកង្វល់ថា ការតស៊ូដើម្បីឯករាជ្យត្រូវបានចាត់ទុកជាទិសដៅថ្មីប្រកបដោយគ្រោះថ្នាក់។
លោក Damien Kingsbury សាស្ត្រាចារ្យវិទ្យាសាស្ត្រនយោបាយអន្តរជាតិនៅសាកលវិទ្យាល័យ Deakin នៃប្រទេសអូស្ត្រាលី បានថ្លែងថាមិនធ្លាប់មានការវាយប្រហារទ្រង់ទ្រាយធំបែបនេះដោយក្រុមឧទ្ទាមបំបែកខ្លួនឡើយ។ «ការកើតឡើងអំពើហិង្សាទ្រង់ទ្រាយធំបែបនេះត្រូវបានបង្កឡើងដោយយោធាឥណ្ឌូនេស៊ី»។
ជម្លោះនៅក្នុងខេត្តប៉ាពួ កើតមានឡើងតាំងពីដើមទសវត្សរ៍ឆ្នាំ ១៩៦០៕
