ក្រុងអាដែនៈ ប្រមុខចលនាបំបែកខ្លួនយេម៉ែនបានថ្លែងថា លោកបានត្រៀមខ្លួនរួចជាស្រេចដើម្បីចូលរួមនៅក្នុងកិច្ចពិភាក្សាសន្តិភាព ដែលសម្របសម្រួលដោយអារ៉ាប៊ី សាអ៊ូឌីត ក្រោយពីបានប៉ះទង្គិចជាមួយកងកម្លាំងគាំទ្ររដ្ឋាភិបាល បានបណ្តាលឲ្យមនុស្សរាប់សិបនាក់ស្លាប់នៅក្នុងទីក្រុងអាដែនទី២។
មេដឹកនាំក្រុមប្រឹក្សាបំបែកខ្លួនភាគខាងត្បូង (STC) លោក Aidarus al-Zubaidi បានថ្លែងកាលពីរសៀលថ្ងៃអាទិត្យថា លោកបានប្តេជ្ញាអនុវត្តបទឈប់បាញ់មួយនៅក្រុងអាដែន ជាទីដែលក្រុមបំបែកខ្លួនបានដណ្តើមកាន់កាប់យកវិមានប្រធានាធិបតី និងបន្ទាយយោធាជាច្រើនកន្លែងផងដែរ។
ការប្រយុទ្ធគ្នាកាលពីសប្តាហ៍មុន បានធ្វើឲ្យកងកម្លាំងសន្តិសុខបានបណ្តុះបណ្តាលដោយប្រទេស អារ៉ាប់រួម ដែលបានគ្រប់គ្រងដោយក្រុមយុទ្ធជនសកម្មប្រយុទ្ធ ដែលបានគាំទ្រកងកម្លាំង STC កំពុងស្វែងរកឯករាជ្យជាថ្មីនៅយេម៉ែនភាគខាងត្បូង ដើម្បីប្រឆាំងជាមួយក្រុមកងកម្លាំងស្មោះត្រង់រដ្ឋាភិបាល។
កាលពី៥ឆ្នាំមុនបន្ទាយយោធាទាំង ២ ដែលគាំទ្រដោយក្រុមចម្រុះយោធាមួយដឹកនាំដោយប្រទេសអារ៉ាប៊ី សាអ៊ូឌីត និងប្រទេស អារ៉ាប់រួម បានជាប់ពាក់ពន្ធនៅក្នុងសង្គ្រាមមួយប្រឆាំងក្រុមឧទ្ទាមហ៊ូធីមានសម្ព័ន្ធមិត្តជាមួយអ៊ីរ៉ង់៕ SK