ក្រុងបាងកក៖ សមាជិកជាន់ខ្ពស់របស់គណបក្សភឿថៃលោក ឆាលើម យូបាំរ៉ុង បានថ្លែងថា ក្រុមគណបក្សប្រឆាំងផ្សេងទៀត អាចរិះគន់ឧបនាយករដ្ឋមន្ត្រីលោក ប្រាវីត វង់ស៊ូវ៉ាន់ បាននៅក្នុងកិច្ចពិភាក្សាមិនគួរឲ្យទុកចិត្តដែលនឹងមកដល់នៅពេលឆាប់ៗខាងមុខ ប្រសិនបើពួកគេចង់នោះ ប៉ុន្តែពួកគេអាចនឹងប្រឈមនឹងការប្តឹងពីបទបរិហារកេរ្តិ៍។
លោក ឆាលើម យូបាំរ៉ុង បានថ្លែងថា គណបក្សប្រឆាំងធំ គឺបក្សភឿថៃ បានសម្រេចចិត្តមិនសួរនាំលោកឧត្តមសេនីយ៍ ប្រាវីត វង់ស៊ូវ៉ាន់ នោះទេ ដោយសារគណៈកម្មការជាតិប្រឆាំងអំពើពុករលួយ (NACC) បានបញ្ជាក់យ៉ាងច្បាស់អំពីការបិទបាំងរឿងអាស្រូវនាឡិកាដ៏ប្រណីតរបស់លោកឧត្តមសេនីយ៍ប្រាវីត វង់ស៊ូវ៉ាន់ ហើយក៏មិនមានភ័ស្តុតាងណាមួយនៅក្នុងការជាប់ទាក់ទងទៅនឹង ការប្រព្រឹត្តមិនត្រឹមត្រូវដែលរងការចោទប្រកាន់ផ្សេងទៀត ឬការប្រព្រឹត្តខុសច្បាប់នោះដែរ។
លោក ឆាលើម ដែលបានទទួលបន្ទុកគណៈកម្មាធិការកិច្ចការពិសេសរបស់គណបក្សភឿថៃបានថ្លែងថា៖ «យើងនឹងមិនបដិសេធនោះទេ ប្រសិនបើក្រុមគណបក្សប្រឆាំងផ្សេងទៀតបានរកឃើញភ័ស្តុតាងថ្មី ហើយចង់ចោទសួរលោកឧត្តមសេនីយ៍ ប្រាវីត វង់ស៊ូវ៉ាន់ ប៉ុន្តែត្រូវបានគេព្រមាន ហើយអ្នកអាចនឹងមានបញ្ហាប្រសិនបើក្រុម NACC ប្តឹងអ្នកពីបទបរិហារកេរ្តិ៍នោះ»។
កាលពីថ្ងៃសៅរ៍លោក ឆាលើម ច្រានចោលការអះអាងថា គណបក្សភឿថៃត្រូវបានគេកំពុងបញ្ចុះបញ្ចូលឲ្យគាំទ្រលោកឧត្តមសេនីយ៍ ប្រាវីត វង់ស៊ូវ៉ាន់ ដោយបានថ្លែងថា គោលដៅពិភាក្សានៅតែមានមន្ត្រី ៥ រូបដដែល គឺលោកនាយករដ្ឋមន្ត្រី ប្រាយុធ ចាន-អូចា ឧបនាយករដ្ឋមន្ត្រីរបស់លោក Wissanu Krea-ngam និងលោក Somkid Jatusripitak រដ្ឋមន្ត្រីមហាផ្ទៃលោក Anupong Paojinda និងរដ្ឋមន្ត្រីការបរទេសលោក Don Pramudwinai៕ BKP/SK