លោក រ៉េសិប តៃយីបអេរដូហ្គែន ចូលរួមជំនួបរបស់អង្គការណាតូនៅក្រុងឡុងដ៍។ AFP
.jpg)
ក្រុងអង់ការ៉ាៈ ប្រធានាធិបតីតួកគីលោក រ៉េសិប តៃយីបអេរដូហ្គែន កាលពីថ្ងៃអង្គារ បានទាត់ចោលការរិះគន់អំពីកិច្ចព្រមព្រៀងដែនសមុទ្រ ជាមួយប្រទេស លីប៊ី ដែលបានអនុញ្ញាតឲ្យក្រុងអង់ការ៉ាទាមទារសិទ្ធិជុំវិញតំបន់មួយចំនួនធំ ដែលចង់បានដោយក្រុមប្រទេសចំនួនផ្សេងទៀត នៅក្នុងនោះមានប្រទេសក្រិកផងដែរ។
កិច្ចព្រមព្រៀងលម្អិត ដែលបានចុះហត្ថលេខានៅក្នុងទីក្រុងអ៊ីស្តង់ប៊ុល កាលពីថ្ងៃទី២៧ខែវិច្ឆិកា ជាមួយប្រមុខរដ្ឋាភិបាលបង្រួបបង្រួមជាតិ (GNA) មានមូលដ្ឋាននៅទីក្រុងទ្រីប៉ូលី គឺលោកនាយករដ្ឋមន្ត្រី ហ្វាយីដ អាល់-សារ៉ាច នៅមិនទាន់បានចេញផ្សាយឲ្យដឹងនៅឡើយទេ។
ប៉ុន្តែប្រព័ន្ធផ្សព្វផ្សាយ បានរាយការណ៍ថា សំណើដែលខ្លួនអាចពង្រីកវិធានការនៅឧបទ្វីបតួកគីនៅត្រឹមលើកទី៣ ដោយបានអនុញ្ញាតឲ្យខ្លួនធ្វើការទាមទារអណ្តូងប្រេងដែលបានរកឃើញកាលពីពេលថ្មីៗនេះ និងឧស្ម័នបម្រុងនៅក្នុងមហាសមុទ្រមេឌីទែរ៉ាណេភាគខាងកើត។
បញ្ហានោះ អាចនឹងកាត់ផ្តាច់ការទាមទារទាំងមូលដោយប្រទេស ក្រិក ស៊ីប និងអេហ្ស៊ីប។
លោក អេរដូហ្គែន បានថ្លែងប្រាប់ក្រុមអ្នកកាសែត នៅឯព្រលានយន្តហោះក្រុងអង់ការ៉ា នៅមុនចាកចេញឆ្ពោះទៅទីក្រុងឡុងដ៍ថា៖ «វិធានការនេះ គឺជាសិទ្ធិអធិបតេយ្យរបស់ប្រទេសលីប៊ីនិងតួកគី»៕ SK
