និស្សិតមីយ៉ាន់ម៉ាទាំងអស់ ត្រូវអមការពារដោយប៉ូលិស ក្រោយពីសវនាការនៅតុលាការកាលថ្ងៃទី១៣ ខែកុម្ភៈ ឆ្នាំ២០១៩។ រូបថត AFP
.jpg)
ក្រុងយាំងហ្គោនៈ សកម្មជនម្នាក់ បាននិយាយកាលពីថ្ងៃពុធថា និស្សិត មីយ៉ាន់ម៉ា ៧ នាក់ ត្រូវបានកាត់ទោសឲ្យជាប់គុករយៈពេល ៣ ខែ ជាទណ្ឌកម្មធ្ងន់ធ្ងរពីបទដុតរូបរបស់ក្រុមមន្ត្រីនៅក្នុងការ តវ៉ាទាមទារឲ្យមានសុវត្ថិភាពនៅបរិវេណ សាកលវិទ្យាល័យរបស់ពួកគេ ដែលជាការឆ្លើយតបយ៉ាងសាហាវថ្មីបំផុតចំពោះការមិនពេញចិត្តជាមួយក្រុមអាជ្ញាធរ។
អ្នកដែលជាប់ពន្ធនាគារនោះស្ថិតនៅក្នុងចំណោមមនុស្សរាប់សិបនាក់ដែលរៀបចំបុណ្យសពក្លែងក្លាយមួយកាលពីថ្ងៃទី ២៨ ខែធ្នូ ដោយបានអំពាវនាវឲ្យមានសន្តិសុខថែមទៀតនៅឯសាកលវិទ្យាល័យ Mandalay នៅមីយ៉ាន់ម៉ាភាគកណ្តាល ក្រោយពីសម្លាប់និស្សិតនៅក្បែរបរិវេណសាកលវិទ្យាល័យនោះ។
ពួកគេបានដុតមឈូសក្រដាស និងរូបថតរបស់រដ្ឋមន្ត្រី រដ្ឋមន្រ្តីមហាផ្ទៃ និងប្រធានសាកលវិទ្យាល័យ ដោយបានអំពាវនាវឲ្យបង្កើនសន្តិសុខនៅជុំវិញបរិវេណរបស់ក្រុមនិស្សិតនោះ។
មនុស្ស ៣ នាក់ ត្រូវបានចាប់ខ្លួននៅក្នុងអំឡុងការតវ៉ា និង ៤ នាក់ផ្សេងទៀត ត្រូវបានឃុំខ្លួន ២-៣ ថ្ងៃក្រោយមក នៅពេលដែលពួកគេបានជួបជុំទាមទារឲ្យដោះលែងមិត្តភក្តិរបស់ពួកគេ។
មេដឹកនាំក្រុមនិស្សិត Ei Mon Khin បានប្រាប់ AFP តាមទូរស័ព្ទពីតុលាការថានិស្សិតទាំង ៧ នាក់នោះ ត្រូវបានកាត់ទោសឲ្យជាប់ពន្ធនាគាររយៈពេល ៣ ខែពីបទធ្វើការតវ៉ាដោយគ្មានការអនុញ្ញាត និងបង្កអគ្គិភ័យ។
នាងបាននិយាយថា៖ «ពួកគេត្រូវបានបញ្ជូនទៅពន្ធនាគារ Obo នៅក្នុងក្រុងម៉ានដាឡាយ»។
ពេលវេលាជាប់ទោសនឹងត្រូវបានកាត់បន្ថយពីទោសរបស់ពួកគេ ដោយមានន័យថា ពួកគេនឹងត្រូវជាប់ពន្ធនាគារត្រឹមតែ ១ ខែកន្លះទេ។ នេះ គឺជាឧទាហរណ៍ ១ ការឆ្លើយតបយ៉ាងចាស់ដៃទៅនឹងការតវ៉ាដោយក្រុមអាជ្ញាធរ។
កាលពីថ្ងៃអង្គារប៉ូលិស បានបាញ់គ្រាប់កាំភ្លើងកៅស៊ូ និងឧស្ម័នបង្ហូរទឹកភ្នែក ដើម្បីបំបែកហ្វូងអ្នកតវ៉ា៕ AFP/PSA
