ម្ចាស់អាវុធមានអាជ្ញាប័ណ្ណត្រូវទុកពេលឲ្យ ៦ ខែ ដើម្បីប្រគល់ឲ្យអាជ្ញាធរ។ រូបថត AFP
.jpg)
ក្រុងវែលីងតោនៈ ប្រទេស នូវែលសេឡង់ កាលពីថ្ងៃព្រហស្បតិ៍បានរៀបចំផែនការប្រមូលទិញអាវុធវិញ ដែលមានគោលបំណងចង់បោសសម្អាតនៅក្នុងប្រទេសដែលមានអាវុធពាក់កណ្តាលស្វ័យប្រវត្តិដែលស្រដៀងគ្នាទៅនឹងក្រុមអ្នកប្រើអាវុធនៅក្នុងការវាយប្រហារនៅវិហារសាសនាគ្រិស្ត ដែលបានបណ្តាលឲ្យអ្នកកាន់សាសនាមូស្លីម ៥១ នាក់ស្លាប់។
លោកស្រីនាយករដ្ឋមន្ត្រី Jacinda Ardern បានប្តេជ្ញាចិត្តនៅក្នុងរយៈពេលប៉ុន្មានម៉ោងក្រោយពីមនុស្ស ១៥ នាក់បានស្លាប់ កាលពីខែ មីនា ដែលច្បាប់គ្រប់គ្រងអាវុធរបស់ប្រទេស នូវែលសេឡង់ នឹងត្រូវរឹតបន្តឹង ហើយរដ្ឋាភិបាលរបស់លោកស្រីបានប្រញាប់ប្រញាល់ធ្វើការកែប្រែច្បាប់នៅក្នុងរយៈពេលត្រឹម ៣ ខែប៉ុណ្ណោះ។
មន្ត្រីប៉ូលិសលោក Stuart Nash បានថ្លែងថា ការប្រមូលទិញអាវុធវិញ និងការលើកលែងទោសមានគោលដៅមួយដើម្បីលុបបំបាត់អាវុធដ៏គ្រោះថ្នាក់បំផុតនេះមិនឲ្យធ្វើចរាចរណ៍ឡើងវិញជាដាច់ខាត បន្ទាប់ពីការវាយប្រហារបានធ្វើឲ្យបាត់បង់ជីវិតមនុស្សអស់ជាច្រើននៅព្រះវិហារ Al Noor និង Linwoodនោះ។
បុរសជនជាតិអូស្ត្រាលីម្នាក់ដែល បានចោទប្រកាន់ពីបទសម្លាប់មនុស្ស គឺលោក Brenton Tarrant ត្រូវបានគេចោទប្រកាន់ថាបានប្រើប្រាស់អាវុធធុនធ្ងន់ចំនួន ៥ ដើម នៅក្នុងនោះមានអាវុធយោធាពាក់កណ្តាលស្វ័យប្រវត្តិ ២ ដើម (MSSAs) បានវាយប្រហារទៅលើព្រះវិហារគ្រិស្ត ២ កន្លែងផងដែរ៕ AFP/SK
