ក្រុងបាងកកៈ ក្តីសង្ឃឹមរបស់សម្ព័ន្ធមិត្តដឹកនាំដោយគណបក្សភឿថៃក្នុងការបង្កើតរដ្ឋាភិបាលចម្រុះ មើលទៅហាក់បីដូចជាបាត់បង់ ក្រោយពីគណៈកម្មាធិការរៀបចំការបោះឆ្នោត (EC) បានអនុម័តតំណាងរាស្ត្រ ១៤៩ រូប ក្នុងបញ្ជីឈ្មោះបក្សកាលពីថ្ងៃពុធ ដែលបានកាត់បន្ថយចំនួនអាសនៈ ដែលដោយគណបក្សចម្រុះទទួលបាន ២៤៥ អាសនៈនោះ។
ប្រភពចេញពីគណបក្ស PPRP បានថ្លែងថា ក្រោយពីទីភ្នាក់ងាររៀបចំការបោះឆ្នោត បានសម្រេចចិត្តដាក់ជូនអាសនៈក្នុងបញ្ជីបក្សទៅកាន់គណបក្សតូចៗ ១២ គណបក្សផាឡាំងប្រាឆារ៉ាត់ (PPRP) បច្ចុប្បន្ន កំពុងផ្លាស់ប្តូរក្នុងការបង្កើនល្បឿនយ៉ាងខ្លាំង ដើម្បីបង្កើតក្រុមចម្រុះគូបដិបក្ខមួយ និងក្រុមប្រឆាំងសំខាន់ៗនៅក្នុងគណបក្ស ដែលបានចាប់ផ្តើមរួចជាស្រេច ដើម្បីពិភាក្សាបែងចែកអាសនៈគណៈរដ្ឋមន្ត្រីនៅក្នុងចំណោមសមាជិករបស់ខ្លួននោះ។
ប្រភពនោះបានថ្លែងថា គណបក្សភូមិចៃថៃ និងគណបក្សប្រជាធិបតេយ្យ នឹងត្រូវបានគេផ្តល់ឲ្យ ៦ អាសនៈនៅក្នុងគណៈរដ្ឋមន្ត្រី ចំណែកឯគណបក្សឆាតថៃផាត់ថាណានឹងទទួលបាន ២ អាសនៈ។
ប្រភពដដែលនោះបានបន្ថែមទៀតថា៖ «ចំណែកឯក្រុមគណបក្សតូចៗ កំពុងចូលរួមជាមួយកងកម្លាំង ដើម្បីចរចាទាមទារយកអាសនៈច្រើនបន្ថែមទៀត»។
តំណាងរាស្ត្រជើងចាស់ប្រចាំខេត្ត ឆាកឈើងសៅ លោក Suchart Tancharoen ត្រូវគេជ្រើសរើសតែងតាំងឲ្យធ្វើជាប្រធានសភា។
យោងតាមលទ្ធផលបោះឆ្នោតប្រកាសដោយគណៈកម្មាធិការរៀបចំការបោះឆ្នោត ប្រសិនបើរដ្ឋាភិបាលចម្រុះដឹកនាំដោយគណបក្សផាឡាំងប្រាឆារ៉ាត មានអាសនៈចំនួន ២៥៣ ហើយរដ្ឋាភិបាលចម្រុះដឹកនាំដោយបក្សភឿថៃមានអាសនៈ ២៤៥៕ BKP/SK