កាលពីថ្ងៃសៅរ៍ទី ១៧ មេសាប្រធានាធិបតីបារាំងលោក Emmanuel Macron បាននិយាយថា សហគមន៍អន្តរជាតិត្រូវកំណត់ខ្សែបន្ទាត់ក្រហមច្បាស់ជាមួយរុស្ស៊ីដោយត្រៀមខ្លួនក្នុងការដាក់ទណ្ឌកម្មក្នុងករណីដែលមានឥរិយាបថមិនសមស្របណាមួយ។
កាលពីថ្ងៃទី ៩ មេសាលោក Macron និងអធិកាបតីអាល្លឺម៉ង់ លោកស្រី Angela Merkel បានប្រកាសគាំទ្រប្រធានាធិបតីអ៊ុយក្រែនលោក Volodymyr Zelensky និងបានអំពាវនាវឱ្យរុស្ស៊ីដកកងទ័ពរបស់ខ្លួនចេញពីតំបន់ព្រំដែន។
ការប៉ះទង្គិចគ្នានៅតាមព្រំដែនរុស្ស៊ី និងអ៊ុយក្រែនបានកើតឡើងជាថ្មីម្តងទៀតបន្ទាប់ពីរុស្ស៊ីបានពង្រាយកងទ័ពនៅតាមព្រំដែន។ ប្រទេសរុស្ស៊ីត្រូវបានគេជឿថា បានដាក់ពង្រាយទាហានរាប់ពាន់នាក់នៅជិតព្រំដែនរបស់ប្រទេសខ្លួនជាមួយអ៊ុយក្រែន និងនៅគ្រីមា។