ប៉ូលិសត្រួតពិនិត្យបំណែកគ្រាប់បែកដែលត្រូវបានបំផ្ទុះនៅមុខប៉ុស្តិ៍ប៉ូលិសនៅក្រុងChabahar នៅថ្ងៃទី៦ ខែធ្នូនេះ។ AFP
.jpg)
ក្រុងតេអេរ៉ង់ៈ ប្រព័ន្ធផ្សព្វផ្សាយរដ្ឋ បានរាយការណ៍ថា ការវាយប្រហារគ្រាប់បែកទៅលើប៉ុស្តិ៍ប៉ូលលិសមួយ បានបណ្តាលឲ្យមនុស្សយ៉ាងតិច ៣ នាក់ស្លាប់ នៅក្រុងកំពង់ផែ Chabahar នៅអីុរ៉ង់អាគ្នេយ៍ នៅថ្ងៃព្រហស្បតិ៍នេះ។
ទូរទស្សន៍រដ្ឋនោះ បានរាយការណ៍ឲ្យដឹងថា មនុស្សជាច្រើននាក់ ត្រូវក៏បានរងរបួសផងដែរនៅក្នុងការ «វាយប្រហារភេរវកម្ម» នោះ។ ទីភ្នាក់ងារសារព័ត៌មាន IRNA បានថ្លែងថា វា គឺជាការបំផ្ទុះគ្រាប់បែកនៅក្នុងរថយន្ត។
ខេត្ត Sistan-Baluchistan ជាទីដែលការវាយប្រហារនោះ បានកើតឡើង គឺជាចំណុចផ្ទុះអំពើហិង្សាមួយ ដោយក្រុមបំបែកខ្លួន Baluchi មានមូលដ្ឋាននៅប៉ាគីស្ថាន និងក្រុមជីហាដ ធ្វើការវាយប្រហារឆ្លងព្រំដែន៕ SK
