ប្រមុខ​កងទ័ព​ថៃ​កោះ​ប្រជុំ​គូ​ប្រជែង​នយោបាយ


Content image - Phnom Penh Post

ក្រុងបាងកកៈ យោធា​ថៃ បាន អំពាវនាវ​ឲ្យ​មាន​ការ​ពិភាក្សា​ដោះស្រាយ​វិបត្តិ​កាលពី​ថ្ងៃ​ពុធ​រវាង គូប្រជែង​នយោបាយ​សង្គ្រាម​ទាំង​ពីរ​ដោយ​ប្តេជ្ញា​បញ្ឈប់​ព្រះរាជាណាចក្រ នេះ​មិន​ឲ្យ​វិវត្ត​ទៅ​ជា​«អ៊ុយក្រែន ឬ​អេហ្ស៊ីប​»​មួយ​ទៀត​ទេ​បន្ទាប់ពី​ការ​ប្រកាស​ច្បាប់​អាជ្ញាសឹក​ទូទាំង​ប្រទេស​ដើម្បី​ទប់ស្កាត់​ការ​បង្ហូរ​ឈាម​តាម​ដងផ្លូវ​ជាច្រើន​ខែ​។

សម្ពាធ​ដែល​នាំមុខ​ដោយ អាមេរិក​បាន​កើនឡើង​ឲ្យ​មាន​ការ​វិល​ត្រឡប់​ទៅ​ជា​ការ​គ្រប់គ្រង​បែប ស៊ីវិល​វិញ ប៉ុន្តែ​យោធា​ថៃ ដែល​ធ្លាប់​បាន​ធ្វើ​អន្តរាគមន៍​ជាច្រើន លើក​ច្រើន​សា​ក្នុង​នយោបាយ​ជាច្រើន​ទសវត្សរ៍​ហើយ បាន​និយាយ​ថា ខ្លួន​នឹង​គោរព​ច្បាប់​អន្តរជាតិ ហើយ​ការ​ប្រើ​កម្លាំង​គឺ​គ្រាន់តែ​ដើម្បី​បញ្ហា​សន្តិសុខ​ប៉ុណ្ណោះ។

ស្ត្រី អ្នក​នាំពាក្យ​កងទ័ព​បាន​និយាយ​ថា ឧត្តមសេនីយ៍ ប្រាយុធ ចាន-អូចា បាន​អំពាវនាវ​ឲ្យ​មាន​ជំនួប​មួយ​រវាង​ក្រុម​មន្ត្រី​កំពូល​នៃ​បក្ស​កំពុង កាន់​អំណាច​និង​បក្ស​ប្រឆាំង​ក៏​ដូចជា គណៈកម្មាធិការ​បោះឆ្នោត ព្រឹទ្ធសភា ប្រមុខ​នៃ​ក្រុម​អ្នក​តវ៉ាគាំទ្រ និង​ប្រឆាំង​រដ្ឋាភិបាល​។

Content image - Phnom Penh Post
20140522_17a
ប្រមុខកងទ័ពថៃ លោក ប្រាយុធ(កណ្តាល) ថ្លែងក្បែរប្រមុខទ័ពជើងទឹក (ឆ្វេង) និងប្រមុខទ័ពអាកាស (ស្តាំ) ក្នុងអំឡុងពេលសន្និសីទកាសែតមួយនៅក្លិបកងទ័ពក្នុងក្រុងបាងកក AFP

នាយករដ្ឋមន្ត្រី​ចាំ​ផ្ទះ លោក នី វ៉ាត់ទំរុង ប៊ុនសងផៃសាន បាន​អំពាវនាវ ឲ្យ​មាន​ការ​បោះឆ្នោត​ថ្មី​ថ្ងៃ​ទី​៣ សីហា។ ប៉ុន្តែ​ក្រុម​ប្រឆាំង​ចង់​បាន​កំណែទម្រង់​កំណត់​ន័យ​មិន​ច្បាស់​ជាមុន ដើម្បី​ប្រឆាំង​អំពើ​ពុករលួយ និង​បាន​ប្តេជ្ញា​បន្ត​នៅលើ​ដងផ្លូវ រហូត​ដល់​ខ្លួន​បាន​កម្ចាត់​របប​នេះ ដែល​មាន​បងប្រុស​លោកស្រី​យីងឡាក់ លោក​ថាក់ស៊ីន ជា​តំណាង។

លោក​នីវ៉ាទំរុង​ដែល​បាន​ជំនួស​តំណែង​លោកស្រី​យីង ឡាក់ ស៊ីណាវ៉ាត្រា បន្ទាប់ពី​ការ​សម្រេច​ចិត្ត​ដ៏ចម្រូងចម្រាស​របស់​តុលាការ​ពី​ដើម​ខែ​នេះ ក៏​ត្រូវ​បាន​អញ្ជើញ​ដែរ ប៉ុន្តែ​លោក​មិន​បាន​ចូលរួម​ទេ​។ ប្រភព​មួយ​បាន​និយាយ​ថា លោក​នីវ៉ាទំរុង បាន​ប្រាប់​ឧត្តមសេនីយ៍ ប្រាយុធ តាម​ទូរស័ព្ទ​ថា លោក​នឹង​មិន​ចូលរួម​កិច្ចពិភាក្សា​ទេ ដោយ​លោក​ធ្វើការ​ពី​ការិយាល័យ​នៅឯ​ក្រសួង​ពាណិជ្ជកម្ម​កាលពី​ថ្ងៃ​ពុធ។

រដ្ឋមន្រ្តី យុត្តិធម៌​ចាំ​ផ្ទះ លោក Chaikasem Nitisiri រដ្ឋមន្រ្តី​ខុទ្ទកាល័យ​នាយករដ្ឋមន្រ្តី​ចាំផ្ទះ លោក Varathep Rattanakorn អនុរដ្ឋមន្រ្តី​អប់រំ​ចាំផ្ទះ លោក ស៊ើម សាក់ ពុងផានិត និង រដ្ឋមន្រ្តី​ថាមពល​ចាំផ្ទះ លោក ពុងសាក់ រ៉ាក់តាពុងផៃសាល់ សុទ្ធតែ​បាន​ចូលរួម​ក្នុង​ជំនួប​នោះ។

មេដឹកនំា​នៃ ក្រុម​ដទៃ​ដែល​ជាប់​ពាក់ព័ន្ធ​ក្នុង​ជម្លោះ​នយោបាយ​ដែល​ចូលរួម​ជំនួប នេះ​នៅ​ក្លិប​កងទ័ព មាន​មេដឹកនាំ​អាវក្រហម លោក ចាទូផន ព្រំ ផាន មេដឹកនាំ​គណៈកម្មាធិការ​កំណែទម្រង់​ប្រជាធិបតេយ្យ​ប្រជាជន លោក​ស៊ូថេប ធឿកស៊ូបាន និង​ប្រធាន​គណៈកម្មាធិការ​បោះឆ្នោត​លោក​ស៊ូ ប៉ាឆៃ ស៊ុមចារើន ។

គណបក្ស​ភឿថៃ បាន​បញ្ជូន​សមាជិក​៥​រូប មាន អនុប្រធាន ប៉ូលិស​ឧត្តមសេនីយ៍ឯក Viroj Pao ចូលរួម​កិច្ចពិភាក្សា​។ គណៈប្រតិភូ​បក្ស​ប្រជាធិបតេយ្យ ដឹកនាំ​ដោយ​លោក​អាភីស៊ីត វ៉េចាជីវ៉ា។

ទោះ​ជា​យ៉ាងណា លទ្ធផល​លម្អិត​នៃ​ជំនួប​នេះ​ពុំ​ត្រូវ​បាន​ប្រាប់​ឲ្យ​ដឹង​ភ្លាមៗ​ទេ។

លោក ប្រាយុធ បាន​ប្រកាស​ច្បាប់ អាជ្ញា​សឹក​ពី​ថ្ងៃ​អង្គារ ដោយ​និយាយ​ថា លោក​ត្រូវ​តែ​ធ្វើ​ដូច្នេះ ព្រោះ​តែ​ភាព​តានតឹង​ខាង​នយោបាយ​បាន​កើនឡើង បន្ទាប់ពី​ការ​តវ៉ា​ប្រឆាំង​នឹង​រដ្ឋាភិបាល​សម្លាប់​មនុស្ស ជា​ទង្វើ​មួយ​ដែល​ក្រុម​អ្នក​រិះគន់​ចាត់​ទុក​ជា​«រដ្ឋប្រហារ​ដ៏ពិតប្រាកដ​មួយ​»។

យោងតាម​សុន្ទរកថា​ដែល​ចេញ ដោយ​យោធា​ឲ្យ​ដឹង​ថា​លោក ប្រាយុធ​ដែល​គ្រោង​នឹង​ចុះ​ចេញ​ពី​តំណែង​នៅ​ដំណាច់​ខែ​កញ្ញា​បាន​និយាយ ថា៖ «វិបត្តិ​នេះ​ត្រូវ​តែ​ដោះស្រាយ​ភ្លាមៗ​មុន​ពេល​ខ្ញុំ​ចូលនិវត្តន៍​។ បើ​មិន​ដូច្នោះ​ទេ ខ្ញុំ​មិន​ចូលនិវត្តន៍​ទេ។ ខ្ញុំ​នឹង​មិន​អនុញ្ញាត​ឲ្យ​ថៃ​ដូចជា អ៊ុយក្រែន​ឬ​អេហ្ស៊ីប​នោះ​ទេ​»៕ PSA

ព័ត៌មានថ្មីៗ