ប្រមុខ​កងទ័ព​ថៃ ប្លន់​អំណាច​នៅក្នុង​រដ្ឋប្រហារ​យោធា បន្ទាប់ពី​ការ​ជាប់គាំង​ខាង​នយោបាយ


Content image - Phnom Penh Post

ក្រុងបាងកកៈ ប្រមុខ​កងទ័ព​ថៃ បាន​ប្លន់​អំណាច​ក្នុង​រដ្ឋប្រហារ​យោធា​មួយ​កាលពី​ថ្ងៃ​ព្រហស្បតិ៍ ដោយ​បាន​ទម្លាក់​រដ្ឋាភិបាល​ជាប់​ឆ្នោត និង​រុញ​ប្រទេស​នេះ ទៅក្នុង ភាព​មិន​ប្រាកដប្រជា បន្ទាប់ពី​មាន​ជម្លោះ​នយោបាយ​ផ្ទៃក្នុង បង្ក​ឲ្យ​មនុស្ស​ស្លាប់​និង​របួស​។

ប្រមុខ​កងទ័ព លោក ប្រាយុធចាន-អូចា​បាន​ថ្លែង​ថា៖ «ដើម្បី​ឲ្យ ប្រទេស​ត្រឡប់​រក​ភាព​ធម្មតា​វិញ​ឲ្យ​បាន​ឆាប់ គណៈកម្មាធិការ​រក្សា​សន្តិភាព​និង​សណ្តាប់ធ្នាប់​ជាតិ  ​(PO MC) ដែល​មាន​កងទ័ព កម្លាំង​ប្រដាប់​អាវុធ​ថៃ កម្លាំង​ភូមិន្ទ​ទ័ព​អាកាស និង​ប៉ូលិស ត្រូវ​តែ​ដណ្តើម​អំណាច​នៅ​ម៉ោង​៤ និង​៣០​នាទី រសៀល ថ្ងៃ​ទី​២២ ឧសភា»។

អគ្គមេបញ្ជាការ​ដែល​បាន​ប្រកាស​ច្បាប់​អាជ្ញាសឹក​ពី​ថ្ងៃ​អង្គារ រូប​នេះ បាន​និយាយ​ថា រដ្ឋប្រហារ​នេះ​គឺ​ចាំបាច់​ដើម្បី​ការពារ​ការ​កើនឡើង​នៃ​ជម្លោះ​នយោបាយ​នេះ​។

លោក​បាន​បន្ថែម​ថា៖ «ពលរដ្ឋ​ថៃ​គ្រប់​រូប​ត្រូវ​តែ​ស្ងប់ស្ងៀម​ហើយ ក្រុម​មន្ត្រី​រដ្ឋាភិបាល​ត្រូវ​តែ​ធ្វើការ​ដូច​ធម្មតា»។

ទង្វើ នេះ បាន​កើតឡើង​បន្ទាប់ពី​ការ​ពិភាក្សា​រៀបចំ​ដោយ​យោធា រវាង​ក្រុម​ជា​គូប្រជែង​នយោបាយ​របស់​ព្រះរាជាណាចក្រ​នេះ​ទំនង​ជា ទទួល​បរាជ័យ​ពុំ​អាច​ឈាន​ដល់​ការ​សម្របសម្រួល​មួយ​ក្នុង​ការ​បញ្ចប់ មហាបាតុកម្ម​ជិត​៧​ខែ​នៅ តាម​ដងផ្លូវ​ក្នុង​ក្រុង​បាងកក។

Content image - Phnom Penh Post
Content image - Phnom Penh Post
20140523_01
កងកម្លាំងយោធាថៃ នាំគ្នារត់ទៅកាន់ទីតាំងរៀងខ្លួន បន្ទាប់ពីប្រមុខកងទ័ពបានជួបជាមួយគូប្រជែងនយោបាយ កាលពីថ្ងៃម្សិលមិញ AFP

ក្រុម​មេដឹកនាំ​ការ​តវ៉ា​ជា​គូប្រជែង​នៅឯ​ការ​ចរចា ដែល​រៀបចំ ធ្វើ​នៅឯ​ទីតាំង​យោធា​ក្នុង​រាជធានី​នេះ ត្រូវ​បាន​ឃើញ​កងទ័ព កំពុង​នាំ​ចេញ ថ្វីបើ​គេ​មិន​ច្បាស់​ថា​តើ ពួកគេ​ត្រូវ​បាន​ឃុំ​ខ្លួន​ជា​ផ្លូវការ​ក៏ដោយ​។

វិបត្តិ​នយោបាយ​អូសបន្លាយ​នេះ គឺជា​ការ​ប្រជែង​គ្នា​ជា​ចំហរ​វាង​ក្រុម​វរជន​រាជានិយម​មាន​មូលដ្ឋាន​នៅ​បាងកក និង​អ្នក​គាំទ្រ​របស់​ខ្លួន​ប្រឆាំង​នឹង​ត្រកូល​មហាសេដ្ឋី​នៃ​អតីត​នាយករដ្ឋមន្ត្រី ថាក់ស៊ីន ស៊ីណាវ៉ាត្រា។

លោក​ថាក់ស៊ីន អតីត​មហាសេដ្ឋី ក្លាយ​ជា​អ្នក​នយោបាយ​ប្រជានិយម​ត្រូវ​បាន​យោធា​បណ្តេញ ចេញ​ពី​អំណាច​នៅក្នុង​រដ្ឋប្រហារ​មួយ​ក្នុង​ឆ្នាំ​២០០៦ ប៉ុន្តែ​លោក​នៅ​តែ​រីករាយ​នឹង​ការ​គាំទ្រ​ដ៏រឹងមាំ​ជាពិសេស​នៅ​តំបន់​ជនបទ​ថៃ​ភាគ​ខាង​ជើង។

ប្អូនស្រី​លោក គឺ​លោកស្រី យីងឡាក់ ស៊ីណាវ៉ាត្រា ត្រូវ​បាន​គេ​បណ្តេញ​ចេញ​ពី​នាយករដ្ឋមន្ត្រី​ពី​ដើម​ខែ​នេះ នៅក្នុង​ការ​សម្រេច​ចិត្ត​របស់​តុលាការ​ដ៏ចម្រូងចម្រាស មួយ បន្ទាប់ពី​ការ​តវ៉ា​ជាច្រើន​ខែ ដើម្បី​ទម្លាក់​លោកស្រី។

អ្នក​គាំទ្រ​លោកស្រី បាន​ព្រមាន​ពី​លទ្ធភាព​នៃ​សង្គ្រាម​ស៊ីវិល បើ​សិន​ជា​ក្រុម​បាតុករ​ប្រឆាំង​បាន សម្រេច​បំណង​របស់​ពួកគេ​ដោយ​ឲ្យ​នាយករដ្ឋមន្ត្រី​បណ្តោះអាសន្ន​មិន​បោះឆ្នោត​មួយ​ឡើង​កាន់​អំណាច ដើម្បី​មើល​ការ​ខុស​ត្រូវ​កំណែទម្រង់​ដែល​កំណត់​ន័យ​មិន​ច្បាស់ ដែល​គេ​មើល​ឃើញ​ជាទូទៅ​ថា ជា​កិច្ចប្រឹងប្រែង ដើម្បី​ធ្វើឲ្យ​គាំទ្រ​អំណាច​របស់​គ្រួសារ​ថាក់ស៊ីន។

ភាគី​ប្រឆាំង និង​ក្រុម​អ្នក​ដើរតួ​នយោបាយ​កំពូល​ជាច្រើន​ទៀត បាន​ជួប​គ្នា​នៅឯ​តុ​ចរចា សម្រាប់ ថ្ងៃ​ទី​ពីរ​ជួប​គ្នា​នៅឯ​ក្លិប​កងទ័ព​ដែល​មាន​ការ​ការពារ​តឹងរ៉ឹង​នៅក្នុង​ក្រុង​បាងកក ដោយ​ចាប់ផ្តើម កាលពី​វេលា​ម៉ោង​ពីរ។

ភ្លាមៗ​នោះ គេ​មិន​ច្បាស់​ថា​មាន​អ្វី​កើតឡើង ក្នុង​អំឡុង​ពេល នៃ​កិច្ចចរចា​បិទទ្វារ​រវាង​ក្រុម​សត្រូវ​នយោបាយ​ដែល​បែកបាក់​គ្នា​ដ៏ជូរចត់​នោះ​ទេ។

លោក​ប្រាយុធ បាន​បញ្ជា​ឲ្យ​ក្រុម​អ្នក​ចូលរួម​បញ្ចប់​ការ​ខ្វែង​គំនិត​គ្នា​របស់​ពួកគេ​ដើម្បី​ផលប្រយោជន៍​ជាតិ ដោយ​និយាយ​ថា លោក​នឹង​មិន​អនុញ្ញាត​ឲ្យ​ប្រទេស​ថៃ ក្លាយ​ទៅ​ជា​អ៊ុយក្រែន ឬ អេហ្ស៊ីប​មួយ​ទៀត​ទេ។

នៅក្នុង​ប្រសាសន៍​បើក​ក្នុង​ការ ចរចា​នយោបាយ​ពី​ថ្ងៃ​ព្រហស្បតិ៍ លោក​ប្រាយុធ បាន​និយាយ​ថា៖ «ខ្ញុំ​ខ្វល់​ពី​ស្ថានការណ៍​នេះ និង​មិន​អាច​បណ្តោយ​ឲ្យ​វា​បន្ត​ដោយ​គ្មាន​ដំណោះស្រាយ​នោះ​ទេ។ អ្វី ដែល​ខ្ញុំ​កំពុង​ធ្វើ​ក្នុង​សមត្ថភាព សន្តិសុខ​របស់​ខ្ញុំ បើ​សិន​ធ្វើឲ្យ​អ្នក​ណា​ម្នាក់​ខក​ចិត្ត ខ្ញុំ​សុំទោស ប៉ុន្តែ​វា​ជា​ការ​ចាំបាច់​»។

ច្បាប់​អាជ្ញាសឹក បាន​ផ្តល់​អំណាច​គ្រប់​រួច​ហើយ ដើម្បី​ហាមប្រាម​ការ​ជួបជុំ​ជា​សាធារណៈ រឹតបន្តឹង​ការ​ដើរហើរ និង​ឃុំ​ខ្លួន​មនុស្ស។

អំណាច​ទាំងនោះ​ភាគច្រើន ត្រូវ​បាន​ប្រកាស​ក្នុង​សប្តាហ៍​នេះ ប៉ុន្តែ​យោធា បាន​ចាត់​វិធានការ បិទមាត់​ប្រព័ន្ធ​ផ្សព្វផ្សាយ។

លោក ប្រាយុធ មិន​បាន​បង្ហាញ ថា យោធា​នឹង​កាន់​អំណាច​យូរ​ប៉ុនណា​ទេ ប៉ុន្តែ​បាន​និយាយ​ថា ខ្លួន​ចូល​គ្រប់គ្រង​គឺ​ដើម្បី​«ចាប់ផ្តើម​កំណែទម្រង់​នយោបាយ»។

បន្ទាប់ពី​ជំនួប​ដែល​គ្មាន​កិច្ចព្រមព្រៀង និង​មិន​ប្រាប់​ពី​លទ្ធផល​ពី​ថ្ងៃ​ពុធ នាយករដ្ឋមន្ត្រី​ចាំផ្ទះ​លោក​នីវ៉ាត់ទំរុង ប៊ុនសងផៃសាន បាន បដិសេធ​មិន​ចូលរួម​ជំនួប​ជា​លើក ទី​ពីរ នៅ​ថ្ងៃ​ព្រហស្បតិ៍ ជាមួយ​ប្រមុខ​កងទ័ព​ឧត្តមសេនីយ៍​លោក​ប្រាយុធ ចានអូចា និង​មេដឹកនាំ​ដទៃ​ទៀត​នៅក្នុង​ជម្លោះ នយោបាយ​ថៃ​នេះ​ទេ។

រដ្ឋមន្រ្តី យុត្តិធម៌​ចាំផ្ទះ​លោក​ឆៃកាសិម និទីស៊ីរី បាន​និយាយ ថា លោក​នីវ៉ាត់ទំរុង ជាប់​រវល់​នឹង ភារកិច្ច​ជាច្រើន​ទៀត​ដែល​តម្រូវ​ឲ្យ​លោក​គិតគូរ​ក្នុង​នាម​ជា​នាយករដ្ឋមន្រ្តី​ចាំផ្ទះ និង​បាន​ចាត់តាំង​រូប លោក​ឲ្យ​ចូលរួម​ជំនួស​។

៥​ចំណុច​បាន​លេច​ចេញ​ពី​ជំនួប​ដោះស្រាយ​វិបត្តិ​នេះ កាលពី​ថ្ងៃ​ពុធ​ជា​លទ្ធភាព​នៃ​ដំណោះស្រាយ​ចំពោះ​ភាព​ជាប់គាំង​ខាង​នយោបាយ​នេះ​។

កិច្ចពិភាក្សា​កម្រិត​ខ្ពស់​នេះ ត្រូវ​បាន​កោះ​ហៅ និង​ធ្វើ​ជា​អធិបតី​ដោយ​ឧត្តមសេនីយ៍ ប្រាយុធ ចានអូចា មួយ​ថ្ងៃ​ក្រោយពី​លោក បាន​ប្រកាស​ច្បាប់​អាជ្ញាសឹក​។

ក្រុម​អ្នក​ចូលរួម​ត្រូវ​ដាក់​កិច្ចការ​ការងារ​ឲ្យ​ធ្វើ​ដែល​«ផ្តោត​ទៅលើ​បញ្ហា​ចំនួន​៥ សម្រាប់​ការ​ពិភាក្សា នៅ​ថ្ងៃ​ព្រហស្បតិ៍។

បញ្ហា គឺ​ថា តើ​គួរ​មាន​ការ​បោះឆ្នោត​មុន​កំណែទម្រង់​? តើ​គួរ​មាន​ការ​បោះឆ្នោត​ទេ បើសិន​ជា​កំណែទម្រង់​នឹង​ដើរ​មុន​ការ​បោះឆ្នោត? តើ​គេ​គួរ​តែងតាំង​នាយករដ្ឋមន្រី្ត​បណ្តោះអាសន្ន​មួយ​ឬ​យ៉ាង​ណា? តើ​គួរ​មាន​ការ​បោះឆ្នោត​ទេ បើ​សិន​អ្នក​តវ៉ា​នៅ​តាម​ដងផ្លូវ​នឹង​ត្រូវ​បញ្ចប់ ថា​តើ​ព្រឹទ្ធសភា​គួរ​ឲ្យ​ទទួល​ខុសត្រូវ​ដោះស្រាយ​ជម្លោះ​នយោបាយ​ឬ​អត់? BK

ព័ត៌មានថ្មីៗ