ប្រជាជនអាល់បានី ឈរនៅមុខអេក្រង់ ដែលបង្ហាញការវាយប្រហារមជ្ឈមណ្ឌលពាណិជ្ជកម្មពិភពលោក។ AFP
.jpg)
ក្រុងវ៉ាស៊ីនតោនៈ សមាជិកសភាអាមេរិកកាលពីថ្ងៃពុធ បានព្រមានប្រឆាំងការផ្តល់សិទ្ធិឲ្យធ្វើសង្គ្រាមដែលបានអនុម័តកាលពីថ្ងៃទី ១១ ខែ កញ្ញាជុំវិញសកម្មភាពប្រឆាំងអ៊ីរ៉ង់ ដោយបង្ហាញថា មន្ត្រីជាន់ខ្ពស់ម្នាក់ បានទទួលស្គាល់ថា ក្រុងតេអេរ៉ង់មិនបាននៅពីក្រោយការវាយប្រហារកាលពីឆ្នាំ ២០០១ នោះទេ។
លោក Brian Hook ជាតំណាងពិសេសអាមេរិកទទួលបន្ទុកកិច្ចការអ៊ីរ៉ង់ បានបដិសេធមិនឆ្លើយសំណួរ ដែលបានសួរម្តងហើយម្តងទៀតថា ប្រសិនបើប្រធានាធិបតីលោក ដូណាល់ ត្រាំ ទទួលបានសិទ្ធិស្របច្បាប់ ដើម្បីវាយប្រហារអ៊ីរ៉ង់មែននោះ ដោយអះអាងថាការធ្វើអត្ថាធិប្បាយមិនបានតាំងចិត្តទុកជាមុន កាលពីខែមេសានៅមុនសមាជដែលធ្វើឡើងដោយរដ្ឋមន្ត្រីក្រសួងការបរទេសអាមេរិកលោក ម៉ៃក៍ ប៉ុមប៉េអូ។
លោក Brian Hook តំណាងពិសេស US ទទួលបន្ទុកកិច្ចការអ៊ីរ៉ង់ ថ្លែងនៅគណៈកម្មាធិការកិច្ចការបរទេស។ AFP
លោក Brian Hook បានថ្លែងប្រាប់អនុគណៈកម្មការទទួលបន្ទុកកិច្ចការបរទេសថា៖ «ខ្ញុំមិនមែនជាជនបង្កសង្គ្រាមនោះទេ។ ខ្ញុំគ្រាន់តែអាចប្រាប់អ្នកថា អ្វីៗគ្រប់យ៉ាងដែលយើងបានធ្វើនោះ គឺត្រឹមត្រូវតាមច្បាប់»។
ប៉ុន្តែសន្និសីទកាសែត ដែលធ្វើឡើងដោយតំណាងគណបក្សប្រជាធិបតេយ្យ លោក Brad Sherman ត្រូវបានគេសួរថា តើអ៊ីរ៉ង់ បានទទួលខុសត្រូវចំពោះការស្លាប់ជនជាតិអាមេរិកអស់ជាច្រើន កាលពីថ្ងៃទី ១១ ខែ កញ្ញា ឆ្នាំ ២០០១ ដែរឬទេ? លោក Brian Hookឆ្លើយថា៖ «អត់ទេ»។
លោក Brian Hook បានទទូចថា ការចាត់វិធានការយោធាអាមេរិក ដ៏មានសក្តានុពលណាមួយទៅលើអ៊ីរ៉ង់ នឹងត្រូវបានបង្ការទុកជាមុន ដោយថ្លែងថា៖ «មិនមានកិច្ចពិភាក្សាអំពីសកម្មភាពវាយលុកទ្រង់ទ្រាយធំនោះទេ»។
ក្រោយពីក្រុមជ្រុលនិយមអាល់កៃដា បានសម្លាប់មនុស្សប្រហែល ៣ ០០០ នាក់ កាលពីឆ្នាំ ២០០១ សភាអាមេរិក បានផ្តល់អំណាចឲ្យលោកប្រធានាធិបតី ចច ដាប់បិល្យូប៊ូស សម័យនោះ ឲ្យធ្វើសង្គ្រាមនៅអាហ្វហ្គានីស្ថាន ជាទីដែលមេដឹកនាំរបស់ក្រុមអាល់កៃដាលោក អូសាម៉ា ប៊ីនឡាដិន បានរស់នៅនោះ។
លោកប្រធានាធិបតីអ៊ីរ៉ង់ ហាស្សាន រូហានី (កណ្តាល) ថ្លែងនៅក្នុងជំនួបគណៈរដ្ឋមន្ត្រីនៅក្រុងតេអេរ៉ង់។ AFP
ការផ្តល់សិទ្ធិនោះចាប់តាំងពីបានធ្វើឡើងដោយរដ្ឋការជាច្រើន ដើម្បីធ្វើប្រតិបត្តិការឲ្យសមហេតុផលនៅតាមបណ្តាប្រទេសមួយចំនួន ដូចជា ប្រទេស យេម៉ែន ហ្វីលីពីន ជាទីដែលក្រុមសកម្មប្រយុទ្ធអាល់កៃដា ត្រូវបានបង្កើតឡើងរហូតមកដល់ពេលបច្ចុប្បន្ន។
លោក ប៉ុមប៉េអូ ការបង្ហាញមុខរបស់លោកកាលពីខែមេសានៅចំពោះមុខគណៈកម្មការព្រឹទ្ធសភានោះ បញ្ជាក់ថា «មិនមានមន្ទិលសង្ស័យ» អំពីទំនាក់ទំនងរវាងរបបបព្វជិតនិកាយស៊ីអ៊ីតអ៊ីរ៉ង់ និងក្រុមអាល់កៃដា ដែលជាក្រុម យុទ្ធជនសកម្មប្រយុទ្ធនិកាយស៊ុននីទេ។
អ៊ីរ៉ង់ ត្រូវបានគេជឿជាក់ថា ជាមូលដ្ឋានលោក Hamza bin Laden ជាកូនប្រុសរបស់ អូសាម៉ា ប៊ីនឡាដិន ដែលក្រុមអ្នកជំនាញជឿថា ក្រុងតេអេរ៉ង់លាក់ទុក ដើម្បីទប់ទល់សត្រូវនៅក្នុងតំបន់គឺប្រទេស អារ៉ាប៊ី សាអ៊ូឌីត៕ AFP/SK
