ខេត្តហាងចូវៈ មូលនិធិជេកម៉ា និងមូលនិធិអាលីបាបា បាននិយាយកាលពីថ្ងៃចន្ទថា ពួកគេគ្រោងបញ្ជូនសុខាភិបាលជាលើកទី ២ ទៅកាន់ប្រទេសចំនួន ៥៤ នៅអាហ្វ្រិក ដើម្បីជួយពួកគេក្នុងការប្រយុទ្ធប្រឆាំងជំងឺកូវីដ ១៩។
ជំនួយសុខាភិបាលជាច្រើនបន្ថែមទៀតនៅក្នុងនោះមានឧបករណ៍សម្រាប់ជួយការដកដង្ហើមចំនួន ៥០០ គ្រឿង សំលៀកការពារចំនួន ២ មឺុនឈុត និងរបាំងមុខ និងស្រោមដៃចំនួន ៥០ មឺុនគូ នឹងត្រូវបានផ្តល់ទៅឲ្យទ្វីបនេះ ដោយមានជំនួបពីនាយករដ្ឋមន្ត្រីអេត្យូពី មជ្ឈមណ្ឌលអាហ្វ្រិកដើម្បីគ្រប់គ្រងនិងបង្ការជំងឺឆ្លងនិងកម្មវិធីស្បៀងអាហារក្រោយពីមកដល់ប្រទេស ត្យូពី។
ជំនួយនេះស្ថិតនៅក្នុងចំណោមចំនួននៃការផ្តួចផ្តើមជំនួយដំបូងពីមូលនិធិអាលីបាបានិងមូលនិធិ ចេក ម៉ា ដើម្បីជួយផ្នែកជាច្រើននៃពិភពលោកដែលប៉ះពាល់ខ្លាំងបំផុតដោយវិបត្តិកូវីដ១៩ដោយបែងចែកនិងប្រគល់ជំនួយផ្គត់ផ្គង់ផ្នែកវេជ្ជសាស្ត្រទៅដល់ទ្វីបអាស៊ី អាហ្វ្រិកអឺរ៉ុប អាមេរិកខាងជើង និងអាមេរិកឡាទីន។
នៅក្នុងខែមីនា មូលនិធិទាំង២នេះបានប្រកាសពីការប្តេជ្ញារបស់ពួកគេផ្តល់ជំនួយម៉ាស់ពេទ្យចំនួន ១០ មឺុនបន្ទះ ឧបករណ៍តេស្ត ២ មឺុនឈុត សំលៀកបំពាក់ការពារ ១ ០០០ ឈុត និងរបាំងមុខ ១ ០០០ ទៅឲ្យប្រទេសនីមួយៗទាំង ៥៤ ប្រទេសនៅទ្វីបអាហ្វ្រិក៕