ក្រុងលីម៉ាៈ មេដឹកនាំគណបក្សប្រឆាំងវ៉េណេស៊ុយអេឡា លោក Juan Guaido បានថ្លែងកាលពីថ្ងៃអង្គារថា លោកបានបន្តទំនាក់ទំនងជាមួយយោធាដោយបានអះអាងថា កងកម្លាំងប្រដាប់អាវុធគឺជាផ្នែក នៃប្រជាជនភាគច្រើនដែលចង់ឲ្យផ្លាស់ប្តូររដ្ឋាភិបាល។
លោក Guaido ត្រូវបានទទួលស្គាល់ជាប្រធានាធិបតីបណ្តោះអាសន្ននៃប្រទេសហែកហួរដោយវិបត្តិដោយប្រទេសជាង ៥០ នៅក្នុងការតស៊ូដណ្តើមអំណាចរបស់លោកជាមួយលោកប្រធានាធិបតី នីកូឡាស ម៉ាឌូរ៉ូ ប៉ុន្តែលោក ម៉ាឌូរ៉ូ នៅតែគ្រប់គ្រងកងទ័ព និងស្ថាប័ននានារបស់ប្រទេសនេះយ៉ាងណែន។
លោក Guaido បានថ្លែងប្រាប់វិទ្យុ RPP ថា៖ «យើងមានការទំនាក់ទំនងជាមួយយោធា ដោយសម្ងាត់ ប៉ុន្តែវាមិនមែនមានតែមួយរយៈពេលខ្លី អាចទទួលបានព័ត៌មានលម្អិតទេដោយសារជាអកុសលនៅទីនេះ មានភាពផ្តាច់ការ»។
លោក បាននិយាយថា ប្រជាជនវ៉េណេស៊ុយអេឡា ៩១ ភាគរយ ចង់ឲ្យផ្លាស់ប្តូររដ្ឋាភិបាល និងមិនអាចគេចចេញពីកងទ័ពបានឡើយ។
លោកបានថ្លែងថា៖ «គ្រួសារ និងអ្នកដែលមានទំនាក់ទំនងជាមួយវិបត្តិនេះ នៅវ៉េណេស៊ុយអេឡាដឹងពីអ្វី ដែលពួកគេឆ្លងកាត់»។
យោងតាមលោក Guaido បានឲ្យដឹងថា មានសញ្ញានៃស្ថានភាពមិននៅក្នុងជួរកងកម្លាំងប្រដាប់អាវុធ ដែលលោកបានពិពណ៌នាថា ការគំាទ្រដល់របបផ្តាច់ការចុងក្រោយ។ ក្រុមមេដឹកនាំយោធាបានសន្យារក្សាភាពស្មោះត្រង់ចំពោះលោក ម៉ាឌូរ៉ូ។
លោក Guaido បាននិយាយថា កម្លាំងរបស់ក្រុមប្រឆាំងនឹងបន្តការតតាំងដោយសន្តិវិធី មិនមែនដោយហិង្សាទេហើយបង្កើនកិច្ចខិតខំប្រឹងប្រែង ដើម្បីស្តារលទ្ធិប្រជាធិបតេយ្យឡើងវិញ។
ក្រុមប្រឆាំងនោះក៏បានស្តីបន្ទោសចំពោះការខកខានមិនជួសជុលហេដ្ឋារចនាសម្ព័ន្ធដ៏សំខាន់ដែលនាំឲ្យដាច់ភ្លើងអគ្គិសនីនោះ។
ដោយប្រឈមនឹងសម្ពាធកាន់តែខ្លាំងឡើងទាំងនៅក្នុងប្រទេស និងក្រៅប្រទេសរដ្ឋាភិបាលរបស់លោក ម៉ាឌូរ៉ូ បានខិតខំប្រឹងប្រែងធ្វើឲ្យ លោក Guaido ចុះខ្សោយ។
រដ្ឋាភិបាលបានដកអភ័យឯកសិទ្ធិសភាពីលោក Guaido និងហាមលោកមិនឲ្យកាន់តំណែងសាធារណៈរយៈពេល ១៥ ឆ្នាំ៕ AFP/PSA