លោក នីកូឡាស ម៉ាឌូរ៉ូ (កណ្តាល) ថ្លែងនៅក្នុងអំឡុងកម្មវិធីទូរទស្សន៍មួយនៅក្នុងក្រុងការ៉ាកាស។ AFP
.jpg)
ក្រុងការ៉ាកាសៈ មេដឹកនាំបក្សប្រឆាំងវ៉េណេស៊ុយអេឡាលោក Juan Guaido កាលពីថ្ងៃពុធបានចាត់វិធានការមួយទៀតក្នុងកិច្ចប្រឹងប្រែងជាអន្តរជាតិដើម្បីផ្តាច់សេដ្ឋកិច្ចរបស់របបលោកប្រធានាធិបតី នីកូឡាស ម៉ាឌូរ៉ូ ដោយបានប្រកាសតែងតាំងក្រុមប្រឹក្សាភិបាលថ្មីសម្រាប់ក្រុមហ៊ុន Citgo ជាសាខាក្រុមហ៊ុនប្រេង PDVSA របស់រដ្ឋមានមូលដ្ឋាននៅអាមេរិក។
លោក Guaido ដែលត្រូវបានទទួលស្គាល់ជាប្រធានាធិបតីស្តីទីដោយប្រទេសជាង ៥០ ក៏បានដឹកនាំការប្រជុំសភាគ្រប់គ្រងដោយបក្សប្រឆាំង ដែលបានតែងតាំងក្រុមប្រឹក្សាភិបាលថ្មី បានជាប់នៅក្នុងការប្រយុទ្ធប្រឆាំងជាមួយលោក ម៉ាឌូរ៉ូ ដើម្បីគ្រប់គ្រងប្រទេសញាំញីដោយវិបត្តិនេះ។
អាមេរិកដែលកំពុងដឹកនាំជំរុញឲ្យផ្តួលរំលំលោក ម៉ាឌូរ៉ូ បានដាក់ទណ្ឌកម្មទ្រព្យសម្បត្តិហិរញ្ញវត្ថុរបស់របបនេះនៅក្នុងនោះមានក្រុមហ៊ុន Citgo និងកាលពីថ្ងៃពុធលោកប្រធានាធិបតី ដូណាល់ ត្រាំ បានបដិសេធការទាត់ចោលសកម្មភាពយោធាប្រឆាំងនឹងមេដឹកនាំឆ្វេងនិយមនេះ។
ដោយបានធ្វើការប្រកាសក្រុមប្រឹក្សាភិបាលថ្មីមានសមាជិក ៦ រូបនៅលើគេហទំព័រធ្វីធើរនោះ លោក Guaido បានថ្លែងថា ក្រុមប្រឹក្សាភិបាលនេះនឹងត្រូវមានសមាសភាពពលរដ្ឋវ៉េណស៊ុយអេឡាមានលក្ខណសម្បត្តិគ្រប់គ្រាន់ដែលគ្មានអំពើពុករលួយ និងគ្មានការជាប់ពាក់ព័ន្ធនឹងបក្ខពួកណាមួយឡើយ។
លោក Guaido ដែលបានប្រកាសខ្លួនលោក ជាប្រធានាធិបតីស្តីទីក្រោយពីលោក ម៉ាឌូរ៉ូ ដែលកំពុងកាន់តំណែងនោះបានប្រកាសពីជ័យជម្នះក្នុង ការបោះឆ្នោតដែលក្រុមប្រឆាំងបាននិយាយថា មានការលួចបន្លំសន្នឹកឆ្នោតនោះបានថ្លែងថា៖ «ដោយមានការសម្រេចចិត្តនេះ យើងនឹងមិនគ្រាន់តែការពារទ្រព្យសម្បត្តិរបស់យើងទេ យើងកំពុងបញ្ចៀសការបំផ្លិចបំផ្លាញ និងការធ្វើឲ្យអាជីវកម្មខាតបង់»។
_1.jpg)
មេដឹកនាំបក្សប្រឆាំង លោក Juan Guaido ថតសែលហ្វីជាមួយក្រុមអ្នកគាំទ្រដើម្បីដាក់សម្ពាធយោធា។ AFP
ក្រុមប្រឹក្សាភិបាលមុន ត្រូវបានតែងតាំងដោយលោក ម៉ាឌូរ៉ូ ដែលនាំឲ្យវ៉េណេស៊ុយអេឡា ជួបវិបត្តិសេដ្ឋកិច្ច។
ប្រទេសនេះកំពុងរងការប៉ះពាល់ដោយវិបត្តិសេដ្ឋកិច្ចខណៈដែលមនុស្សរាប់លាននាក់កំពុងប្រឈមនឹងការខ្វះខាតវត្ថុប្រើប្រាស់ចំាបាច់ជាមូលដ្ឋាន ដូចជាស្បៀងអាហារ និងថ្នាំពេទ្យ។
វ៉េណេស៊ុយអេឡា រកបានចំណូល ៩៦ ភាគរយពីប្រេងប៉ុន្តែផលិតកម្មរបស់ខ្លួនបានធ្លាក់ចុះរយៈពេល ៣០ ឆ្នាំគឺ ១,១ លានធុងក្នុងមួយថ្ងៃ។
អាមេរិក គឺជាអតិថិជនធំបំផុតរបស់ខ្លួន ដែលបានទិញប្រេងជិតពាក់កណ្តាលនៃផលិតកម្មរបស់ខ្លួន ដែលនេះ តំណាងឲ្យ ៧៥ ភាគរយនៃប្រាក់ចំណូលរបស់ប្រទេសញាំញីដោយវិបត្តិនេះ៕ AFP/PSA
-New.jpg)
ក្រុមអ្នកគាំទ្រលោក នីកូឡាស ម៉ាឌូរ៉ូ ចូលរួមទិវាយុវជននៅទីលាន Bolivar នៅក្នុងក្រុងការ៉ាកាស។ AFP
