លោករដ្ឋមន្ត្រីការបរទេសអង់គ្លេស Andrew Murrison។ Twitter
.jpg)
ក្រុងតេអេរ៉ង់ៈ ទីភ្នាក់ងារសារព័ត៌មាន IRIB គ្រប់គ្រងដោយរដ្ឋបានរាយការណ៍ថា រដ្ឋមន្ត្រីការបរទេសអង់គ្លេសបានមកដល់ក្រុងតេអេរ៉ង់នៅថ្ងៃអាទិត្យនេះ និងបានជួបជាមួយការទូតម្នាក់មកពីក្រសួងការបរទេសអ៊ីរ៉ង់ ស្របពេលមានភាពតានតឹងនៅក្នុងតំបន់កំពុងកើនឡើងនេះ។
ទីភ្នាក់ងារសារព័ត៌មាននោះ បានរាយការណ៍ថា រដ្ឋមន្ត្រីការបរទេសទទួលបន្ទុកកិច្ចការមជ្ឈិមបូព៌ា លោក Andrew Murrison បានពិភាក្សាជាមួយលោក Kamal Kharazi ប្រធាននៃក្រុមប្រឹក្សាយុទ្ធសាស្ត្រនៃទំនាក់ទំនងបរទេសនៅក្រសួងការបរទេសអ៊ីរ៉ង់អំពីទំនាក់ទំនងទេ្វភាគី និងបញ្ហាក្នុងតំបន់ និងកិច្ចព្រមព្រៀងនុយក្លេអ៊ែរ ឆ្នាំ ២០១៥។
លោក Murrison ត្រូវបានរំពឹងថា នឹងជួបអនុរដ្ឋមន្ត្រីការបរទេសលោក Abbas Araghchi នៅពេលក្រោយ ក្នុងថ្ងៃអាទិត្យនេះ។
យោងតាមសេចក្តីថ្លែងការណ៍មួយរបស់ក្រសួងការបរទេសអង់គ្លេសបានឲ្យដឹងថា លោក Murrison ត្រូវអំពាវនាវឲ្យបន្ថយភាពតានតឹងជាបន្ទាន់ និងលើកឡើង កង្វល់អំពីការទង្វើរបស់អុីរ៉ង់នៅក្នុងតំបន់ និងបានគំរាមបន្ធូរបន្ថយការអនុវត្តន៍កិច្ចព្រមព្រៀងនុយក្លេអ៊ែរដែលអង់គ្លេស នៅតែប្តេជ្ញាយ៉ាងមុតមាំនោះ៕ PSA
